• Последние новости


    Şəkildə gözü parlayınca hər şey ortaya çıxdı - FOTO

    2 yaşlı oğlunun fotolarını çəkdiyində bir gözünün parıldağını fərq edən ana qorxunc xəstəliyi internetdə araşdıraraq tapıb.
    Milli.Az xarici KİV-ə istinadən xəbər verir ki, Akşata Rao, 2 yaşlı oğlu Aayaanın şəkillərini çəkdiyi hər səfər onun sol gözündə bir nöqtə olduğunu fərq hiss edib. Həkimlər Aayaanın gözündəki bu nöqtə boyda parıltının qorxulu bir şey olmadığını, zamanla düzələcəyini deyirdilər.
    Lakin, azyaşlının gözündəki parıltı zamanla düzəlmək əvəzinə daha da böyüməyə başlayıb. Narahat olan ailəsi başqa bir həkimə göstərməyə qərar verir. Yenə eyni cavabı alırlar.
     
    Aayaanın xəstəliyinin simptomlarını Google-da axtaran anası, retinoblastoma adlandırılan və nadir rastlaşılan bir xərçəng növü ola biləcəyini müəyyən edir.. 
    Bir göz həkimiylə danışan ailənin narahatçılığı təsdiqini tapır. Edilən testlər nəticəsində Aayaanın retinasında bir şiş olduğu və göz sinirinə yayıldığı ortaya çıxıb.
     
    Uşağın göz siniri və gözü əməliyyat edilərək süni bir gözlə əvəz edilir. Əməliyyatdan sonra həkimlər xəstəliyin üstünə zamanında düşüldüyünü söyləyiblər. 
    108

    "Palmali" tankerləri Ermənistan üçün neft məhsulları daşıyır — MÜDHİŞ FAKT

    Lukoyl" 2016-cı ildə Ermənistandan olan alıcılara benzin və dizel yanacağı satışının həcmini 125 min tona qədər artırıb. Hərçənd bu rəqəm 1 il əvvəl cəmi 59 min ton olub.
    Şirkət ötən il bu həcmin təxminən 100 min tonunu Volqoqrad NEZ-dən, təxminən 25 min ton isə Bolqarıstanın cənub-şərqində yerləşən Burqas şəhərindəki zavodundan göndərib. 
    Ölkə.Az shokxeber.com-a istinadən xəbər verir ki, bu barədə beynəlxalq “Argus” jurnalının fevral buraxılışında yer alan Xəzər dənizi və Orta Asiya ölkələrinin nəqliyyat xidmətləri bazarının icmalında qeyd olunub.
    Təbii ki, Ermənistanın yanacağa olan tələbatının Rusiya şirkətləri tərəfindən ödənilməsi heç kimə sirr deyil. Lakin məsələnin maraqlı tərəfi odur ki, bu yanacaq tədarükündə əsas daşıma işlərini Mübariz Mənsimova aid olan "Palmali" şirkəti həyata keçirir.
    Belə ki, icmalda bazar iştirakçılarının məlumatlarına istinadən qeyd olunur ki, Ermənistanın CPS ticarət şirkəti müstəqil şəkildə Volqoqrad NEZ-dən yanacaq çıxarır. CPS şirkətinin nümayəndələri bu informasiyanı şərh etməkdən boyun qaçırsalar da, məlumata görə, çay naviqasiyasının mümkün olduğu dövrdə Volqoqrad NEZ-in neft məhsulları tankerlərlə Batumiyə çatdırılır və sonradan yük Ermənistana göndərilir. Qış vaxtlarında isə yanacaq Tatyanka stansiyasından Azov dənizinin limanlarına qədər dəmir yolu xətti ilə çatdırılıb və tankerlərlə Batumiyə göndərilib. Məhz, bu daşınmaları "V.F.Tanker" və Orta Volqa gəmiçilik şirkətləri ilə yanaşı ötən il əsasən "Palmali" şirkəti həyata keçirib. 
    Dərgidə qeyd olunub ki, Ermənistan bazarlarına çatdırılması üçün Batumiyə həmçinin Bolqarıstanın neft məhsulları da tədarük edilib
     
