• Объявления

  • Последние новости


    Həbs edilən müğənninin qaçan avtoritetlə fotosu yayıldı

    Bakı-Astara-Bakı qatarından qaçan məhbuslara yardım etməkdə təqsirləndirilərən Müğənni Fədayə Laçın avtoritetlə fotosu yayılıb. 
    Oxu.Az-ın məlumatına görə,  müğənni “Qoca” ləqəbli Etibar Məmmədovla birgə çəkilmiş səmimi görüntüsünü təzadlar.az saytı yayıb.
    Qeyd edək ki, Məmmədova Fədayə Baris qızı (Fədayə Laçın) oktyabrın 23-də Bakı-Astara-Bakı qatarından qaçan məhbuslara yardım etməkdə təqsirləndirilir. 
    F. Laçın həmin iş üzrə təqsirləndirilən şəxs qismində cəlb edilməkdə barəsində Nəsimi rayon Məhkəməsinin qərarı ilə həbs qətimkan tədbiri seçilib.
    Xatırladaq ki, oktyabrın 23-də Bakı- Astara - Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, hazırda Cinayət Məcəlləsinin (CM) müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
    Qaçan məhbuslardan Əli Ağami bir neçə gün sonra Şirvan şəhərində tutulub.
    Etibar Ələkbər oğlu Məmmədovun axtarışı istiqamətində tədbirlər davam etdirilir.
     
    36

    Hər kəs metrodakı bu qadınlardan danışır - FOTOLAR

    Metro ictimai nəqliyyatlar arasında ən çox istifadə olunanlardan sayılır.
    Metbuat.az bildirir ki, dünyanın müxtəlif ölkələrində geyimləri və hərəkətləri ilə qəribə təsir bağışlayan bir çox sərnişinə rast gəlinir.
      Həmin mənzərəni əks etdirən fotoları təqdim edirik:




    38

    Bakıda məktəb direktorunun əxlaqsız təklifi müəlliməni işsiz qoydu - FOTO

    Xəzər rayonu, Şüvəlan qəsəbəsində yerləşən, sağlamlıq imkanları məhdud uşaqlar üçün nəzərdə tutulmuş 12 nömrəli xüsusi internat məktəbinin keçmiş əməkdaşı Gülnar Ələsgərova məktəbin direktoru Allahverdi Vəliyevin əxlaqsız təklifinə "yox" cavabı verdiyi üçün işdən çıxarıldığını iddia edir.
    G.Əliyeva işə bərpa və buraxılmış iş günlərinin əməkhaqqının ödənilməsi tələbi ilə məhkəməyə müraciət edib.AZXEBER.COM xəbər verir ki,virtualaz.org saytına müraciət edən şikayətçi başına gələnləri danışıb.
    800 manatlıq əxlaqsız təklif
    "Təhsil Nazirliyinin təyinatı ilə 2016-cı ilin aprelindən 12 nömrəli xüsusi internat məktəbində tərbiyəçi müəllim kimi işə başlamışam. Direktor Allahverdi Vəliyev və məktəbin kollektivi ilə münasibətim normal olub. Lakin bir müddətdən sonra direktor məni baş tərbiyəçi vəzifəsinə təyin etmək istədiyini dedi. Dedi ki, baş tərbiyəçi ştatı dondurulub, onun istəyi ilə yenidən açılacaq. Tərbiyəçi müəllimə kimi 290 manat aldığım halda, baş tərbiyəçi kimi 800 manat maaş ödəniləcəkdi. Direktor mənə dedi ki, səni araşdırmışam, öhdəndə 3 azyaşlı uşağın olduğunu, həyat yoldaşından ayrıldığını, məcburi köçkün kimi evsiz qaldığını bilirəm. Burda direktor olduğum müddətdə səni dolandıracağam, işdən çıxandan sonra isə yerimə direktor təyin olunmağına köməklik edəcəyəm. Hətta torpağı olduğunu, orada mənə ev tikəcəyini də vəd etdi. Bunun əvəzinə onun təklifi ilə razılaşmalıydım. Direktorun təklifini qəbul etmədim, əsəbi halda cavab qaytardım, mübahisə etdik", - şikayətçi söyləyir.

