• Последние новости


    Düşmən kəşfiyyatına işləyən hərbi qulluqçular və mülki şəxslər aşkarlandı

    Baş Prokurorluq, Müdafiə Nazirliyi, Daxili İşlər Nazirliyi və Dövlət Təhlükəsizliyi Xidməti bəyanat yayıb Aparılmış təxirəsalınmaz istintaq-əməliyyat tədbirləri nəticəsində düşmənin kəşfiyyat və xüsusi xidmət orqanlarının Bakı şəhərində ictimai yerlərdə həyata keçirməyi planlaşdırdıqları təxribat və terror fəaliyyətinin qarşısı alınıb  
    Baş Prokurorluq, Müdafiə Nazirliyi, Daxili İşlər Nazirliyi və Dövlət Təhlükəsizliyi Xidməti bəyanat yayıb. Baş Prokurorluqdan APA-ya verilən məlumata görə, bəyanatda bildirilir ki, Ermənistan Silahlı Qüvvələrinin kəşfiyyat və xüsusi xidmət orqanları tərəfindən Müdafiə Nazirliyinin Tərtər rayonu istiqamətində yerləşən bölmələrinə və yaşayış məntəqələrimizə qarşı genişmiqyaslı                                                  təxribat fəaliyyətinin həyata keçirilməsinin planlaşdırıldığı barədə əldə edilmiş məlumat əsasında aparılmış tədbirlər nəticəsində müəyyən olunub ki, xalqına, vətəninə və dövlətinə xəyanət yolunu tutan iradəsi zəif, vətəndaşlıq ruhunu və vətəninə bağlılığını itirmiş bir qrup hərbi qulluqçu və digər mülki şəxslər Azərbaycan Respublikasının suverenliyi, ərazi toxunulmazlığı, dövlət təhlükəsizliyi və müdafiə qabiliyyəti zərərinə olaraq düşmən kəşfiyyatçıları ilə məxfi əməkdaşlığa cəlb edilərək müxtəlif vaxtlarda maddi maraqları naminə hərbi sirr təşkil edən məlumatları əldə etməklə düşmən tərəfinə ötürüblər.   Toplanmış materiallar əsasında dövlətə xəyanət və digər faktlar üzrə 2017-ci il 3 may tarixdə Hərbi Prokurorluqda Cinayət Məcəlləsinin 274-cü maddəsi ilə cinayət işi başlanaraq, Baş Prokurorluq, Müdafiə Nazirliyi, Daxili İşlər Nazirliyi və Dövlət Təhlükəsizliyi Xidmətinin əməkdaşlarından ibarət birgə istintaq-əməliyyat qrupu yaradılıb və ibtidai istintaq aparılır. Aparılmış təxirəsalınmaz istintaq-əməliyyat tədbirləri nəticəsində düşmənin kəşfiyyat və xüsusi xidmət orqanlarının Bakı şəhərində ictimai yerlərdə həyata keçirməyi planlaşdırdıqları təxribat və terror fəaliyyətinin qarşısı alınıb, məxfi əməkdaşlığa cəlb olunmuş bir qrup hərbi qulluqçu və mülki şəxslər cinayət məsuliyyətinə cəlb edilərək barələrində həbs qətimkan tədbiri seçilib. Hazırda cinayət işi üzrə təqsirli şəxslərin tam dairəsinin müəyyənləşdirilərək cinayət məsuliyyətinə cəlb olunması istiqamətində zəruri istintaq-əməliyyat tədbirləri davam etdirilir: "Bəyan edirik ki, düşmənin ölkəmizdə, o cümlədən Bakı şəhərində və respublikanın digər ərazilərində qəsdən vəziyyəti gərginləşdirməyə yönəlmiş istənilən təxribat və terror fəaliyyətinin qarşısı bundan sonra da qətiyyətlə alınacaq və sarsıdıcı adekvat tədbirlər görüləcək".
    161

    BİABIRÇILIQ: həyat yoldaşlarının dəyişdirilməsi xidməti İŞƏ BAŞLADI - FOTO

    Həyat yoldaşının dəyişdirildiyi partilərlə iştirak etmək istəyənlər üçün Fransada "Le Diamant Noir" adlı xüsusi düşərgə fəaliyyətə başlayıb.
    Ölkənin cənubunda yerləşən Dordogne bölgəsində açılan düşərgədə qalmağın bir günü 25 avrodan başlayır.

