• Объявления

  • Последние новости


    Azərbaycanda bu sürücülər kəmər taxmaya bilər

    Azərbaycanda bəzi sürücü və sərnişinlərin avtomobildə olarkən təhlükəsizlik kəmərindən istifadə etməməsinə icazə verilir.
    “Yol hərəkəti haqqında” qanunun 37-ci maddəsinin I bəndinin 6-cı hissəsinə əsasən, 12 yaşınadək uşaqların, geriyə hərəkət manevri edən sürücülərin, hamilə qadınların, sürücülüyü öyrənən şəxs nəqliyyat vasitəsini idarə edərkən onu öyrədənin, yaşayış məntəqələrində isə operativ nəqliyyat vasitəsi sürücülərinin və sərnişinlərinin kəməri bağlamamasına yol verilir.
    “Report” məsələ ilə bağlı Bakı Şəhər Dövlət Yol Polisi İdarəsinin (BDYPİ) Yol hərəkətinin təhlükəsizliyinin təbliği və ictimai qurumlarla əlaqə bölməsinin rəisi, polis polkovniki Vaqif Əsədova müraciət edib. V.Əsədov bildirib ki, həmin siyahı adıçəkilən qanun qüvvəyə mindiyi gündən bu yana baş verən yol-nəqliyyat hadisələrinin təhlili əsasında hazırlanaraq qəbul edilib.
    Vaqif Əsədovun sözlərinə görə, sürücü avtomobili təhlükəsizlik kəməri taxılı vəziyyətdə geriyə verirsə, bu, həmin şəxsə çətinlik yaratdığından, ona kəmər bağlamamağa icazə verilir:
    “Yaxud sükan arxasında və sərnişin qismində oturan hamilə qadına kəmərin bağlanması ona hərəkətlə bağlı problem yaradırsa, həmin şəxslərə də bu səbəbdən icazə verilir. Eyni zamanda 12 yaşınadək uşaqlar qabaqda mütləq xüsusi oturacaqda oturmalıdır. Həmin oturacağın özünün təhlükəsizlik kəmərini əvəz edən 4 və ya 3 nöqtədən ibarət xüsusi kəmər var. Arxa oturacaq məsələsi ölkə qanunvericiliyində nəzərdə tutulmadığından, arxada xüsusi oturacaqların quraşdırılması ilə bağlı inzibati xəta tərkibi yaradan maddə yoxdur. Ancaq bir sıra xarici dövlətlərdə, o cümlədən inkişaf etmiş ölkələrdə yol polisinin cəza yazıb-yazmasından asılı olmayaraq, əksər vətəndaşlar öz övladlarınının təhlükəsizliyini təmin etməyə çalışır”.
    Qurum rəsmisi onu da qeyd edib ki, operativ nəqliyyat vasitələrinin sürücüləri (yol polisi, təcili tibbi yardım, yanğınsöndürən və s.) zərurət yarandıqda “Yol hərəkəti haqqında” qanunun müvafiq maddəsinin tələblərini poza bilir:
    “Qanun buna icazə verir. Belə nəqliyyat vasitələrinin sürücüləri başqa sürücülərdən fərqli olaraq operativlik naminə təhlükəsizlik kəmərindən istifadə etmirlər. Bu da təbii ki, təhlükəsizliyi təmin etmək şərti ilə olur”.
    İdarə sözçüsü deyib ki, Bakı şəhəri üzrə təhlükəsizlik kəmərlərindən istifadə etməməyə görə xeyli sayda sürücü saxlanılır və cərimələnir:
    “Tərtib edilən protokollar əsasında günbəgün kəmərlərdən istifadə edənlərin sayında artımın olduğunu müşahidə edirik. Sürücü ilə yanaşı, sərnişin də kəmər bağlamırsa, onun da barəsində inzibati tənbeh tədbirlərinin görülməsinə qanun icazə verir. Təhlükəsizlik kəmərini bağlaması insanın öz həyatını, sağlığını düşünməsi deməkdir. Yəni bu, onun özünə faydalıdır. Belə ki, kəmər düzgün bağlanılırsa, bu həm qanunvericiliyin tələblərinə riayət edilməsi, həm yol mədəniyyətinin formalaşması, həm də baş verəcək qəza zamanı sürücü və sərnişinin həyatının 60 faiz qorunması deməkdir. Unutmaq lazım deyil ki, yollarda quraşdırılan kameralar vasitəsilə hərəkət zamanı kəmərin taxılmaması halları foto-material şəklində hazırlanır”.
    20