    39

    Bakıda gəncləri tələyə salan qızlar həbs olundu – FOTO

    Uzun müddətdir mediada haqqında tez-tez məlumatlar dərc olunan cinayətkar qrup zərərsizləşdirilib.
    Oxu.Az Qafqazinfo-ya istinadən xəbər verir ki, Bakıda sosial şəbəkələr üzərindən özlərinə qurban cəlb edib onu kafeyə çağıraraq orada külli miqdarda hesab ödəməyə məcbur edən mütəşəkkil dəstə üzvləri saxlanılıb.
    Belə ki, vətəndaşların müraciətlərindən sonra ötən ilin may ayında Səbail Rayon Polis İdarəsinin İstintaq Şöbəsində cinayət işi başladılıb. İstintaq əməliyyatları nəticəsində dəstə üzvləri - Salyan rayon sakini, əvvəllər məhkum olunmuş 1984-cü il təvəllüdlü Rakif Xəlilov, Bakı şəhər sakini 1978-ci il təvəllüdlü İsmayıl Beydullayev, Yevlax rayon sakini, 1986-cı il təvəllüdlü Rahim Rəhimov, Bakı şəhər sakini, 1988-ci il təvəllüdlü Elnur Balakişiyev, Naxçıvan MR sakini 1989-cu il təvəllüdlü Asiman Məmmədov və yetkinlik yaşına çatmayan, yəni 2000-ci il təvəllüdlü, Salyan rayon sakini Arifə Musayeva tutulub.
    A.Musayeva barəsində polisin nəzarətinə verilmə qərarı çıxarılıb, digər şəxslər isə həbs edilib. 

    Dəstənin rəhbəri
    İttihama görə, onlar əvvəlcədən dəstəyə üzv etdikləri qızlar vasitəsilə Facebook və “Odnoklassniki”də intim xidmət göstərmələri barədə elan veriblər. Həmin qızlar zəng edərək tora düşən gəncləri müəyyən olunan kafeyə dəvət ediblər. Müştərilər masada əyləşən kimi iki qız onun stoluna yaxınlaşıb, barmen isə sifariş gözləmədən stola içkilər düzüb. Hətta bahalı içki adı ilə təqdim edilənlər də adi meyvə suyu olub. Sonradan isə qızlar intim xidmət üçün təklif etdikləri pulu müştəridən alaraq otağın təmiz olub-olmadığını yoxlamaq istədiklərini deyərək masadan uzaqlaşıblar. Bu zaman barmen sürpriz hesabı müştəriyə təqdim edib. Yüksək məbləği görən gənclər içmədikləri içkiyə görə pul ödəməkdən imtina etdikdə qoluzorlu adamlar onları başqa bir qaranlıq otağa salıb döyərək ciblərindəki pulu götürüblər. Bu iş üzrə çoxlu zərərçəkən olsa da, hadisələr hər birində oxşar olub.
    İstintaq zamanı müəyyən edilib ki, mütəşəkkil dəstə mütəmadi olaraq yerlərini dəyişib, eyni məkanda uzun müdddət fəaliyyət göstərməyiblər. Belə ki, zərərçəkmişlər – Ağcabədi rayon sakini, 1991-ci il təvəllüdlü Eldəniz Rüstəmov və Gürcüstan vətəndaşı 1982-ci il təvəllüdlü Əliş Rəhimlinin epizodu üzrə cinayət hadisəsi Ə.Cavad küçəsində yerləşən “Rublyovka” klubunda baş verib. E.Rüstəmovdan 50, Ə.Rəhimlidən 45 manat alıblar.