    Düşərgənin internet saytında yerləşdirilən məlumatlara görə, düşərgədə bu xidmətlərdən istifadə etmək mümkündür: su idman növləri, çılpaq partilər və digər atəşli oyunlar...

    Düşərgədə olan bir barda isə müştərilər gözləri bağlı gecə əyləncələrinə qatıla bilərlər.

    Bara yalnız evlilər deyil, subaylar da girə bilər. Bara giriş üçün kişilər 45, qadınlar isə 12 avro ödəməlidir.
             
    "Le Diamant Noir" düşərgəsinin qurucusu Mazaferro qeyd edir ki, burada qalmaq üçün müraciət edənlərin sayı xeyli çoxdur.

    Düşərgədə qalmaq istəyənlərə özləri ilə çadır gətirmələrinə icazə verilir. Amma onlar düşərgəyə məxsus mobil evlərdə də qala bilərlər./Publika.az

    186

    Bakıda ailə faciəsi: Qardaş bacısını qətlə yetirib

    Bakıda qardaş bacısını qətlə yetirib.
    Oxu.Az-ın DİN-in saytına istinadən verdiyi məlumata görə, hadisə mayın 5-də Yasamal rayonu ərazisində baş verib.
    Bakı şəhər sakini Anar Məsimov evində münaqişə zəminində bacısı Nigarı bıçaqla qətlə yetirib. Yasamal RPİ 27-ci PB əməkdaşlarının keçirdikləri əməliyyat-axtarış tədbirləri nəticəsində A. Məsimov tutulub.
    Faktla bağlı araşdırma aparılır.
    283

    Meraya Kerri Bakıya gəlir – YENİLƏNİB

    “Biz musiqi tarixində böyuk uğur qazanmış müğənnini Bakıda baş tutan ikinci “Formula 1” yarışının sonuncu günündə qarşılamaqdan böyük qürur duyuruq. Meraya Kerri bütün dünyada milyonlarla insanın dillər əzbəri olmuş mahnıları ilə seçilən möhtəşəm səsdir”.
    Bu sözləri Oxu.Az-a dünya şöhrətli müğənni Meraya Kerrinin “Formula 1” Azərbaycan Qran Prisində baş tutacaq konserti ilə bağlı danışarkən Bakı Şəhər Halqası Əməliyyat Şirkətinin  (BŞH) icraçı direktoru Arif Rəhimov söyləyib.
    Qeyd edək ki, bu il Bakıda keçiriləcək növbəti “Formula 1” yarışı 23-25 iyun tarixlərinə təsadüf edir. Musiqi dünyasının əfsanəvi ulduzu M.Kerri iyunun 25-də yarış başa çatdıqdan sonra axşam saatlarında səhnəyə çıxacaq.
    4 may, 12:50
    Dünya şöhrətli amerikalı müğənni Meraya Kerri Bakıya gəlir.
    Oxu.Az xəbər verir ki, bu barədə haqqin.az saytı məlumat yayıb.
    Məlumata əsasən, Meraya Kerrinin Bakıda 23-25 iyun tarixlərində keçiriləcək Formula-1 üzrə Azərbaycan Qran-Prisində iştirak edəcəyi gözlənilir.
    Məsələ ilə bağlı Bakı Şəhər Halqası (BŞH) Əməliyyat Komitəsinin Marketinq və kommunikasiya şöbəsinin rəhbəri Nigar Arpadarai Oxu.Az-a məlumatı nə təkzib, nədəki təsdiq edib.
    O bildirib ki, Azərbaycan Qran-Prisi çərçivəsində çıxış edəcək sonuncu ifaçı da dünya ulduzlarından biri olacaq:
    “Yaxın zamanlarda biz sonuncu ulduzun kimliyini açıqlayacayıq”.
    119