    G.Ələsgərova bildirir ki, əsəbiləşib qışqırdığından mübahisəni bir neçə şəxs də eşidib. Bundan sonra direktor ilə münasibətləri kəskinləşib: "Direktor mənə dedi ki, səni elə həddə çatdıracağam ki, özün ərizə yazıb işdən getmək istəyəcəksən. Çünki kollektivin yanında pis vəziyyətə düşüb. Sonra iclasların birində yaşlı müəllimələrin biri ilə mübahisə etdik, o, məni vuraraq xəsarət yetirdi. Mən də ölçü götürülməsi üçün direktorun adına ərizə yazdım. Direktor isə onun adına yazdığım ərizəni polisə təqdim edib, mən də məcburiyyət qarşısında ekspertizadan keçdim. Xəsarət aldığımı, hətta zərbənin təsirindən dişimin sındığını təsdiqlədilər. Sonradan bir neçə müəllimə xəbərdarlıq etdi ki, direktor yaxın ətrafına məni münaqişəyə cəlb etməyi tapşırıb. Qadına qarşı cinayət işi açıldı, amma şikayət ərizəsini geri götürdüm, mübahisənin davam etməsini istəmədim. Sonra direktor mənə dedi ki, artıq səninlə işləmək istəmirəm, məktəbdə hər kəs sənə olan təklifi bilir, mənim sözümü çeynəmisən. Sonradan bildim ki, haqqımda nazirliyə ərizə göndərib. Bizim hər ikimizi Təhsil Nazirliyinə dəvət etdilər, mən orada direktorun iştirakı ilə əxlaqsız təklif etdiyini nazirliyin əməkdaşına söylədim".
    Sinif otaqlarını xəstə uşaqlar yığışdırır
    Şikayətçi deyir ki, məktəbin hər tərəfində, hətta onun oturduğu sinif otağının qarşısında müşahidə kameraları var, işçilərin saat neçədə işə gəlib-getdikləri qeydə alınır: "Direktor şikayət ərizəsində dəfələrlə işə gecikdiyimi, uşaqları nəzarətsiz qoyub otaqdan çıxdığımı söyləyib. Mən isə kameralara baxılmasını, bundan əlavə, uşaqlara olan münasibətimin araşdırılmasını istədim. O uşaqlar əqli qüsurludur, nəzarətsiz qaldığında bir-birinə xəsarət yetirə bilərlər".

     
    G.Ələsgərova əlavə edir ki, məktəbdə xadimələr olduğu halda, sinif otaqlarını əqli qüsurlu uşaqlara təmizlədirlər. Üstəlik, uşaqların döyülmə faktları da var. Bununla bağlı iradı da direktorun xoşuna gəlməyib. "Uşaqlara taxta veib yeri sildirirlər. Halbuki onlar nəzarətsiz qaldıqları halda bir-birinə xəsarət yetirə bilərlər. Onlar taxta ilə şüşəni sindıra da bilərlər. Uşaqların işlədilməsi ilə bağlı fotoşəkil və videogörüntülər var. Bu görüntülər hazırda məktəbdə çalışan müəllimlər tərəfindən çəkilərək mənə təqdim edilib. Çünki müəllimlər direktorun qəzəbinə tuş gələ bilərlər. Direktor dəfələrlə bildirib ki, 20 ildir bu müəssisəyə rəhbərlik edir, hələ 6 il də direktor kimi işləyəcək. Çünki onu himayə edənlər var. Təsəvvür edin ki, müəllimlərdən biri direktorun səsini yazıb, direktor müəlliməni təhqir edir. Mən həmin görüntüləri və səs yazısını nazirliyə təqdim etdim. Bu səs yazısına qulaq asan nazirlik əməkdaşı dedi ki, ağsaqqal adamdır, tabeliyindəki müəllimlərə ərk edir. Halbuki heç kim qızına, həyat yoldaşına, bacısına edilən təhqirə dözə bilmir. Bundan başqa, "RED" şirkəti tərəfindən məktəb qida ilə təmin edilir, şirkət menyuda nəzərdə tutulan ərzaqları gətirir. Amma ərzaq direktora məxsus mağazada satılır. Uşaqlara gətirilən paltarlar da onlara çatmır. Mənim məktəblə bağlı şikayətimdən sonra internatda yoxlama aparıldı. Təbii ki, bir gün əvvəl yoxlama olacağı ilə bağlı xəbərdarlıq edilmişdi. Buna görə də, menyuda olan qidalar hazırlandı. Uşaqların işlədilməsi ilə bağlı isə yalnız xadiməni cəzalandırmaq qərarına gəldilər. Direktor dedi ki, uşaqlar fiziki əməklə məşğul olub, yeganə günahkar isə xadimədir. Ona da xəbərdarlıq etdilər", - şikayətçi söyləyib.