    Fətva: Qadınların ərlərinin telefonuna baxması haramdır

    Misirin "Darül-Fətva" tədris mərkəzinin müftisi şeyx Amru Vardani qadının öz həyat yoldaşının telefonuna icazəsiz baxmasının haram olduğunu bildirib.
    http://azforum.az Oxu.Az-a istinadən xəbər verir ki, tanınmış müfti bildirib ki, qadının öz ərinin telefonunu "təftiş etməsi" haramdır və qəbuledilməz addımdır.
    A.Vardani qeyd edib ki, bu addım bir çox ailələrin dağılmasına səbəb olduğu üçün müvafiq fətvanı verib.
    Müftinin bu bəyanatı Misirdə qadınlar tərəfindən etirazla, kişilər tərəfindən isə alqışla qarşılanıb.
    21

    YPX işçi axtarır

    Bakı şəhər Dövlət Yol Polisi İdarəsi yol patrul xidməti inspektoru vəzifələrində xidmətə qəbulla əlaqədar müsabiqə elan edib.
    İdarədən Oxu.Az-a verilən məlumata görə, müsabiqədə avtomobil nəqliyyatına aid orta ixtisas və ya ali təhsilli, kompüterlə işləmək bacarığı, sürücülük vəsiqəsi olan, habelə sürücü kimi 3 il əmək stajına malik, yaşı 20-dən aşağı, 25-dən yuxarı olmayan, boyu 180 santimetr və daha yüksək, idman cüssəli, həqiqi hərbi xidməti tam başa vurmuş, özü və yaxın qohumu məhkum olunmamış, yalnız Bakı şəhərində yaşayış yeri üzrə qeydiyyatda olan vətəndaşlar iştirak edə bilərlər.
    Həmçinin müsabiqə iştirakçılarının sağlamlıq vəziyyəti, biliyi, fiziki hazırlıq səviyyəsi, yol hərəkəti qaydaları üzrə nəzəri bilikləri və sürücülük vərdişləri müəyyən olunmuş qaydada yoxlanılacaq, xarici dil bilən və dövlət təhsil müəssisələrində ali təhsil almış namizədlərə üstünlük veriləcək.
    Müsabiqədə iştirak etmək istəyən şəxslər 2017-ci ilin oktyabr ayının 20-dən noyabr ayının 8-dək hər gün (istirahət günləri istisna olmaqla) saat 10:00-dan 17:00-dək BPİ-nin Dövlət Yol Polisi İdarəsinin inzibati binasında (Bakı şəhəri, Badamdar qəsəbəsi, M.Müşfiq küçəsi, kənar dairəvi yolun kəsişməsi) müraciət edərək, aşağıdakı sənədləri təqdim etməlidirlər:
    - Şəxsiyyət vəsiqəsi
    - Təhsil haqqında sənədin əsli
    - Hərbi bilet (kişilər üçün)
    - əmək kitabçası (olanlar üçün)
    - sürücülük vəsiqəsi
    - kompüterdə işləmək bacarığını təsdiq edən sənəd ( sertifikat və s.)
    Əlavə məlumat üçün əlaqə telefonları: (012) 590 21 65, (012) 590 21 66.
    27

    Azərbaycan və Ermənistan prezidentləri razılığa gəldilər - RƏSMİ BƏYANAT

    Azərbaycan və Ermənistan xarici işlər nazirləri və ATƏT-in Minsk Qrupunun həmsədrləri birgə bəyanatla çıxış ediblər.
    Azərbaycan Xarici İşlər Nazirliyindən Milli.Az-a verilən məlumata görə, bəyanatda deyilir:
    "Ermənistan Respublikasının Prezident Serj Sarkisyan və Azərbaycan Respublikasının Prezidenti İlham Əliyev Cenevrədə, İsveçrə zirvə görüşü keçirdilər. ATƏT Minsk Qrupunun həmsədrlərinin (İqor Popov Rusiya Federasiyası, Stefan Viskonti Fransa, Andrü Sxofer Amerika Birləşmiş Ştatları) himayəsi altında keçirilən görüşdə Ermənistan xarici işlər naziri Edvard Nalbəndyan, Azərbaycan xarici işlər naziri Elmar Məmmədyarov iştirak etdilər. Zirvə görüşünə ATƏT-in fəaliyyətdə olan sədrinin şəxsi nümayəndəsi Anjey Kaspişik də qatıldı.
    Görüş konstruktiv mühitdə keçdi. Prezidentlər danışıqlar prosesini intensivləşdirmək üçün tədbirlər görməyə və təmas xətti boyunca gərginliyi azaltmaq üçün əlavə addımlar atmağa razılaşdılar. Həmsədrlər çox uzun fasilədən sonra baş tutan bu birbaşa danışıqlardan razılıq ifadə etdilər. Onlar Dağlıq Qarabağ münaqişəsinin danışıqlar vasitəsilə sülh yolu ilə həlli üçün tərəflərlə işləməyə hazır olmaqda qalırlar. Növbəti addım kimi həmsədrlər xarici işlər nazirləri ilə yaxın gələcəkdə işçi görüş keçirəcəklər". 
    Qeyd edək ki, oktyabrın 16-da Azərbaycan Prezidenti İlham Əliyev və Ermənistan PrezidentiSerj Sarkisyan arasında görüş keçirilib.
    Görüşdə ATƏT-in Minsk qrupunun həmsədrləri və ATƏT-in fəaliyyətdə olan sədrinin xüsusi nümayəndəsi iştirak ediblər.
    25