    Azərbaycanda dəhşət: müəllim şagirdini döyüb ölümcül hala saldı - FOTOLAR

    2015-ci il, oktyabrın 14-də Biləsuvarın Əlimərdan Hüseynov adına Çaylı kənd orta məktəbində müəllimin şagirdi döyməsi bir gəncin indiyə qədər həyatla ölüm-qalım çarpışmasına səbəb olub.   BakiPost.az xəbər verir ki, sözügedən məktəbin bədən tərbiyəsi müəllimi Əzizov Elməddin Nurəddin oğlunun o zaman 10-cu sinif şagirdi olan Rəcəbli Əfsun İman oğlunu sinifdə vəhşicəsinə döyməsi uşağı bu günə kimi xəstəxana qapılarında qoyub.   1999-cu il təvəllüdlü Ə.Rəcəbli hələ də müalicə alır, ona şüa verilir və prosesin 25 yaşına qədər davam edəcəyi bildirilir.   Müəllim isə şagirdini döyməklə təkcə ona travma vurmayıb, həm də səhlənkar həkimlərin əlinə düşməsinə səbəbkar olub.    Döyülən gəncin atası İman Rəcəbov oğluna dəyən zərərə görə haqqını tələb edir və günahkarın cəzalandırılmasını istəyir.    Şikayətçi hadisənin detallarını danışıb. Onun sözlərinə görə, hadisə dama oyunu üstündə baş verib.   "Evə gəlib gördüm ki, uşaq ağlayır, vəziyyəti yaxşı deyil. Soruşdum ki, ay bala, nə olub, dedi, Elməddin müəllim vurub. Zəng etdim müəllimə, dedi ki, nə oldu, keçdi, uşağı vurdum. Dedim, necə yəni nə oldu keçdi?   Nə isə, mənə düz-əməlli cavab vermədi, açığı, özüm də çox üstünə getmədim. Fikirləşdim ki, biz də məktəbdə oxumuşuq, müəllim bizi də vurub. Olan işdir, keçər. Ancaq sən demə, bu Elməddin Əfsunu ermənicəsinə döyübmüş.   Deməli, oğlum bədən tərbiyəsi dərsində sinifdə dama oynayırmış. Müəllimə deyib ki, "şaşki”nin biri əskikdir, birini qabağa verin, "fuk” götürəndə yerini düzəldərik.   Bu formada bir söhbət olub, müəllim də buna görə uşağı vurub. Uşağın burnu dəyib yerə, sonra onu təpikləyib, dizinə, gözünə, başına yumruqla vurub. Yəni uşağı vəhşicəsinə döyüb.   İndi siz soruşa bilərsiz ki, adi bir söz üstündə müəllim şagirdini niyə belə döysün ki?! Amma bu adamın hikkəsinə bax ki, onu belə döyüb. Demək istəyib ki, sən kimsən sözümün üstünə söz gətirirsən” - deyə İ.Rəcəbov olayı nəql edir.    Onun dediyinə görə, evdə oğlunun vəziyyətinin yaxşı olmadığını görüb dərhal həkimə aparıb: "Lənkərandakı xəstəxanada dedilər ki, burnu sınıb.   Ordan Bakı Dəmiryol xəstəxanasına apardım. Burda dedilər ki, burun damarı təpiyin zərbəsinin gücündən zədələnib, şişib, əməliyyat olunmalıdır. Mən də kasıb adamam, borc-xərc edib orda Tibb Universitetinin Tədris Cərrahiyyə Klinikasında cərrah Elşən Hacıyevə əməliyyat etdirdim.   Bir ay sonra "Turan” klinikasında Tələt həkimin yanına getdik. Klinikada müayinə edib baxdılar, başlarını yelləməyə başladılar. Yusif doktor dedi ki, əməliyyat olunmalıdır, 8 min manat edir.   Ancaq yaşamaq şansı azdır, 95 faiz ehtimal ölümdür. Təsəvvür edin ki, mən nə haldayam. Bir yandan pulsuzluq, bir yandan başımı itirmişəm, bilmirəm ki, kimə qulaq asım, hansı həkim düz deyir.   Kəsəsi, uşağı götürüb İrana getdim. Orda dedilər ki, amiofibroma olub. Əməliyyatın da qiyməti 1500 manatdır.   Dedilər ki, səni Bakıda aldadıblar, düzgün analiz olunmayıb və diaqnoz qoyulmayıb. Təbrizdəki xəstəxanaların birində 2-3 saata yaxın əməliyyat çəkdi. Ümumi, 2700 manat xərcim çıxdı. Bu, artıq ikinci əməliyyat idi.   Cərrah alça boyda bir ət gətirdi. Dedi ki, endoskopla baxmışam, uşağın vəziyyəti yaxşı deyil. Dedim ki, bəs bu qədər xərc tökmüşəm, əməliyyat etmisiz, indi deyirsiz ki, uşağın vəziyyəti xarabdır.   Cərrah qayıtdı ki, o pullar əməliyyat xərclərinə gedib, narkozdan tutmuş ən kiçik tibbi ləvazimata qədər alınıb, yerdə qalan kiçik məbləğ də əməliyyata görə zəhmət haqqımdır. Dedi ki, şişi götürüb. Gələcəkdə xoşxassəli olsa, qiymətdə endirim edərəm”.    İ.Rəcəbov deyir ki, həkimlərin ona yaşatdığı bu müsibətlərdən sonra Təbrizdə yerləşən Şəms xəstəxanasına gedib:   "Dedilər ki, əməliyyat uğurlu olub, şüa verməyə ehtiyac yoxdur. Amma zərbədən gözü zədələnib. Ordan da göz həkiminə getdik, MRT elədik. Dedilər ki, 6 aydan sonra göz düzələcək.   