• Объявления

  • Последние новости


    Azərbaycanda iki bacının faciəsi - biri öldü, digəri komadadır - FOTO

    Dünən Novxanıda baş vermiş dəhşətli yol qəzasında ölən və yaralanan iki qızın bacı olduğu məlum olub.    1991-ci il təvəllüdlü Sürəyya Qəhrəmanlının idarə etdiyi "Chevrolet"in "MAN" markalı yük maşınına çırpılması nəticəsində o vəfat edib. Bacısı, 24 yaşlı Leyla Qəhrəmanlı isə koma vəziyyətində xəstəxanaya yerləşdirilib.   Faktla bağlı Abşeron rayon Polis İdarəsində cinayət işi açılıb, ekspertizalar təyin edilib.   Qəzaya düşən bacılar Bakıdakı özəl klinikalardan birində çalışırmış. Onlar Sumqayıtdan Bakıya işə gələrkən qəzaya düşüblər.   ///Lent.az
    417

    Sentyabrın 26-ı qeyri-iş günü olacaq

    Sentyabrın 26-ı qeyri-iş günü olacaq.
    Azforum.az Oxu.az-a istinadən xəbər verir ki, APA-nın məlumatına görə, Konstitusiyada dəyişikliklər edilməsi məqsədi ilə sentyabrın 26-na ümumxalq səsverməsi (referendum) təyin edilib.
    Sentyabrın 26-ı bazar ertəsinə təsadüf edir. Seçki Məcəlləsinin 8.2-ci maddəsinə əsasən, səsvermə günü seçki (referendum) keçirilən ərazidə iş günü hesab olunmur.
    Buna görə də 26 sentyabr ölkədə qeyri-iş günüdür.
    338

    Lənkəraniskinin anası Zaurun verilişlərinə başqa adla pul göndərirmiş - ŞOK AÇIQLAMA

    Azforum.az bizimyol.info-a istinadən xəbər verir ki,Bir müddət əvvəl  bizimyol.info saytında məşhur azərbaycanlı avtoritet Rövşən Lənkəraniskinin (Canıyevin) adını çətinliklə dəqiqləşdirə bildiyimiz anası Məsməxanım Hacıyevanın insult keçirməsi haqda məlumat vermişdik. Verilən məlumatda Məsməxanım Hacıyevanın xeyriyyəçi qadın olduğu da bildirilirdi.   Bu gün Bizimyol.info saytına Lənkəraniskinin ailəsinə yaxın mənbənin bildirdiyinə görə, onun anası Məsməxanım Canıyeva televiziyyada yayımlanan bir çox sosial proqramlarda onlarla ehtiyyacı olan şəxslərə başqa adla köməkliklər edib. Hətda ATV kanalında yayımlanan Zaur Baxşəliyevin aparıcısı olduğu “Ümid var” və “Bizimləsən” verlişlərində bir çox ehtiyacı olan adamlara pul və qiymətli əşyalar göndərdiyi bildirilir. Teleaparıcının verilişində zaman-zaman ən müxtəlif ehtiyyacı olan şəxslərə göndərdiyi külli miqdarda pullara və qiymətli əşyalara görə təşəkkür etdiyi Hacıxanım, Rövşən Lənkəraniskinin anası Məsməxanım Hacıyeva imiş. O əsl adının çəkilməsini istəməsə də, teleaparıcı onu Hacıxanım deyə bildirirmiş.   Məsələ ilə bağlı saytımıza açıqlama verən məşhur teleaparıcı Zaur Baxşəliyev fikirlərini belə ifadə edib.   “Bəli mənim verilişimə həcixanımlar ehtiyyacı olanlara pullar, qiymətli əşyalar göndərib. Amma bunun hansının Lənkəraniskinin anası olduğunu bilmirəm. Lənkərandan Həcixanım verilişimizə yardımlar edib. Amma onun Lənkəraniskinin anası olduğunu bilmirəm. Çünki bizə təqdim edilən konvertlərdə xeyriyyəçilər öz adlarını qeyd etmirlər. Mən Lənkaraniskinin anasından telefon zəngi alıb, bu pulu mən göndərmişəm deməyib. Belə hal olmayıb. Ola bilər göndərib, amma başqa adla, çünki göndərilən konvertin üstündə nə yazılırdısa, mən də elə təqdim edirdim. Onların həyatında hazırda həssas məqamdı, ona görə istəmirəm hansısa açıqlama verib, təşvişə səbəb olam. ”
    171