    Dəstə üzvlərinin istifadə etdikləri bir çox məkanın adı belə olmayıb. Sabirabad rayon sakini, 1991-ci il təvəllüdlü Səxavət Məmmədovdan 130 manat pulu hədə-qorxu gələrək və döyərək R.Zorge küçəsi 12c saylı ünvanda yerləşən kafedə alıblar. Digər cinayətlər isə Puşkin küçəsi 10 saylı ünvanda yerləşən kafedə baş tutub. Bakı şəhər sakini, 1968-ci il təvəllüdlü İlkin Qəhrəmanovdan 50 manat, Bakı şəhər sakini, 1968-ci il təvəllüdlü Elxan Abbasovun 40 manat, Bakı şəhər sakini, 1975-ci il təvəllüdlü Sakit Qurbanovdan 65 manat, Yardımlı rayon sakini, 1986-cı il təvəllüdlü Muxtar Sətiyevdən 740 manat pulu bu kafedə alıblar. Həmin zaman zərərçəkmişlərin hər biri döyülərək xəsarət alıb.
    E.Balakişiyev barmen kimi fəaliyyət göstərib, müştəri hesabı ödəmədikdən sonra digər dəstə üzvləri ilə birlikdə ondan pulun zorla alınmasında iştirak edib. Maraqlıdır ki, bütün müştərilərə təqdim edilən saxta hesab 153 manat olub.
    Təqsirləndirilən şəxslərdən İ.Meybullayev, R.Rəhimov, E.Balakişiyev və A.Məmmədov Cinayət Məcəlləsinin 180.3.1-ci (soyğunçuluq; mütəşəkkil dəstə tərəfindən törədildikdə), 181.3.1-ci (quldurluq; mütəşəkkil dəstə tərəfindən törədildikdə), 182.3.1-ci (hədə-qorxu ilə tələb etmə; mütəşəkkil dəstə tərəfindən törədildikdə) maddələri ilə, A.Musayevə CM-nin 180.3.1 və 182.3.1-ci maddələri ilə, R.Xəlilov isə 180.3.1, 181.3.1, 182.3.1 və 228.4-cü (qanunsuz olaraq soyuq silah gəzdirmə) maddələri ilə ittiham ediliblər. R.Xəlilov bundan əvvəl Cinayət Məcəlləsinin 127-ci (qəsdən sağlamlığa az ağır zərər vurma) maddəsi ilə məhkum olunub.
    Cinayət işi baxılması üçün Bakı Ağır Cinayətlər Məhkəməsinə göndərilib. Bununla yanaşı, digər təqsirləndirilən və 2017-ci il yanvar ayından axtarışda olan Salyan rayon sakini, 1984-cü il təvəllüdlü Gültəkin Əsgərova, “Gülü”, “Leyla” adlı qızlar və şəxsiyyəti naməlum olan oğlanlar barəsində cinayət işi ayrıca icraata götürülüb. Bununla bağlı da araşdırmalar davam etdirilir. G.Əsgərova istintaq zamanı şahid qismində dindirilərkən bütün cinayətləri etiraf edib. Digər təqsirləndirilənlər də özlərini qismən təqsirli bildiklərini deyiblər.
    53

    Sabah Azərbaycan 7 rayonu azad edə bilər - Şoden

    Parisdə, Azərbaycan səfirliyinin Mədəniyyət Mərkəzində Xarici Siyasət Təhlil Mərkəzinin (CAPE) nəşr direktoru, geosiyasət üzrə ekspert Didye Şodenin "Qafqaz dövlətləri: Fransanın geosiyasi və maraq məkanları” mövzusunda konfrans keçirilib.
    Axar.az xəbər verir ki, Qafqaz məkanında baş verən hadisələri təhlil edən D.Şode Ermənistan-Azərbaycan, Dağlıq Qarabağ münaqişəsinə geniş yer ayırıb. O deyib ki, Azərbaycan istəsə günü sabah Dağlıq Qarabağı və onun ətrafındakı 7 rayonu işğaldan azad edə bilər.
    D.Şode Azərbaycanın hərbi imkanlarından söz açıb, onun hərbi büdcəsini Ermənistanın dövlət büdcəsi ilə müqayisə edib. O, həmçinin münaqişənin hazırkı vəziyyəti haqqında məlumat verərək, dünya dövlətlərinin, xüsusilə də Qərbin laqeydliyinə, Minsk qrupunun zəif fəaliyyətinə və bəzi ölkələrin ikili yanaşmasına toxunub. Ekspert real vəziyyətin Ermənistanın müstəqil olmadığını göstərdiyini bildirib.
    Qeyd edib ki, Dağlıq Qarabağ münaqişəsi ilə bağlı mövcud status-kvo Azərbaycan üçün qəbuledilməzdir və bu vəziyyət belə davam edə bilməz.
    D.Şode 2016-cı ilin aprelində erməni təxribatı nəticəsində yaranan 4 günlük müharibənin Azərbaycanın nəyə qadir olduğunu bir daha aydın göstərdiyini vurğulayıb. O əlavə edib ki, Azərbaycan hər an işğal altındakı torpaqlarını azad etməyə qadirdir.
    Ekspert Dağlıq Qarabağ münaqişəsinin həlli üçün böyük dövlətlərin təzyiqinin vacib olduğunu qeyd edib.
    Sonra müzakirələr aparılıb və konfransda iştirak edən tədqiqatçılar suallarla müraciət edib, öz fikirlərini bölüşüblər. Azərbaycanın Fransadakı səfiri Elçin Əmirbəyov müzakirələrə qoşularaq Xocalı soyqırımının törədilməsinə Ermənistanın indiki prezidenti Serj Sarkisyanın əmr verdiyini söyləyib. O, Dağlıq Qarabağ münaqişəsi ilə bağlı status-kvonun qəbuledilməz olduğunu vurğulayıb.
    26