    Direktorun qisası
      G.Ələsgərova onu da deyir ki, Təhsil Nazirliyi ilə birgə deputatlara, hüquq müdafiəçilərinə müraciət edib. Müraciət araşdırılıb və nazirlik bu ilin iyunun 1-də direktora intizam tənbehi verib. "İyunun 1-də direktora intizam təhbehi verildi. Səhəri gün mənim işdən azad olunmağımla bağlı əmr imzalayıb. Səbəb kimi işə gecikməyim göstərilir. Amma pedaqoji şuranın, həmkarlar təşkilatının iclası keçirilməyib. Həmkarlar təşkilatının 5 üzvü sənədi imzalayıb, onlardan biri direktorun müavini, digəri mənimlə mübahisəsi olmuş həmin xanım müəllimədir".
    G.Ələsgərovaya bu ilin aprelin 14-də töhmət elan edilib, məvacibindən tutulub. "Aprelin 13-də Təhsil Nazirliyinin rəsmi dəvəti ilə nazirliyə getmişəm. Elə həmin gün ərizə yazaraq direktoru məlumatlandırmışam. Amma direktor işdə olmadığımı əsas gətirərək mənə töhmət verib, məvacibimi kəsib. Təhsil Nazirliyindən isə deyirlər ki, rəsmi dəvət olduğu üçün töhmətin hüquqi əsası yoxdur. məvacib isə tam ödənilməlidir. Bununla bağlı nazirliyin rəsmi arayışı var. Lakin xəbərdarlığa baxmayaraq, direktor töhməti ləğv etməyib".
    Şikayətçi söyləyir ki, öhdəsində 3 azyaşlı uşağı var, 74 manat sosial yardım, 100 manat çörəkpulu alır. İşdən çıxandan indiyədək qohumların köməyi ilə yaşayır. "Artıq iş o yerə çatıb ki, maddi imkansızlıqdan uşaqları məktəbə göndərə bilmirəm. Buna görə də, ölkə rəhbərliyindən işimə ədalətli baxılmasına köməklik göstərmələrini xahiş edirəm. 4 nəfərlik bir ailə maddi imkansızlıqdan məhv olmaq üzrədir", - müəllimə deyir.
    Oktyabrın 30-da tərəflərin şikayətinə Apellyasiya Məhkəməsində baxılacaq.
    Direktor gizlənməyi üstün tutdu
    12 nömrəli xüsusi internat məktəbinin direktoru Allahverdi Vəliyevlə əlaqə yaramaq cəhdlərimiz nəticə vermədi. Məktəbin əməkdaşı sualı dinləyəndən sonra direktorun işdə olmadığını, onunla telefon əlaqəsi yarada bilmədiyini dedi. Direktora məxsus olan telefona cavab verən şəxs isə məhkəmə getdiyini deməklə kifayətlənib.
    Daha sonra internat məktəbindən redaksiyaya məktub göndərilib. "Sağlamlıq imkanları məhdud uşaqlar üçün 12 nömrəli xüsusi internat məktəbində keçirilən Pedaqoji Şuranın və internat məktəbinin Həmkarlar Komitəsinin qərarlarına əsasən, həmin məktəbin tərbiyəçisi Gülnar Ələsgərovanın əmək funksiyasını, vəzifə borcunu yerinə yetirmədiyini, işəgötürənin, habelə əmək kollektivinin üzvlərinin hüquqlarına və qanunla qorunan mənafelərinə, ləyaqətinə ziyan vurduğunu, pedaqoqun etik qaydalarına zidd hərəkətlər etdiyini, üzrlü səbəb olmadan işə gəlməməsi hallarının bir neçə dəfə təkrar olunduğunu və əvvəllər verilmiş intizam tənbehindən nəticə çıxarmayaraq altı ay ərzində təkrarən əmək funksiyasını pozduğunu nəzərə alaraq, Azərbaycan Respublikasının Əmək Məcəlləsinin 70-ci maddəsinin "ç" bəndinə əsasən onunla bağlanmış əmək müqaviləsinə xitam verilib. Gülnar Ələsgərova 12 saylı xüsusi internat məktəbinə qarşı əmrin ləğv edilməsi, işə bərpa olunma və əmək haqqının ödənilməsi tələbi ilə məhkəməyə müraciət edib. İşə Xəzər Rayon Məhkəməsində baxılıb, şikayət təmin edilməyib. Hazırda şikayətə Apellyasiya Məhkəməsində baxılır", - məktubda bildirilir.
     