    Çovdarovun məhkəməsi canlı yayımda - Gülləkeçirməz qəfəsə salınacaq

    Sentyabrın 20-də ləğv olunmuş Milli Təhlükəsizlik Nazirliyinin (MTN) Energetika və Nəqliyyat Sahələrində təhlükəsizlik Baş İdarəsinin sabiq rəisi, general-mayor Akif Çovdarovun və onunla birgə tutulan digər 4 sabiq MTN-çinin işi üzrə məhkəməyə hazırlıq iclası keçiriləcək. 
    Qeyd edək ki, əvvəl məhkəmənin Bakı Hərbi Məhkəməsinin binasında keçiriləcəyi bildirilsə də, sonradan qərar dəyişdirilib. Sabunçu Rayon Məhkəməsinin inzibati binasında cinayət işinə Bakı Hərbi Məhkəməsinin sədri Həbib Həsənovun sədrliyi, hakimlər Elbəy Allahverdiyev və Müslüm Əliyevin iştirakı ilə baxılacaq. 

    Azforum.az azerinews.tv-a istinadən xəbər verir ki,məhkəmənin keçiriləcəyi yerin dəyişdirilməsinin səbəbi Sabunçu Rayon Məhkəməsinin inzibati binasında məhkəmə zallarının geniş və daha müasir şəraitdə təchiz olunması ilə bağlıdır. 

    Sabunçu Rayon Məhkəmə Kompleksi 2015-ci ilin 21 oktyabrında istifadəyə verilib. Müasir informasiya-kommunikasiya texnologiyalarının quraşdırıldığı bina inzibati və ictimai zonalara bölünür. Hər iki zonanın girişi ayrıdır. İnzibati zona hakimlər və məhkəmə işçiləri, ictimai zona isə vətəndaşlar üçün nəzərdə tutulub. Ədliyyə Nazirliyinin icra şöbəsinin əməkdaşları, dövlət ittihamçıları və vəkillər ictimai zonadan istifadə edir. Bununla da hakimlər və vətəndaşlar arasında münasibətlər məhdudlaşdırılır və onlar yalnız məhkəmə iclas zallarında görüşürlər.

    A.Çovdarovun prosesi keçiriləcək məhkəmə zalında audio-videoyazılışları aparan “Femida” sistemi quraşdırılıb ki, bunun köməyi ilə prosesi məhkəmədən də kənarda canlı izləmək və yayınlanmasını təmin etmək mümkündür. 

    MTN generalları məhkəmə zamanı gülləkeçirməz xüsusi şüşə qəfəsdə saxlanılacaqlar. Burada onların vəkillə birbaşa və rahat əlaqə saxlamaları üçün müvafiq qurğu da var. Maraqlıdır ki, məhkəmə zalında əcnəbi şəxslərin iştirakı zamanı tərcümə xidmətlərinin göstərilməsi üçün xüsusi yer ayrılıb.

    A.Çovdarovun özünə gəlincə, o, 1 saylı Bakı İstintaq Təcridxanasında həkim nəzarətində saxlanılır. Bu barədə Ədliyyə Nazirliyinin Baş Tibb İdarəsinin rəis müavini İftixar Qurbanov məlumat verib. Rəis müavini bildirib ki, A.Çovdarovun səhhəti normallaşıb və hazırda 1 saylı Bakı İstintaq Təcridxanasının tibb sanitar hissəsində daimi həkim nəzarətindədir: “Akif Çovdarovun səhhətində problemlər həbsdə olan müddətdə baş verməyib. Onda əvvəldən xəstəliklər olub. Hazırda o, tibb sanitar hissəsində həkim nəzarətindədir”.