    Rusiyalı hərbi ekspet Qarabağda müharibə anonsunu verdi

    Tanınmış rusiyalı hərbi ekspert Pavel Felqenqauer Qarabağda vəziyyətin kəskin dəyişməsini tamamilə məntiqəuyğun  hal adlandırıb. “ Mən baş verənləri izləyirəm, təəssüflə qeyd edə bilərəm ki, müharibə qaçılmazdır”,- deyə o Haqqın. az saytına  bildirib.   Tərəfləri kim  qzışdırır?    Hərbi ekspertin fikrinə görə, hazırda xarici qüvvələrin başı başqa məsələlərə qarışıb, hətta bu günlərdə   ABŞ və Rusiyanın   Baş Qərargah rəislərinin Bakıda keçirilmiş yüksək səviyyəli görüşü də,  Qarabağda vəziyyətin dəyişməsinə təsir edə bilməzdi.    “Dünya ciddi- cəhdlə Qarabağ problemini unutmağa çalışır, nə qədər ki, müharibə başlamyıb, onun barəsində heç kim xatırlamayacaq. Hazırda tərəflər gərginliyin azaldılamasına dair razılığa gələ bilərlər, lakin bu müvəqqqəti xarakter daşıyacaq. Üstəlik atəşkəs rejiminə nəzarət edən  heç bir komissiya yoxdur. Tərəflər güzəştə getmirlər, onların hər birinin həbi əməlyyatlara başlamaq üçün səbəbləri var. Vəziyyət ürəkaçan deyil. İndi müharibə başlayacaqmı ya yox sualnı vermək düzgün deyil. Əslində sual belə qoyulmalıdır- Müharibə nə zaman başlayacaq?” ,- deyə ekspert bildirib.
    15

    Füzuli istiqamətində düşmənlə qoşunlarımız arasında daha ağır döyüş baş verib

    Fevralın 24-dən 25-ə keçən gecə Ermənistan silahlı qüvvələrinin bölmələri bütün cəbhə boyu irimiqyaslı təxribatlar törətmək məqsədilə müxtəlif istiqamətlərdə mövqelərimizə soxulmağa cəhd göstəriblər.

    Müdafiə Nazirliyinin mətbuat xidmətindən İnterAz-a verilən məlumata görə, qoşunlarımız tərəfindən qarşı tərəfin daim izlənməsi, qurulan pusqular və döyüş mühafizəsinin təşkili nəticəsində düşmənin hərəkəti əvvəlcədən aşkar edilərək onun müdafiəmizin dərinliyinə irəliləməsinin qarşısı qətiyyətlə alınıb.

    Cəbhənin Xocavənd-Füzuli istiqamətində əlverişli mövqeləri ələ keçirməyə cəhd göstərən düşmənlə qoşunlarımız arasında daha ağır döyüş toqquşması baş verib. Bu istiqamətdə pusquda duran bölmələrimiz düşmən hücumunun qarşısını cəsarətlə alaraq onu geri çəkilməyə məcbur edib. Döyüş toqquşması nəticəsində itkilərimiz var.

    Hazırda irəliləməyə nail olmayan düşmən tərəfi mövqelərimizi ağır artilleriyadan atəşə tutmaqda davam edir.