    21

    Lənkəranski “Lotu Quli”nin türmədə öldürtmək istəyirmiş – KİLLERİN SENSASİON SƏS YAZILARI

    Bu ilin avqustunda İstanbulda güllələnən məşhur azərbaycanlı kriminal avtoritet, “Rövşən Lənkəranski” ləqəbli Rövşən Canıyevin barışmaz düşməni olan “Lotu Quli”ni (Nadir Səlifov) həbsxanada öldürmək üçün killer tutduğu üzə çıxıb.
    Yenicag.az xəbər verir ki, bu plan barədə təkzibolunmaz dəlillər YouTube şəbəkəsində yerləşdirilib. “Rövşən Lənkəranski”nin İlqar adlı killeri ilə bir vaxtlar “Lotu Quli”nin yaxın ətrafına daxil olan nüfuzlu kriminal element Hikmət Muxtarov (“Sabirabadlı Hikmət” kimi tanınan mərhum Hikmət Muxtarovla eyni ad-soyadı daşıyır-red) arasında telefon danışıqlarının internetdə yerləşdirilmiş audioyazısından məlum olur ki, bu iş üçün tərəflər 500 min dollara anlaşıblar. Hadisələr 2009-cu ildə cərəyan edib. Həmin ərəfədə “Rövşən Lənkəranski” özü Kiyevdə saxlanılmışdı və onun Azərbaycana deportasiyası gözlənilirdi.

    Telefon danışıqlarından məlum olur ki, “Lotu Quli”nin o vaxt cəza çəkdiyi 13 saylı cəzaçəkmə müəssisəsində öldürülməsi planını “Rövşən Lənkəranski”nin klanına daxil olan İlqar adlı şəxs hazırlayıb. O, “Lotu Quli” ilə eyni həbsxanada cəza çəkən Hikmət Muxtarovla hansısa yolla yaxın münasibət qurub. Daha sonra “Lotu Quli”ni həbsxanada öldürmək üçün inanılmış adam tapdığını “Rövşən Lənkəranski”yə çatdırıb. Sonuncu bu təkliflə razılaşıb və məsələnin həllini İlqara həvalə edib.
    Telefon danışıqlarından belə məlum olur ki, Hikmət “Lotu Quli”nin klanına mənsub olsa da ondan narazıdır və avtoritetin aradan götürülməsi üçün ona verilmiş sifarişi yerinə yetirməyə hazırdır. Lakin bu işi yerinə yetirmək üçün 500 min dollar haqq istəyib. Anlaşmaya əsasən əvvəlcə pulun 100 min dolları Hikmətə ( o, həbsxanada olduğu üçün ailəsinə) çatdırılmalıydı, qalanını isə sifariş yerinə yetiriləndən sonra almalıydı. Daha sonra şərtlər dəyişib və pulun 300 min dollarını əvvəlcədən vermək məsələsi qoyulub.

    “Lotu Quli”nin öldürülməsi məsələsini tərəflər 2009-cu ilin dekabrında baş tutmuş bir neçə telefon danışığında müzakirə ediblər. Həmin vaxt “Rövşən Lənkəranski”nin adamı Rusiyadan Azərbaycana gəlmişdi və həbsxana ilə müntəzəm əlaqə saxlayıb “Lotu Quli”nin aradan götürülməsi ətrafında müzakirələr aparırdı.
    Telefon danışıqlarına əsasən Hikmət Muxtarov 13 saylı cəzaçəkmə müəssisəsində “avroremont” kamerada tək qalan “Lotu Quli”ni zəhərləyərək öldürməli idi. Bu məqsədlə o, avtoritetlə yaxınlığından istifadə edib onun kamerasına girməliydi. Belə məlum olur ki, sifarişin şərtlərinə əsasən “Rövşən Lənkəranski” Hikməti öz himayəsinə götürəcəkdi və onun həbsxanadan buraxılması üçün çalışacaqdı.