Təbrizdəki əməliyyatdan 100 gün sonra uşaqda qanaxma başladı. Mən də baxıram ki, nə yeyir, nə içir, Əfsun geri gedir. Fikirləşdim yəqin, bunu artıq həyatda saxlamaq mümkün olmayacaq. Allah heç kəsin başına bu bəlaları gətirməsin. Bu dəhşətləri yaşayan hiss edə bilər. Təsəvvür edin ki, uşağın yanında üzünə gülürəm, kənara keçib ağlayıram ki, bu nə iş idi başıma gəldi.   Nə isə, qanaxmanı saxlamaq üçün Biləsuvardakı həkimlər iynə vurdular, dedilər, bizlik deyil, Bakıya çatdırın, şüa verilməlidir. Bakıya qaçdım, onkologiyada dedilər ki, şüa 6-7 min dollar edir. Ordan Ərdəbilə apardım. Burda da 7 min manat pul istədilər. 25 dəfə şüa verilməliydi. Ordan Təbrizdə yerləşən Beynəlmiləl xəstəxanasına getdim. Yəni həkimlərin hansı düz danışır bilmirəm, Bakıda və İrandakı həkimlərin əllərində qalmışam. Uzun sözün qısası, uşağa şüa verilir, nəticə yaxşılığa doğru gedir. Keçən ayın 16-da getmişdim. Həkim göstərdi ki, şükür, irəliləyiş var. Ancaq bu proses 25 yaşına qədər davam edəcək”.    Ə.Rəcəblinin atası bildirir ki, bu günə kimi azı 35 min manata qədər xərci çıxıb: "Bacım-qardaşım, qohum-əqrəbamdan borc-xərc etmişəm ki, uşağı itirməyək. Görün, bir müəllimin özbaşınalığı, vəhşiliyi nəticəsində başımıza nələr gəldi”.   Şikayətçinin sözlərinə görə, döyülmə faktı ilə bağlı cinayət işi açılıb və iş Biləsuvar rayon Məhkəməsindədir:   "Ekspertizanın rəyi var, müstəntiq şagirdlərdən izahat alıb. Mən Elməddingilə dedim ki, hadisə küçədə olmayıb, sinifdə olub.   Gəlin düşmənçilik etməyək, mənə uşağın xərclərini ödəməyə kömək edin. Amma deyir ki, sənə verməyə pulum yoxdur, mənə heç kim bata bilməz, adamım var, nə məhkəmə, nə müstəntiq mənə toxuna bilər”.    Məsələ ilə bağlı məktəbin direktoru Rəşad Əliyev  bunları deyib: "Hadisə baş verən vaxt mən burada direktor deyildim, başqa məktəbdə dərs deyirdim. Hadisə 2015-ci ilin oktyabrında baş verib, mən isə bu vəzifəyə dekabrda təyin edilmişəm. Ona görə məsələ barədə dəqiq məlumat verə bilməyəcəyəm. Məsələ ilə bağlı cinayət işi başlanıldı. Sonra prokurorluq işi ləğv elədi və bu barədə bizə məktub gəldi ki, müəllim barədə iddialar əsaslı deyil, buna görə də, o, fəaliyyətini davam etdirə bilər. İndi də işi veriblər məhkəməyə. Hazırda proses davam etdirilir”.   Direktor əlavə edib ki, baş verən hadisənin bu qədər böyüyəcəyi heç kimin ağlına gəlməyib: "Hamı adı hadisə kimi qəbul edib. Amma sonradan məsələ şişib”.   Direktor baş verən hadisə ilə bağlı şagirdlərin izahat verməsi barədə şikayətçinin dediklərini təsdiqləyib:  "Bəli, uşaqların hamısı dindirilib və onlar müəllimin uşağı döyməsini təsdiqləyiblər”.   Buna baxmayaraq direktor əlavə edib ki, müəllim nizam-intizamlı və mülayim adamdır: "Çox nizam-intizamlı müəllimdir, bir gün də olsun dərsini buraxmayan, şagirdlərlə vaxtını səmərəli keçirən, ali təhsilli müəllimdir və çox yaxşı adamdır”.   İttiham olunan müəllim də  açıqlama verib. O, baş verən hadisədə özünü təqrirli bilmir: "Mənə şər atırlar. Bunların hamısı böhtandır və həqiqəti əks etdirmir. Onlar mənim bu məktəbdə işləməyimi istəmirdilər. Rəşad müəllimdən əvvəlki direktor məndən şikayətçi adamların qohumu idi. Çox çalışdılar ki, mən bu məktəbə gəlməyim, alınmadı. Ona görə də bu vasitəylə məndən qisas alırlar”.   Amma o, şagirdi vurmağını təkzib etməyib: "Müəllim uzaq başı uşağa bir şillə vurar da. Bir şilləylə heç kim əməliyyatlıq olmur. Bunu hamı yaxşı bilir”.   Şagirdlərin baş verən hadisəni təsdiqləməsinə gəlincə müəllim bunları deyib: "Bilirsiniz ki, tələbkar müəllimi uşaqlar xoşlamır. Onların ərizə yazmalarında bu amil rol oynayıb. Həm də çoxu mənə dedi ki, heç bilmədik, nə yazmışıq. Onlara hazır ərizələrə qol çədiriblər”.    Müəllim hesab edir ki, şagirdinin bu günə qalması həkimlərin qeyri-peşəkarlığı ucbatından baş verib.
    146

