• Объявления

  • Последние новости


    Polis Vahid Mustafayevin motosiklet karvanını saxladı - FOTOLAR

    Motosikletlər cərimə müydançasına aparılıb, ANS prezidenti isə yoldaşları ilə birlikdə avtobusla yola salınıb
    Polis Vahid Mustafayevin motosiklet karvanını saxlayıb, özünü isə digər yoldaşları ilə birlikdə 46 saylı avtobusla yola salıb.    Moderator.az hadisə yerində olan əməkdaşının verdiyi xəbərə görə hadisə bu dəqiqələrdə Nobel prospektində baş verib.  Polisin əməkdaşımıza verdiyi məlumata görə, motosiklet karvanının saxlanmasına səbəb motosikletlərdə boğucu səslərin olması və magistralda düzgün hərəkət etməmələri olub. Verilən məlumata görə V.Mustafayevin motosiklet karvanı dünən motosikletlə  qəzasınada dünyasını dəyişən vəkil  Toğrul Mirzəzadənin yas mərasiminə gedirmiş. Əraziyə çağırılan evakuatorlar vasitəsi ilə motosikletlər cərimə meydançasına aparılıb.       
     
    59

    Polisin otellərdə nikahsız vətəndaşlara qarşı reydləri barədə yazılara DİN-dən AÇIQLAMA

    Orxan Mansurzadə: Reydlərlə bağlı hər hansı bilgiləri varsa, DİN-in aidiyyatı xidmətlərinə təqdim edə bilərlər
    Vətəndaşların nigah haqqında şəhadətnamə təqdim etmədikləri təqdirdə mehmanxanalarda, digər istirahət mərkəzlərində polis əməkdaşları tərəfindən qəfil reydlərin və yoxlamaların keçirilməsi barədə yazılara Daxili İşlər Nazirliyindən münasibət bildirilib. DİN Mətbuat Xidmətinin rəis müavini Orxan Mansurzadə Bizimyol.info saytına açıqlqamasında deyib ki, səslənmiş iddiaların heç bir məntiqi və hüquqi əsası yoxdur.   "Araşdırma kimi təqdim olunan, ümumilikdə polisə yönəlmiş ittiham xarakterli fikirlər əslində kimlərsə tərəfindən səsləndirildiyi bilinməyən, daha çox şayiə, qeybət xarakterli, konkret heç bir fakta, dəlil-sübuta söykənməyən dezinformasiyalardır.  Qeyd etməyi lazım bilirik ki, nə Nazirliyin aidiyyatı qurumu, nə də ərazi polis orqanlarının əməkdaşları tərəfindən respublikamızın müxtəlif bölgələrində yerləşmiş otellərdə, digər istirahət mərkəzlərində sözügedən "araşdırma" materialında  göstərilmiş şəkildə hər hansı reyd və ya yoxlama aparılmır, buna görə də hansısa mehmanxana sahibləri, turizm sahəsində fəaliyyət göstərən sahibkarlar cərimə olunmur. Əgər yazı müəllifləri iddia etdikləri reydlərlə bağlı hər hansı bilgiyə, konkret fakta malikdirlərsə, o zaman həmin məlumat(lar)ı müvafiq araşdırmanın aparılması üçün Daxili İşlər Nazirliyin aidiyyatı xidmətlərinə təqdim edə bilərlər. Əgər belə informasiya yoxdursa, iddialar yalan və böhtan xarakterlidirsə, o zaman xatırlatmaq istərdik ki, mövcud qanunvericiliyin tələblərinə görə onların anonim xarakterli, heç bir rəsmi qurumla dəqiqləşdirilməyən həqiqətdən uzaq fikirləri ümumilikdə polisin işgüzar nüfuzuna və imicinə qəsdən xələl  gətirən məlumatlar hesab edilir ki, bu da məsuliyyət doğurur" - deyə O.Mansurzadə bildirib. 
    45