    Telefon danışıqlarında İlqarla Hikmət “Rövşən Lənkəranski”nin Azərbaycana ekstradisiyası və onun “oğru” adından məhrum edildiyi barədə “Ded Xasan”ın çıxardığı hökmdən də danışırlar. Habelə telefon söhbətlərindən birində İlqar “Lotu Quli”nin yaxın adamı, “Oleq Bakinski” kimi tanınan Oleq Krapivini Kiyevdə öldürəcəyi barədə danışır. “Sən bu işi burada həll edlə, mən də onu Kiyevdə o tərəfə yola salım” deyir.

    Belə məlum olur ki, İlqar “Lotu Quli”nin öldürülməsi üçün lazım olan məbləğin 300 min dollarını Hikmətin ailəsinə çatdırıb. Lakin hüquq-mühafizə orqanları bu şübhəli pul transferindən xəbər tutub, evdə axtarış aparılıb. Habelə Hikmətin qaldığı “zon”da “şmon” olub. Bu uğursuzluğa baxmayaraq tərəflər yenə də planı müzakirə ediblər və Hikmət sifarişi yerinə yetirəcəyinə tam arxayın edib. Ancaq ona çatacaq məbləğin 100, yaxud 200 min dollarının “Rövşən Lənkəranski” tərəfindən veriləcəyinə tam əmin olmaq istəyib. Ancaq plan baş tutmayıb, çox güman ki, “Lotu Quli”nin həbsxanada ona sui-qəsd hazırlanmasından xəbəri olub və zəhərləmə əməlyyatı alınmayıb.
    Telefon söhbətlərindən məlum olur ki, həmin vaxtlar “Lotu Quli” özü də “gec-tez Rövşənin başını yeyəcəyi” haqda danışırmış…
    Yenicag.az həmin telefon danışıqlarını təqdim edir.
    P.S. Oxucuların nəzərinə çatdırırıq ki, telefon danışıqlarında tərəflər kriminal jarqonlardan və senzuradan kənar ifadələrdən istifadə edirlər.

     
    24

    KATİBƏ-RESEPŞN tələb olunur

    Iş barədə məlumat - Müştərilərin qarşılanması və qeydiyyatı 
    - Telefon zənglərinə cavab verilməsi 
    - Məktubların qəbulu və qeydiyyatı 
    - Şirkət kollektivinə inzibati işlərdə dəstək 
    - Xidmətlərin keyfiyyətli və ən yüksək səviyyədə göstərilməsi 
    - Rəhbərliyə gündəlik hesabatların göndərilməsi 
    - Rəhbərin iş qrafikinə uyğun iş planını hazırlamaq (görüşlər, zənglər, qəbullar və s.) 
    - İş qrafiki: I-V günlər 10:00-dan 19:00-dək, VI gün 10:00-dan 18:00-dək
    Namizədə tələblər - Cinsi: xanım 
    - Ali təhsil 
    - Azərbaycan vətəndaşlığı 
    - Azərbaycan və Rus dilləri üzrə mükəmməl biliklər (İngilis-dili arzuolunandır) 
    - Aydın və səlis nitq qabiliyyəti olmalı 
    - Kompüter və ofis avadanlıqları ilə işləmək qabiliyyəti 
    - Personal ilə işləməyi bacaran şəxslər müraciət etsinlər 
    - Səliqəli, punktual, xoş görünüşlü 
    - Ünsiyyətcil olmalı 
    - İşində məsuliyyətli və dəqiq olmalı 
    - Komandada işləməyi bacarmalı
    Ətraflı burada https://mycareer.az/
    MAAŞ BURADA https://mycareer.az/
    25

    14 yaşında modellik etdirilən qız öldü - "Ana, çox yorulmuşam, yatmaq istəyirəm" - FOTO