    A.Çovdarovun Ədliyyə Nazirliyinin Müalicə Müəssisəsinə köçürülməməsinə gəlincə, rəis müavini bildirib ki, hələlik buna ehtiyac yoxdur: “Tibb məntəqəsində onun müayinəsi üçün bütün şəraitlər var, ona görə də ehtiyac yoxdur”.

    İ.Qurbanov A.Çovdarovun müalicə olunması üçün Ədliyyə Nazirliyinin Müalicə Müəssisəsində ixtisaslı kardioloq-həkimin olmaması ilə bağlı yayılan iddialara da münasibət bildirib: “Bu məlumatlar əsassızdır. Ədliyyə Nazirliyinin Müalicə Müəssisəsində ixtisaslaşmış kardioloq-həkim də var, lazım olan avadanlıqlar da. Yayılan məlumatların heç bir əsası yoxdur. Hətta Akif Çovdarovun saxlanıldığı 1 saylı Bakı İstintaq Təcridxanasının tibb-sanitar hissəsində kardioqramma aparatları da var. A.Çovdarova lazımi səviyyədə müayinə xidməti göstərilir. Akif Çovdarovun səhhəti o qədər də kritik deyil ki, onun Müalicə Müəssisəsinə köçürülməsinə qərar verilsin. Köçürülməyə ehtiyac olmadığı üçün o, təcridxananın tibb-sanitar hissəsində saxlanılır. Akif Çovdarov həftədə bir dəfə kardioloq tərəfindən müayinə olunur, səhhəti nəzarətdə saxlanılır. Akif Çovdarovu müayinə etmək üçün Ədliyyə Nazirliyin Hospitalının ixtisaslı kardioloq-həkimi, elmlər namizədi də həftədə bir dəfə təcridxanaya dəvət edilir, onu müayinə edir, təyinatlar verir. Hazırda da Akif Çovdarovun səhhəti normal, stabildir”.

    İ.Qurbanov bildirib ki, A.Çovdarovun aclıq aksiyası keçirməsi barədə onlarda rəsmi məlumat yoxdur.

    Qeyd edək ki, A.Çovdarov 2015-ci il noyabrın 14-də həbs olunub. 2015-ci il noyabrın 15-də Səbayel Rayon Məhkəməsinin qərarı ilə A.Çovdarov barəsində 3 ay müddətinə həbs-qətimkan tədbiri seçilib. A.Çovdarovun barəsində seçilmiş həbs-qətimkan tədbiri bir neçə dəfə artırılıb.

    A.Çovdarova qarşı Cinayət Məcəlləsinin 308.2 (Vəzifə səlahiyyətlərindən sui-istifadə, bu Məcəllənin 308.1-ci maddəsi ilə nəzərdə tutulmuş əməllər ağır nəticələrə səbəb olduqda və ya seçkinin (referendumun) nəticələrinə təsir məqsədilə törədildikdə), 311.3.1 (Rüşvət alma (passiv rüşvətxorluq), qabaqcadan əlbir olan bir qrup şəxs və ya mütəşəkkil dəstə tərəfindən), 311.3.2 (Rüşvət alma (passiv rüşvətxorluq) təkrar törədildikdə), 311.3.3 (Rüşvət alma (passiv rüşvətxorluq) külli miqdarda törədildikdə), 311.3.4 (Rüşvət alma (passiv rüşvətxorluq) hədə-qorxu tətbiq olunmaqla törədildikdə) və 145.3-cü (Qanunsuz azadlıqdan məhrum etmə, iki və ya daha çox şəxsə qarşı törədildikdə; təqsirkar şəxs üçün aşkar surətdə hamilə vəziyyətində olan qadına qarşı törədildikdə; yetkinlik yaşına çatmayan şəxs barəsində törədildikdə; bir qrup şəxs, qabaqcadan əlbir olan bir qrup şəxs, mütəşəkkil dəstə və ya cinayətkar birlik (cinayətkar təşkilat) tərəfindən törədildikdə; zərərçəkmiş şəxsin həyatı və ya sağlamlığı üçün təhlükəli olan zor tətbiq etməklə törədildikdə; silahdan, yaxud silah kimi istifadə edilən əşyalardan istifadə etməklə törədildikdə, bu əməllər ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddələri ilə cinayət işi açılıb. (yeni musavat)
    220