    “Etika - Media Məktəbi”nə start verildi — 100 gəncə təlim keçiriləcək

    Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının 2017-ci il qrant müsabiqəsində qalib gələrək maliyyələşdirdiyi, Gənclərin Sağlam İnkişafı İctimai Birliyinin təşkilatçı qismində iştirak etdiyi “Etika - Media Məktəbi” layihəsinə start verilib. 
    Layihə koordinatoru Nailə Qasımovanın sözlərinə görə, layihənin əsas məqsədi Azərbaycan mediasında yeni düşüncəyə malik və həmçinin dövlətin maraqlarını hər şeydən üstün tutan gənc jurnalist ordusunun yaranmasına dəstək olmaqdır.
    “Jurnalistikanın əsas məqsədi vətəndaşların cəmiyyətdə fəaliyyət göstərə bilmələri üçün onları dəqiq və etibarlı məlumatlarla təmin etməkdir. Güclü Media cəmiyyətdə maarifləndirmə işini irəliyə aparır və dayanıqlı inkişafı sürətləndirir. Medianın güclü olması jurnalistlərin öz işlərində peşəkar bacarıqlara və ümumi standartlara nə dərəcədə yiyələnmələrindən asılıdır. 
    Azərbaycanın informasiya kommunikasiya texnologiyaları sahəsindəki uğurları ölkədə internet istifadəçilərinin sayını artırmış, yeni saytların və internet portallarının meydana çıxmasına geniş şərait yaratmışdır. Hazırda gənclərin çoxu müxtəlif saytlarda çalışır və jurnalistika fəaliyyəti ilə məşğul olurlar”, - deyə Qasımova bildirib.
    O qeyd edib ki, “Etika - Media Məktəbi” layihəsi aprel və iyul aylarında Gəncə, Mingəçevir və Yevlax şəhərlərindən 100 nəfər gəncin cəlb edilməsi ilə təşkil olunacaq. Bundan başqa müfəssəl hazırlanmış təlim proqramı və praktik məşğələlər vasitəsi ilə jurnalistikaya dair müasir  bilik və bacarıqlar öyrədiləcək. Üç ay davam edəcək layihə boyunca iştirakçılar həmçinin tanınmış jurnalistlərin təlimlərində iştirak edərək peşəkar media qurumlarında təşkil olunan turlara da qatılmaq imkanı əldə edəcəklər. 
    Layihədə iştirak etmək üçün əlaqə saxlaya bilərsiniz: 
    ƏTRAFLI BURADA http://mycareer.az/
    11

    Pərvin Abıyeva Səidə Sultanın məşhur müğənni ilə intim FOTOlarını YAYDI

    Ölkə.Az publika.az-a istinadən xəbər verir ki, dünən "Maşın" şoudan Səidə Sultan tərəfindən oyundan çıxarılan Pərvin Abıyeva sakitləşmək bilmir. Canlı yayımda böyük qalmaqal yaşayan aktrisa müğənninin ünvanına təhqiramiz fikirlər səsləndirməklə kifayətlənməyərək Səidə Sultanın açıq-saçıq fotolarını paylaşıb.
    Fotolarda Səidə Sultanın həmkarı Emil Bədəlovla öpüşdüyü, həmçinin Nadir Qafarzadənin onun sinəsinə toxunduğu kadrlar da yer alıb.
    P.Abıyeva verilişlə bağlı paylaşıma bunları yazıb: "Səidə xanım, deyəsən, Emil Bədəlovla öpüşdüyü şəkli unudub. Mənim Kənana qardaş deməyim onu yandırıb, halbuki, özü dost dediyi Niyamın qucağından düşmür. Publikaya işləyən, əslində, göz qabağındadır! Mən emosiyalarımın qurbanı oldumsa, bu, məni sadəcə sevindirər. Çünki ailəmə dil uzadanı yerinə otuzdurdum. Məni istər sevin, istər sevməyin, hadisə dediyim kimi olub. Azacıq qadınlıq şərəfi varsa, özü, ya da maşının ətrafında olan iştirakçılar təsdiqləyəcək ki, mən efirdə söyüş istifadə etməmişəm. Bəli, mən hisslərimə uduzdum, onun vaxtı ilə gördüyü işləri unutdum, hətta bayırda dostluq edəcəyimizi düşündüm. Amma bilməzdim ki, məni həssas yerimdən vuracaq".
    Bir müddət sonra isə aktrisa fotonu silib.

    420

    Röyanın keçmiş əri 3 həyat yoldaşından olan övladları ilə - FOTO

    Röyanın keçmiş həyat yoldaşı Anar Cəlilov sosial şəbəkədə övladlarının şəkillərini paylaşıb.
    Milli.Az publika.az-a istinadən xəbər verir ki, müğənninin eks əri Röya ilə evliliyindən olan oğlu Hüseyni ilk nikahından olan böyük oğlu, yəni ögey qardaşı ilə tanış edib. Röya ilə boşandıqdan sonra Nigar adlı xanımla ailə quran iş adamı sosial şəbəkədə bu nikahdan dünyaya gələn qızı ilə Hüseynin şəklini paylaşıb.
    Qeyd edək ki, A.Cəlilov "Çudo-Peçka" mağazalar şəbəkəsinin sahibi Çingiz Cəlilovun oğludur. Son vaxtlarda Cəlilovlar ailəsinin biznesinin çökdüyü haqqında xəbərlər yayılır. İşçiləri onu bir neçə ayın maaşlarını verməməkdə günahlandırıb.
    Onu da xatırladaq ki, A.Cəlilov "Yol Əhvalatı", "Anın quruluşu", "Gözlə məni", "Avqust gələndə", "Köç" kimi filmlərin ssenari müəllifi Asim Cəlilovun nəvəsidir.