    Əslən rusiyalı olan 14 yaşlı model Vlada Dzyuba Çində dünyasını dəyişib.
    Milli.Az Mirror-a istinadla bildirir ki, Şanxayda podiuma çıxmağa hazırlaşan modelin hərarəti qalxıb, huşunu itirərək yerə yıxılıb. O, dərhal xəstəxanaya çatdırılıb. Vlada 2 gün komada qalıb. Həkimlər onun həyatını xilas edə bilməyiblər. Azyaşlı model xəstəxanada dünyasını dəyişib.
    Vladanın son sözləri: "Ana, çox yorulmuşam, yatmaq istəyirəm" olub.
    Həkimlər bildiriblər ki, qızın ölümünə səbəb onun tükənməsi olub. Belə ki, meningit xəstəliyi olan qız həddindən artıq işlədilib və o, gün ərzində cəmi bir neçə saat dincələ bilib.
      Rusiya mətbuatında qeyd olunan məlumata görə, Vlada Dzyuba Çinin moda agentliyi ilə 3 aylıq müqavilə imzalayıb və gün ərzində 13 saat işləyib.
    25

    Bu avtomobil sahiblərinin NƏZƏRİNƏ — 4 gün qaldı

    Yük avtomobilləri və avtobusların texniki baxışdan keçmə müddəti oktyabrın 31-də başa çatır. "Ölkə.Az"-ın trend-ə istinadən məlumatına görə, Bakı Şəhər Baş Polis İdarəsinin Dövlət Yol Polisi İdarəsinin ictimaiyyətlə əlaqələr bölməsinin rəisi Vaqif Əsədov texniki baxışdan keçməyən yük avtomobilləri və avtobus sahiblərinə qeyd olunan vaxta qədər texniki baxışdan keçməyi tövsiyə edib:
    "Bir daha bütün növ yük və avtobus tipli nəqliyyat vasitələrinin sahiblərinə bildiririk ki, texniki baxışdan keçməyə tələssinlər. Hazırda yük avtomobillərinin və avtobusların texniki baxışdan keçməsi davam edir. Yenə də sürücülərə xatırladıram ki, onlar istismar etdikləri nəqliyyat vasitələrini Bakı-Zabrat-Maştağa yolunun 1-ci kilometrliyində yerləşən diaqnostika şöbəsinə təqdim etməlidirlər. Unutmayın ki, texniki baxışdan təyin edilən müddətdə keçmədikdə fiziki şəxslər 50 manat, vəzifəli şəxslər 100 manat, hüquqi şəxslər isə 300 manat məbləğində cərimə edilir".
    Qeyd edək ki, yük avtomobilləri və avtobusların texniki baxışı 1 avqust-31 oktyabr tarixləri aralığında keçirilir. İcazə verilən müksimum kütləsi 3.5 ton və daha az olan yük avtomobilləri istehsal olunduqdan sonra 5-ci, 7-ci, 9-cu, 11-ci il və sonra hər il texniki baxışdan keçməlidir. İcazə verilən kütləsi 3.5 tondan yuxarı olan yük avtomobilləri isə istehsal olunduqdan sonra 2-ci il və hər il texniki baxışdan keçməlidir. Avtobuslar da istehsal olduqdan sonra 2-ci il və daha sonra hər il texniki baxışdan keçməlidir.
    24

    Xırdalanda terrorçularla qanlı atışma - 2 nəfər öldürüldü

    Xırdalanda atışma olduğu xəbərini vermişdik.
    Yenicag.az-a verilən ilkin məlumatlarda atışmanın qaçan məhbuslarla bağlı olduğu bildirilirdi.
    Lakin, əldə etdiyimiz son dəqiqə məlumatına görə, atışma hüquq mühafizə orqanların birgə keçirdiyi əməliyyat qatı terrorçulara qarşı imiş. Tərəflər arasında atışma Xırdalan şəhəri, Quşçuluq massivində atışma baş verib.
    Bəzi mənbələr 2, digərləri isə 3 terrorçunun zərərsizləşdirildiyi bildirilir.


     
    21

    Xırdalanda atışma: 2 nəfər öldürüldü

    Abşeron rayonunun Xırdalan şəhərində atışma baş verib.
    Azxeber.com Report-a istinadən xəbər verir ki, Quşçuluq massivində iki nəfər şübhəli şəxs saxlanılan zaman hüquq-mühafizə orqanları əməkdaşlarına silahlı müqavimət göstərib. Nəticədə onların hər ikisi zərərsizləşdirilib. Onların üzərinə baxış zamanı silah-sursat aşkar edilib.
     Faktla bağlı araşdırma aparılır.
    18
  • Яндекс.Погода
  •  Valyuta məzənnəsi

  • FreeCurrencyRates.com