    Rəqqasə Validə : Onsuz da soyunuram, nə qədər istəyirsiz... - ŞOK FOTOLAR

    Gənc rəqqasə Validə Azərbaycanda Fatimə Fətəliyevadan başqa özünə rəqib görmədiyini deyib.
    Azforum.az azerinews.tv-a istinadən xəbər verir ki,məclislərin birində fotokameralarımıza tuş gələn Validə bildirib ki, həyatda heç kompleksi yoxdur: "Nə qədər istəyirsiz, çəkin. Kişilərin qucağında belə... Mənə fərq etməz. Mən oynayıram, pulumu qazanıram. Onsuz da soyunuram. Özümü bağlayıb çıxa bilmərəm ki, səhnəyə.

    Rəqqasəlikdə 21 yaşım var, özümə ev aldım. Öz işimdən çox razıyam, bunu hamıdan yaxşı bacarıram. Bir Fatimə xanımdan başqa. Çünki Fatimə xanım mənə bu işə gəlməkdə çox dəstək olub. Rəqqasəliyə yeni başlayanda, geyimlərim yox idi. Fatimə xanım mənə öz rəqs libaslarından verdi...". (Qafqazinfo)







    611

    Moskvada antiAzərbaycan toplantısı

    “Putin NATO-su” adlanan və Rusiyanın dominant olduğu Kollektiv Təhlükəsizlik Müqaviləsi Təşkilatına (KTMT) erməni generalın gətiriləcəyi haqda xəbər öz təsdiqini tapır. Xatırladaq ki, oktyabrın 14-də qurum rəhbərliyinin İrəvan toplantısında ilk dəfə olaraq KTMT baş katibi postunda rus generalı Nikolay Bordyuja başqası ilə əvəzlənəcək. Onun xələfinin isəErmənistanın hazırkı müdafiə naziri, Xocalı hərbi canisi Seyran Ohanyanın olacağı, faktiki, həll olunmuş məsələ sayılır.
    Azforum.az qafqazinfo. az-a istinadən xəbər verir kii, “Yeni Müsavat”ın yazdığına görə, gözlənilən təyinat barədə artıq həm yerli, həm də xarici ekspertlər səviyyəsində yetərincə rəy və şərhlər verilib. Bu təyinatın öncəliklə Qarabağ konfliktinin həllində yeni əngəllər yaradacağını söyləyənlər də var, Putinin etibarlı şəxsi, politoloq Sergey Markovun timsalında əksini iddia edənlər də.
    Ancaq bütün hallarda məhz Ermənistan nümayəndəsinin, üstəlik, Xocalı canisinin belə yüksək posta gətirilməsinin Azərbaycanda xoş ovqat yaratmayacağı şəksizdir. Ən azı ona görə ki, ermənilərin xislətinə kim bələd olmasa da, biz yaxşı bələdik.
    Məsələ də ondadır ki, Kreml bir Xocalı hərbi canisinə yüksək vəzifə etibar eləməklə Azərbaycan xalqının, onun köçkün təbəqəsinin ürəyini yaralamış olur. Çünki bu quldur üçün, eləcə də onunla əlbir olmuş digər Xocalı caniləri, Serj Sərkisyan, Robert Köçəryan üçün türmə çoxdan darıxır. Amma hələ ki onları tutduqları yüksək postlar, Qarabağ danışıqlarında daşıdıqları rəsmi şəxs statusu sığortalayır. Bir yandan da Moskvanın gizli-açıq himayəsi, onlara qahmar çıxması.
    ***
    Maraqlıdır ki, KTMT-yə erməni başçısının gətiriləcəyi xəbəri ilə təxminən eyni vaxtda Rusiyanın Azərbaycana münasibətdə qeyri-dost davranışına dəlalət edən başqa bir məlumat yayılıb. Həmin məlumata görə, sentyabrın sonunda Moskvada “Millətlərin dialoqu, xalqların öz müqəddəratını təyinatı və çoxqütblü dünyanın yaradılması” mövzusunda konfrans keçiriləcək.