    "82 yaşlı Yaşar Məmmədov gənc qılıncoynadan qızlara çılpaq foto göndərirdi" — FOTOLAR

    Azərbaycan Qılıncoynatma Federasiyasında təhsil naziri Mikayıl Cabbarovu yeni prezidenti seçməyə imkan tapmamış növbəti qalmaqal yaşandı.
    21:29 Bölmə: İdman Oxunma sayı: 3695 A-AA+    
    Federasiyanın keçmiş prezidenti Nazim İbrahimovun vaxtında birinci katib postunu tutmuş Asəf Məlikov 82 yaşlı vitse-prezident Yaşar Məmmədovu pedofiliyada ittiham etdi. Həm də bunu şifahi formada yox, Beynəlxalq Federasiyanın və Avropa Qılıncoynatma Konfederasiyasının rəhbərliyinin adına göndərdiyi məktublarda yazılı şəkildə etdi.
    A. Məlikov öz yasdıqiarını daxili işlər orqanların da göndərib.
    Yerli KİV həmin məktubun mətni ilə tanış ola bilib. Ondan bəzi hissələri diqqətinizə çatdırırıq: "Yaşar Məmmədovun əxlaqsız hərəkətlərinin həddi-hüdudu yoxdur! Hər yerdə olduğu kimi, Şərqdə də şərəf, ədəb ənənələri böyük dəyərə malikdir. Yaşar Məmmədov əxlaqın heç bir postulatına məhəl qoymayıb. O öz çılpaq şəkillərini qızlara göndərirdi, hansılar ki, onun nəvələri yaşındadır. Və hansılar ki, onun intim təkliflərinə razılaşırdılar, yarışlardakı nəticələrə baxmayaraq, bir nömrə altında Azərbaycan yığmasının üzvü olur və onunla gedirdilər. Məsələn, ölkə çempionu yığmanın tərkibinə düşmədi. Amma onun yerinə öz çılpaq fotosunu göndərdiyi qız düşdü. Buna görə Yaşar Məmmədova loyal olmayan idmançı qızlar və oğlanlar heç yerə getmirlər. Buna görə yeddi ildən çox müddət ərzində onlar heç bir toplanışda olmayıblar. Biz onun hərəkətləri barədə bildikdən sonra şadıq ki, onlar belə insanla getməyiblər. Biz bu insanın Federasiyanın rəhbərliyində olmasını istəmir və bunula barışmırıq.

    Asəf Məlikov
    Biz, əlbəttə, Əlişir Burhanoviçə (Beynəlxalq Qılıncoynatma Federasiyasının prezidentini nəzərdə tutur-red.) müraciət etmişik, respublika rəhbərliyinə, xanım birinci vitse-prezidentə və ölkə Prezidentinə də bu faktlarla müraciət edəcəyik. Heç bir sağlam düşüncəli valideyn razılaşmaz ki, onun qızının və ya oğlunun yanında pedofil olsun!
    Çox hörmətli cənablar! Biz istəmirik ki, bizim uşaqlarımız rəhbərliyində belə insanların olduğu Federasiyanın bayrağı altında qılınc oynatsınlar”.
    A.Məlikov Yaşar Məmmədovu həmçinin yarım milyon dollardan çox vəsaiti oğurlamaqda ittiham edir və yazır ki, Azərbaycan Qılıncoynatma Federasiyasının rəhbərliyinin dəyişdirilməsi ölkə rəhbərliyi ilə Beynəlxalq Federasiyanın prezidenti Əlişir Usmanovun razılaşmasından sonra oldu.
    Məktubun sonunda insanların soyadları göstərilib, hansı ki, guya onu imzalayıblar. Ancaq sonra aydınlaşıb ki, orada adı göstərilən insanlardan heç biri bu qalmaqallı müraciətin altından imza atmayıb.
    Əlbəttə, belə, xüsusən də əsassız ittihamlar cavabsız qala bilməzdi. Federasiyanın əməkdaşları, qadın və kişi idmançıları Əlişir Usmanovun adına cavab məktubu yazıblar. Təbii ki, bu məktubda A.Məlikovun yazdığı bütün o iyrənc ittihamlar təkzib edilir.