    14 yaşlı biznesmen oğlunun öldürdüyü qadının meyiti ortada qalıb

    Xəyalənin meyiti hələ də dəfn olunmayıb. Ailənin imkanı yoxdur ölüsünü götürməyə. Anası da özünü öldürür ki, balasını öldürənlər onun meyitini yerdə qoymasınlar. 
    Oxu.Az xəbər verir ki, bu sözləri criminal.az saytına açıqlamasında iki gün əvvəl Bakıda biznesmen oğlunun “Porcshe”' markalı avtomobillə vurub öldürdüyü Xəyalə Məmmədovanın xalası Yeganə xanım deyib.
    Xalanın sözlərinə görə, Xəyalə Gürcüstanda yaşayırdı, Bakıya uşaqlarını görməyə gəlibmiş: 
    “Uşaqları balacadır, bağça yaşlarında olan iki qızı var. Ərindən boşanmasa da, ayrı yaşayırdılar. Uşaqlar isə ataları ilə qalırdı. Özü isə gözəllik salonunda süpürgəçi işləyirdi. Hadisə baş verən gün "Razin"də gözəllik salonundan çıxan zaman maşın vurub. Maşın elə sürətlə hərəkətdə olarkən vurub ki, zərbənin təsirindən Xəyaləni yoldan kənara atıb. Başından aldığı zərbədən yerindəcə keçinib”'.
    Yeganə xanım hadisə ilə bağlı sürücüdən şikayətçi olmadıqlarını bildirdi: “Sürücünü polis saxlayıb, amma bizə deyiblər yaşı azdır. Xəyalənin ailəsi şikayətçi olmayıb. Deyirlər ki, ölümüzü götürsünlər, yerdə qalıb. İmkanımız yoxdu dəfn etməyə. Bu gün aparacağıq Gürcüstana. Sərhəd keçməliyik”'.
    123

    Naz azərbaycanlı kişiləri təhqir etdi: "Qoçuluq edirdiniz. Hardasız?"