    Rusiyanın Antiqlobal Hərəkatının təşkil etdiyi və Moskvanın intriqalı ad daşıyan “Prezident” otelində keçiriləcək bu təxribatçı tədbirə Kataloniya, Şimali İrlandiya, Qərbi Saxara, Şotlandiya nümayəndələri ilə yanaşı, Dağlıq Qarabağ, Abxaziya və Cənubi Osetiya separatçılarının da qatılacağı gözlənilir. Yada salaq ki, bundan öncəki konfrans 2015-ci ilin sentyabrında təşkil edilib.
    Şübhəsiz ki, Rusiya paytaxtında baş tutacaq bu bədnam konfransı Qarabağ separatçılarının iştirakı səbəbi ilə anti-Azərbaycan toplantısı da adlandırmaq olar. Başqa sözlə, tədbiri heç cür Moskvanın ölkəmizə qarşı xoş məram jesti saymaq olmaz.
    ***
    Bu arada Bakı ilə Moskvanın arasını vurmağa hesablanmış daha bir xəbər yayılıb. Bəlli olub ki, Rusiyanın “Taşir” şirkətlər qrupu Qarabağın elektrik şəbəkəsini almaq barədə danışıqlar aparır (virtualaz.org). Bu haqda erməni nəşri “Jamanax” qəzeti yazıb. Məlumatlara görə, eyni adlı şirkətlər qrupu erməni milyarder Samvel Karapetyana məxsusdur. O, Rusiya Erməniləri İttifaqının rəhbəridir.
    Az öncə “Taşir” Ermənistanın elektrik şəbəkəsini Rusiyanın “İnterRAO” şirkətindən alıb. Bu, “İnterRAO” şirkətinin elektrik enerjisi tariflərini artırmasına qarşı Ermənistanı bürüyən kütləvi etirazlardan sonra baş vermişdi. İndi isə Karapetyan işğal altındakı Azərbaycan ərazilərində elektrik şəbəkəsinin sahibi olmaq istəyir.
    “Taşir” qrupu erməni oliqarxa məxsusdur, ancaq Rusiya şirkətidir və onun Azərbaycan ərazilərində qanunsuz iqtisadi fəaliyyət göstərməsinə qarşı rəsmi Moskva tədbirlər görməlidir. Yəqin ki, rəsmi Bakı həm bu sövdələşməni, həm də KTMT-yə Seyran Ohanyanın rəhbər gətirilməsi və nəhayət, Moskvada gözlənilən anti-Azərbaycan toplantısını əngəlləmək üçün bütün mümkün diplomatik rıçaqlardan istifadə edəcək, Rusiya tərəfinə öz etirazını bildirəcək.***
    Diqqətçəkicidir ki, hər üç xəbər rəsmi Moskvanın Dağlıq Qarabağ probleminin həllində son aylar göstərdiyi siyasi-diplomatik fəallıq fonunda yayılıb. Məlumdur ki, Kremlin “Lavrov planı” adlanan həll modeli Dağlıq Qarabağa aralıq statusun verilməsi qarşılığında Ermənistanın bir neçə rayonu işğaldan azad eləməsini nəzərdə tutur ki, bu da düşmən ölkənin hakim dairələrində, siyasi-ictimai kəsimində təlaş doğurub.
    Son üç xəbər Azərbaycan-Rusiya əlaqələrinin hazırkı səviyyəsinə və ruhuna da uyğun gəlmir. Həmçinin Ankara-Moskva münasibətlərinin istiləşməsi fonunda təzadlı qənaət formalaşdırır. Görünür, həm də Rusiya-Türkiyə yaxınlaşmasından təlaş keçirən müəyyən məkrli dairələr Rusiya və Azərbaycanın arasını vurmaq və Qarabağ məsələsində irəliləyişi önləmək üçün hərəkətə keçib
    193