    Yaşar Məmmədov
    "Asəf Məlikovun beynəlxalq təşkilatlara belə məktublar göndərdiyini mən öz oğlumdan-Rusiya Qılıncoynatma Federasiyasının vitse-prezidenti İlqar Məmmədovdan eşitdim. Məlikov faktiki olaraq yazıb ki, beynəlxalq yarışlara yalnız mənim yatağımdan keçməklə getmək olar. Mən Asəf Məlikovu məhkəməyə verdim. Azərbaycan yığmasının qılıncoynadanları da məhkəmə orqanlarına müraciət etdilər. Onların öz vəkilləri var.
    Təsəvvür edin, Sevinc və Sevil Bunyatova bacılarının hərəsinin 28 yaşı var. Onlar uşaqlıqdan qılıncoynatma ilə məşğul olurlar. Biz bir çox yarışlarda olmuşuq. Belə ittihamları necə fikirləşmək olar?
    Məlikov bütün bunları tam dərrakə ilə edir. O hətta etiraf edib: "Qoy Yaşar Məmmədov məni məhkəməyə versin. Məni 300-500 manat cərimələyəcəklər, amma əvəzində mən Yaşarı bütün dünyada biabır edəcəyəm"”, - deyə Yaşar Məmmədov Yerli KİV-ə açıqlamasında bildirib.
    Yaşar Məmmədov həmçinin qeyd edib ki, Azərbaycan Qılıncoynatma Federasiyasının yeni prezidenti Mikayıl Cabbarovla, çox məşğul olduğundan, hələ görüşə bilməyib. Görüş yaxın günlərdə olmalıdır.
    36

    Aston Martin" yeni modelini təqdim etdi

    AZFORUM.AZ  Ölkə.Az-a istinadən xəbər verir ki, alüminium platformada yığılan avtomobil "Volante" adlandırılıb. Kapotun altına "Mercedes-AMG" turbo mühərriki yerləşdirilib.
    Səkkiz qatlı dam örtüyü 14 saniyəyə açılır və 16 saniyəyə yığılır (50 km/saat sürət zamanı). Mühərrik isə 510 at gücü hasil edir. Avtomobilin çəkisi 1870 kq-dır.






    26

    Çılpaq rusiyalı turist avtomobildə “striptiz” göstərəkən ölüb – FOTO + VİDEO (18+)

    Dominikan Respublikasında rusiyalı turist ölüb.
    Oxu.Az-ın xəbərinə görə, hadisə oktyabrın 10-da baş verib.
    33 yaşlı Çelyabinsk sakini Natalya Borodina avtomobil hərəkətdə olan zaman “striptiz” göstərməyə çalışıb. Yüksək sürətlə Punta-Kana hava limanı tərəfinə hərəkət edən “Kia Picanto”nun pəncərəsindən çıxan Natalya yol nişanına çırpılıb. 
    Qadın xəstəxanaya çatdırılsa da onun həyatını xilas etmək mümkün olmayıb. 
    Hadisə zamanı sükan arxasında Borodinanın rəfiqəsi Ukrayna vətəndaşı İvanna Boyraçuk olub.
     
                 
    53

    Yeni "iPhone 8" alanları peşman edir - SƏBƏB

    ABŞ istehsalçısı "Apple"ın sentyabrda təqdim etdiyi smartfonlar ətrafında səs-küy səngimir. Belə ki, bu modellərdə yeni defekt aşkar olunub.
    Oxu.Az-ın məlumatına əsasən, Tayvan, Yaponiya, Kanada və digər ölkələrdə yeni "iPhone 8" və "iPhone 8 Plus"ı əldə edənlər bir müddət sonra smartfonlarında yaranan problemlərdən şikayət ediblər:
     
      Hazırda yeni modellərin bu cür şişməsi ilə  bağlı yeddi şikayət məlumdur. Hələ ki, bütün əlamətlər problemin batareya ilə bağlı olduğunu göstərir, lakin "Apple" hər hansı qərarla bağlı tələsmir. 
    Şirkətdə, sadəcə olaraq, nasazlığın aradan qaldırılması üzərində iş aparıldığını bildiriblər. 
    Təsdiq olunmamış məlumata əsasən, "Apple"ın yeni smartfonlarında "Amperex Technology Limited"in istehsalı olan batareyadan istifadə olunur. Şirkət alternativ batareya növləri üzərində işləyir. 
    41
  • Яндекс.Погода
  •  Valyuta məzənnəsi

  • FreeCurrencyRates.com