    59

    WhatsApp"ın bloklanması 20-30 manata aradan qaldırılır

    Məlum olduğu kimi, may ayının ortalarından bəri Azərbaycanda məşhur internet servisləri olan "Facebook", "Skype", "Viber", "WhatsApp" və digərlərinin səsli və görüntülü zəng funksiyası səbəbləri açıqlanmadan dayandırılıb.
    Bir çox vətəndaşlar, şirkətlər və xidmət sahələri üçün bu hal xeyli çətinliklərə səbəb olub - mobil rabitə ilə əlaqə saxlamaq həm çətin, həm də xeyli xərc tələb edən məşğuliyyətdir.
    Bəziləri isə bu fürsətdən yararlanıb. Belə ki, kompüter texnologiyalarından baş çıxaranlar xüsusi "proksi" və VPN proqramları təklif etməklə bu qadağadan yan keçməyi təklif edir. Qiymət də bəllidir - 20-30 manat.
    Milli.Az xəbər verir ki, Azərbaycan İnternet-forumunun prezidenti Osman Gündüzün virtualaz.org-a bildirdiyinə görə, prosesin belə dönüş almasını gözləmək olardı. İlk növbədə, ona görə ki, rabitə vasitələrinin istənilən bloklanmasının səbəbləri aydın göstərilməlidir. "Müasir dünyada texnoloji alternativlər kifayət qədərdir və ayrı-ayrı resursların bloklanmasının effektivliyi böyük sual altındadır. Bəzi işbazlar bununla qazanmağa da başlayıblar. Yeri gəlmişkən, həmin proqramları telefon və planşetlərə pulsuz da yükləmək mümkündür", - O.Gündüz deyib.
      Bu arada Azərbaycan nəqliyyat, rabitə və yüksək texnologiyalar nazirinin müşaviri Müşfiq Əmirov internet-servislərin fəaliyyətində baş verənləri izah etməyə çalışıb. "Nazirlik veb-servislərin fəaliyyətində nizam-intizam yaratmağı planlaşdırır", - deyən müşavir suala birbaşa cavabdan yayınıb.
    55

    Qeyri-adi görünüşlü meyvə və tərəvəzlər – FOTO

    Bəzən meyvə və tərəvəzlərin adət etmədiyimiz qeyri-adi görüntüləri ilə qarşılaşırıq, təəccüblənirik. Onları hansısa heyvana, hətta insana bənzədirik.
    Ətraflı burada http://azforum.az/index.php?/forums/forum/11-дискуссии-на-общие-темы/
    77

    Ərəblərin ağlını başından alan internetin yeni fenomeni – FOTO

    Sosial  şəbəkələrin həyatımızın bir hissəsinə çevrilməsi, xüsusilə müsəlman cəmiyyətlərdə sıçrayışa səbəb oldu. Bu sıçrayışı elm və mədəniyyət sahəsində görməsək də, dəb və “qonşudan qalma geri” baxımından xeyli irəliləyiş sezilir.
    Bir neçə gündür ərəb ölkələrində ən çox baxılan və paylaşılan misirli qızın  fotolarını da bu sinfə aid etmək olar.
    Oxu.Az ölkə.az-a istinadən xəbər verir ki, fotolar ilk olaraq “Facebook” sosial şəbəkəsində “Egyptian Memeology” səhifəsində paylaşıldıqdan sonra böyük səs-küyə səbəb olub.
    Belə ki, qızın adının hələlik açıqlanmamasına baxmayaraq ona eşq elan edən ərəblərin sayı kifayət qədərdir. Hətta məchul gözəl virtual olaraq evlənmə təklifləri də alır.
     
             
    270

    Azərbaycan vətəndaşları neçə ölkəyə vizasız gedə bilərlər? – SİYAHI

    Henley & Partners” şirkətinin “İllik viza məhdudiyyəti indeks”ində (Visa Restrictions Index) Azərbaycan 74-cü yerdə qərarlaşıb.
    Oxu.Az xəbər verir ki, ümumiyyətlə, Azərbaycan vətəndaşları 62 dövlətə vizasız səfər edə bilərlər.
    Ölkəmiz bu siyahıda qonşu Ermənistan (78-ci yer) və İrandan (95-ci yer) irəlidədir. Gürcüstan 68-ci, Rusiya 51-ci və Türkiyə 52-ci yerdədir. 
    Almaniya 4 ildir reytinqdə liderliyini qoruyub saxlayır. Bu ölkə vətəndaşlarının 176 dövlətə vizasız səyahət etmək imkanı var. İkinci yerdə İsveç qərarlaşıb (175 ölkə), 3-cü yeri isə 5 ölkə bölüşür – Finlandiya, İtaliya, İspaniya, ABŞ və Danimarka (174). 
    Reytinqdə son yerləri (28 ölkəyə vizasız səyahət), İraq (27), Əfqanıstan (24) tutur.
    Qeyd edək ki, indeks dünyada 200-dən çox ölkənin və ərazinin viza qaydalarını təhlil edir və vizasız səfər ölkələrinin sayına görə ayırır. 
    Ölkənin mövqeyi, onun vətəndaşlarının vizasız gedə biləcəyi ölkələrin sayı ilə müəyyənləşdirilir. 
    73