    Qaraciyəri sağlam saxlamaq istəyənlər üçün faydalı içki

    Qaraciyərin sağlamlığını qorumaq istəyirsinizsə, bu dadlı və faydalı içkini hazırlayın.
    Axşamdan termosa 1 ovuc kişmiş, üzərinə 1 stəkan qaynar su tökün, səhərə qədər saxlayın. Səhər dəmləməni süzün (kişmişi yeyə bilərsiniz), 1 ç.q. bal və bıçağın ucunda sarıkök əlavə edin, yaxşı qarışdırın və için.
    Azforum.az Bizimyol. info -a istinadən bildirir ki, bu vasitə həmçinin bağırsaqların fəaliyyətinə də müsbət təsir edir.
     
    Azforum.az
    125

    Azərbaycanda 10 günün gəlini müəmmalı şəkildə ölüb

    Zərdaba 10 gündür gəlin gələn qadın müəmmalı şəkildə dünyasını dəyişib. Hadisə dünən axşam saatlarında baş verib.   Azforum.az bizimyol.info-a istinadən xəbər verir ki,Ağsu rayonundan 10 gündür ki  Zərdab rayonunun Məmmədqasımlı kəndinə gəlin gələn 1990-cı il təvəllüdlü Pərvanə Bulud qızı Zərbəliyeva ağır vəziyyətdə rayonun mərkəzi xəstəxanasına gətirilib. Xəstəxanadan verilən məlumata görə, şok vəziyyətdə xəstəxanaya daxil olan P. Zərbəliyevaya ilkin tibbi yardım göstərilib.   Yaxınlarının təkidi ilə xəstə şəxsi maşınları ilə Ucar Mərkəzi Rayon Xəstəxanasına aparılıb. Ucar Mərkəzi Rayon  Xəstəxanadan verilən məlumata görə, mərhum xəstəxanaya gətirilərkən yolda dünyasını dəyişib. Hadisənin hansı səbəbdən baş verməsi hələlik məlum deyil.   Faktla bağlı araşdırma aparılır.
    99

    Sumqayıtda maraqlı olay

    Gecə Sumqayıtda maraqlı olay baş verib. 
    Fövqəladə Hallar Nazirliyindən Oxu.Az-a verilən məlumata görə, Böhran Vəziyyətlərində İdarəetmə Mərkəzinə Sumqayıt şəhərində bir nəfərin barmağındakı üzüyün sıxılaraq qalması barədə məlumat daxil olub.
    Dərhal Fövqəladə Hallar Nazirliyinin Sumqayıt Regional Mərkəzinin xilasetmə qüvvələri hadisə yerinə cəlb olunaraq üzüyü kəsmiş və vətəndaşın barmağından çıxararaq zərərçəkmişi aidiyyəti üzrə təhvil vermişlər.
    Əməliyyat saat 04:24-də başa çatıb.
    AZFORUM.AZ
    121
  • Яндекс.Погода
  •  Valyuta məzənnəsi

  • FreeCurrencyRates.com