    Əməliyyat şəraitinə uyğun olaraq düşmənin atəş mövqelərinə və cəmləşmə nöqtələrinə qarşı müvafiq cavab tədbirləri həyata keçirilir.
    14

    Üçüncü dünya müharibəsinin ilk siqnalı verildi

    Rusiya ABŞ-ı yeni “Soyuq Müharibə” ilə hədələdi  
    Rusiya Dumasının Beynəlxalq Əlaqələr Komitəsinin rəhbəri Leonid Slutski, ABŞ prezidenti Donald Trampın Moskva və Vaşinqton arasındakı “Strateji Hücum Silahlarının Azaldılması Müqaviləsi-3”-ün birtərəfli olduğu fikrinə münasibət açıqlayıb.           Slutski Trampın sözlərinin narahatlıq yaratdığını bildirərək, ABŞ-ı “Soyuq Müharibə” ilə təhdid etdi: “Əgər Vaşinqton həqiqətən də nüvə sahəsində üstünlük əldə etmə siyasəti yürüdərsə, silahlanma yarışının yenidən qızışması və “Soyuq Müharibə” dövrünün geri qayıtması qaçılmaz olar”.   Parlamentari, 2021-ci ildə sona çatacaq müqavilənin gələcəyi ilə bağlı müzakirələrin, ən qısa zamanda başlanılmasının vacibliyini vurğuladı.   Slutski: “Nüvə razılaşmasının təməl prinsiplərinə sadiq qalmaq lazımdı. Bu sahədə tək bir ölkənin hakimiyyəti yolverilməzdi. Əks təqdirdə, beynəlxalq təhlükəsizlik sistemi tənəzzülə uğrayar və son illərdə nail olduğumuz bütün silahsızlaşdırma cəhdləri mənasını itirər” deyə fikrini tamamladı.   Xatırladaq ki, ABŞ prezidenti Donald Tramp nüvə silahı sahəsində ölkəsinin geri qaldığını bildirmiş, bu sahədə inkişafın və ən yüksək nöqtədə durmağın vacibliyini qeyd etmişdi.
    21

    Yol polisi böhrandan çıxış yolunu tapdı: Kəmər taxmayan sərnişinlər də cərimələnəcək

    Baş Dövlət Yol Polisi İdarəsi sərnişinlərin təhlükəsizlik kəmərindən istifadə etməməsinə görə cərimələnməsi məsələsinə aydınlıq gətirib.
    İdarənin ictimaiyyətlə əlaqələr şöbəsinin rəisi Kamran Əliyev açıqlamasında bildirib ki, bu məsələ qanunla tənzimlənir: "Fərqi yoxdur, avtomobilin ön və ya arxa oturacağında əyləşsin, əgər nəqliyyat vasitəsinin konstruksiyasında təhlükəsizlik kəməri varsa, həmin şəxs o kəmərdən istifadə etməlidir. İstər sürücü olsun, istərsə də sərnişin. Sürücünün öz məsuliyyəti var, sərnişinin də kəmər bağlamadan getdiyinə görə öz məsuliyyəti var. Bu məsələ ilə bağlı heç bir yenilik yoxdur. Sadəcə bütün analiz və təhlillər göstərir ki, qəzalarda ən çox zərər çəkənlər – xəsarət alanlar və ya ölənlər sərnişinlər olur. Əksər hallarda yol qəzasında avtomobilin arxa tərəfinin o qədər də əzilmədiyini görürsən, amma oradakı sərnişin həyatını itirir. Niyə? Çünki zərbə zamanı arxada əyləşmiş insan önə çırpılır. Ön tərəfdə əyləşmiş sərnişin kəmər taxmayıbsa daha pis nəticələnir”.
     