    Star TV”də yayımlanan "Zuhal Topalla” izdivaç proqramında məşhurlaşan azərbaycanlı gəlin Naz Mila bir həftədir ki, Bakıdadır.
    Axşam.az-ın məlumatına görə, bu barədə sosial media hesabında yazan Naz Azərbaycandan qovulması və deportasiya edilməsi haqda açıqlama verib. 
    O Azərbaycana gələcəyi təqdirdə, onu ölümlə hədələyənlərə də mesaj göndərib:

    "Bəs deyirdiniz, Azərbaycandan qovulmuşam. Bir həftədir ki, Bakıdayam. Şəkillərimin altında qoçuluq edirdiniz. Hardasız? Sizdən xəbər yoxdur. Bakıda olduğum hər yerdən şəkil paylaşıram. Olduğum yerləri də qeyd edirəm. Niyə məni hələ asıb-kəsən yoxdur? Agzınızın "zamok"unu mən bağlayım, yoxsa özünüz bağlayırsız?"

    Qeyd edək ki, Naz Mila evli olub və onun bir qızı var. Eyni zamanda, bir müddət əvvəl "Zuhal Topalla” evlilik verilişində Baha adlı türk vətəndaşı ilə nişanlanıb və sonradan nişanı qaytarıb.
    Bundan sonra o, Əli adlı azərbaycanlı iştirakçı ilə bir müddət sevgi münasibətində olub. Daha sonra cütlük ayrılmaq qərarına gəlib.
     


    634

    Müqəddəs dağda soyunan model yerli xalqın qəzəbinə səbəb oldu — FOTO

    Dünyanın məşhur “Playboy” modeli Ceylin Kuk Yeni Zelandiyanın müqəddəs Taranaki dağının zirvəsinə qalxıb.
    Oxu.Az Ölkə.Az-a istinadla xəbər verir ki, məşhur modelin burada soyunaraq kamera qarşısına keçməsi yerli xalqın qəzəbinə səbəb olub.
    Yerli maori tayfasının mətbuat katibi Dennis Nqavhare yeni zellandiyalı Kuku mənəvi dəyərlərə hörmətsizlikdə günahlandırıb və deyib: “Bu Vatikanın San Pietro kilsəsinə girib çılpaq poza vermək kimi bir şeydir”.
    Maorilər bu dağı ulu babalarının məzarı olaraq bilirlər və zirvəni də ulu babaları sayırlar. Bu səbəbdən dağın zirvəsinə çıxmaq yaxşı davranış kimi qəbul edilmir. Maorilər dini tədbirlərdən xaric heç vaxt dağın zirvəsinə çıxmırlar.
     
           
    209

    Azərbaycanlı qadın Türkiyədə avtobus sürücüsünü bıçaqladı

    Türkiyənin Tekirdağ şəhərində azərbaycanlı qadın avtobus sürücüsünü bıçaqlayıb.
    Oxu.Az-ın Türkiyə mətbuatına istinadən verdiyi məlumata görə, Ferhan Yakın adlı sürücünün idarə etdiyi avtobusda yolçuluq edən sərnişin Mənsurə Əlizadə hələlik məlum olmayan səbəblərdən onunla mübahisə edib.
    Mübahisə davaya dönüncə Mənsurə Əlizadə çantasında gəzdirdiyi bıçağı çıxararaq sürücünü sinəsindən vurub.
    Hadisə bələdiyyə dayanacağında şahidlərin gözü qarşısında baş verib. Sürücünün yaralandığını görən digər sərnişinlər hadisə yerinə polis və təcili tibbi yardım çağırıblar.
    Yаrаlı sürücü xəstəxanaya, azərbaycanlı qadın isə polis bölməsinə aparılıb.
    123