    K.Əliyev bildirib ki, sərnişinlərin kəmər taxmamasına görə əvvəllər cərimələnməməsi müəyyən qədər mentalitetlə bağlı olub: "Bir çox hallarda avtomobildə insanlar ailəvi hərəkət edəndə onlara xəbərdarlıq edilirdi. Bu barədə dəfələrlə sujetlər hazırlamışıq, müraciətlər etmişik. Yəni görürsünüz avtomobildə təhlükəsizlik kəməri var, bağlayın. Onun məsuliyyətini sürücü yalnız o halda daşıyır ki, avtomobildə təhlükəsizlik kəməri olsa da, sürücü onu çıxarsın. Bu halda sərnişini məsuliyyətə cəlb etmək olmaz. Çünki onun təqsiri deyil ki, onun yerindəki təhlükəsizlik kəmərini sürücü kəsib çıxarıb. Konstruksiyaya dəyişiklik edilməsinə, yəni təhlükəsizlik kəmərinin çıxarılmasına görə sürücü cərimə edilir və bu hallarda 150 manat miqdarında cərimə kəsilir. Lakin təhlükəsizlik kəməri varsa və sərnişin bu kəmərdən istifadə etmirsə, bunun məsuliyyətini sərnişin daşıyır. İnzibati Xətalar Məcəlləsinin 338.3-cü maddəsinə əsasən həmin sərnişinlər 30 manat cərimə edilir. Ön və ya arxa oturacaq fərqi yoxdur. Bütün avtomobillərdə ön və arxa oturacaqlarda əyləşən sərnişinlər üçün təhlükəsizlik kəməri nəzərdə tutulur. Mən sizə 80-ci illərin "VAZ” markalı avtomobilini də göstərə bilərəm ki, onun arxa oturacağında da sərnişinlər üçün təhlükəsizlik kəməri nəzərdə tutulub. Sadəcə, bizim sürücülər onu açıb çıxardırdılar. Amma bu da qayda pozuntusudur və sürücü konstruksiyaya dəyişiklik etdiyinə görə, 150 manat miqdarında cərimə ediləcək”.
     
    Yol polisi rəsmisi əlavə edib ki, sərnişinlər avtomobilə minərkən onlara kəmərləri taxmaqla bağlı xəbərdarlıq etmək sürücünün borcudur. Sərnişinlər tərəfindən təhlükəsizlik kəmərinin taxılmamasına görə xeyli insanın cərimələndiyini deyən K.Əliyev sürücülərin sərnişinlərin həyatına cavabdeh şəxs olduğunu vurğulayıb: "Sükan təkcə nəqliyyat vasitəsini idarə etmir. Digər hərəkət iştirakçılarının həyatı da həmin sükandan asılıdır. Sözsüz ki, hər hansı qəzadan, xoşagəlməz hadisədən kimsə sığortalanmayıb. Kimsə düşünməsin ki, mən intizamlı sürücüyəm, qaydaları pozmuram, heç vaxt qəzaya düçar ola bilmərəm. Bu, istisna haldır. Çünki başqasının təqsiri ucbatından da qəza baş verə bilər və bu zaman avtomobildəki şəxsin həyatını qoruyan elementlər olmalıdır. Təhlükəsizlik kəməri dünyada indiyədək yüz minlərlə insanın həyatını xilas edib. Ona görə də sürücü özü avtomobildəki bütün təhlükəsizlik kəmərlərindən istifadə edilməsini təmin etməlidir”. (lent.az)
    47

    “İdmançı qadınlar hər qarşılaşmadan əvvəl intim əlaqədə olurlar”

    Rusiyalı futbolçuların müayinə olunduğu Lujniki klinikasının həkim-kardioloqu Viktoriya Qameyeva verdiyi qeyri-adi müsahibə ilə diqqət mərkəzinə düşüb.   Təcrübəli mütəxəssis seksin idmana təsirindən danışıb.   Qameyeva bunu kişi və qadın idmançılara fərqli təsir etdiyini açıqlayıb.   O bildirib ki, tibbi nöqteyi-nəzərdən oyun öncəsi seks yalnız qadınlarda iş qabiliyyətini artırır: "Bu zaman qadınlarda çox sayda cinsi hormonlar yaranır. Döyüş növlərində elə olur ki, qadınlar hər qarşılaşmasından 5-10 dəqiqə əvvəl intim əlaqədə olurlar. Bu da onların nəticələrini artırır. Kişilərdə isə hər şey əksinədi. Onlar ciddi işdən, məsələn oyundan öncə 2-3 gün intim əlaqədən qaçmalıdı. Çünki testosteron hormonunun kişilərdə artması məmnun passiv vəziyyətə gəlməsi ilə nəticələnir. Amma burda hər şey futbolçuların öz əllərində deyil. Onları bu hala daha çox partnyorları salırlar. Həm də belə şeyləri demək mənasızdı. İdmançılar onsuz da buna qulaq asmırlar".
    80