Перейти к содержимому
  • Объявления

  • Последние новости


    Prezident Əli Həsənovu vəzifəsindən azad etdi

    Prezident İlham Əliyev Əli Məhəmmədəli oğlu Həsənovun Azərbaycan Respublikası Prezidentinin ictimai-siyasi məsələlər üzrə köməkçisi - şöbə müdiri vəzifəsindən azad edilməsi haqqında sərəncam imzalayıb.
    BAKU.WS xəbər verir ki, bu barədə Prezidentin Mətbuat Xidməti məlumat yayıb.
    Qeyd edək ki, Prezidentin digər sərəncamı ilə Prezidentin İctimai-siyasi məsələlər üzrə köməkçisi-şöbə müdiri ləğv edilib.
    42

    Bakıda QƏRİBƏ APARAT PEYDA OLDU - Hər kəsə PUL PAYLAYIR - FOTO

    Bakıda son günlər bir neçə yerdə insanlara "pulsuz pul" paylayan aparatlar quraşdırılıb. Belə ki, Nizami rayonu ərazisində bir neçə yerdə quraşdırılan bu aparatlardan istənilən adam şəxsiyyət vəsiqəsini, barmaq izini quraşdırılan aparata daxil etməklə, 20 manat məbləğində borc pul ala bilər. Cihaz pul çıxarılan tərəfi çölə olmaqla, iri supermarketlərin içərisində quraşdırılıb. Üzərində "Azpulmat" sözləri yazılan aparat kənardan bankomata bənzəsə də, funksiyası yuxarıda da qeyd etdiyimiz kimi borc pul verməkdir.
    Day.Az xəbər verir ki, "Yeni Müsavat"ın əməkdaşı aparatlardan birinin quraşdırıldığı ərazidə müşahidə aparıb. Məlum oldu ki, aparatdan borc istəməyə gələn insanların çoxu işsizlərdir. Onların bir neçəsi ilə söhbət etdiyimiz zaman bildirdilər ki, aparatdan çox razıdırlar. Çünki qohumlarından, tanışlarından ala bilmədikləri borcu, bu dəmir parçası onlara 30 saniyə içərisində verir. Bəs nəyin qarşılığında?
    Bu sualın cavabına keçməzdən öncə yenə də aparatdan borc almağa gələnlərin fikirlərinə nəzər salaq. Belə ki, söhbət etdiyimiz şəxslərdən biri bildirdi ki, aparatdan 20 manat borc almağa gəlib. Ancaq bu borcu qaytarmaq fikrində deyil. Söylədi ki, bu gün camaatın banklara nə qədər borcu var və onlarla müqayisədə 20 manat nədir ki...
    Borc alan şəxslərin əksəriyyəti ali təhsili olmayan insanlar idi. Onlar hesab edirdilər ki, bu pulu onlara Mərkəzi Bank verir. Bir-biriləri ilə söhbətləri əsasında hələ belə cümlələr də işlədirdilər: "Allah Milli Bankın (Mərkəzi Bank) yiyəsinə kömək olsun. İndiki zamanda qardaşın-qardaşa etmədiyi yaxşılığı bizə edir. Gürcüstanda bu aparatlardan çox görmüşük. Ancaq Azərbaycanda yox idi. 20 manat verir, 5 günün içərisində 21 manat qaytarmalısan. Qaytarandan sonra 40 manat götürmək olur. Bu aparatın hesabına evimizə çörək aparırıq. Nəyi pisdir ki? Belə getsə, aparatı insanlar əziz adamları qədər çox istəyəcəklər..." Bu, aparatı Mərkəzi Bankın bankomatı zənn edən sadə vətəndaşların fikirləri idi.
    Bəs həqiqətdə necədir?
    Əvvəla, qeyd edək ki, aparatlar 10 gündən çoxdur ki, Bakı ərazisində quraşdırılıb. Lakin bu barədə sosial şəbəkələrdə, mətbuatda geniş məlumat yoxdur. Araşdırmamız nəticəsində bir neçə iqtisadi ekspertlə də əlaqə saxladıq. Onlar da bu cür aparatın mövcudluğundan bixəbər olduqlarını bildirdilər. Borc pul almağa gələnlər isə söylədilər ki, bu barədə məlumatı dost-tanışlarından alıblar. Dost-tanışlar hesabına bu gün aparatların qarşısında uzun növbələr əskik olmur. Aparatlarla bağlı "azpul.az" saytında bəzi informasiyalar yerləşdirilib. Sayt bu aparatı quraşdıran şirkətə aiddir və tam işlək vəziyyətdə deyil. Lakin oradan bəzi məlumatları əldə etmək mümkündür. Saytda müştərilərin əlaqə saxlaması üçün nömrə də qoyulub. Həmin nömrə ilə əlaqə saxlayıb, bu aparatların hansı banka aid olduğunu öyrənməyə çalışdıq. Bildirildi ki, aparatlar heç bir banka aid deyil: "Bu, sadəcə olaraq, lombarddır və heç bir banka aid deyil"-deyə, bildirildi.
    Aparatların işləmə prinsipinə gəlincə, daha detallı qeyd edək ki, borc almaq istəyən şəxs şəxsiyyət vəsiqəsinin hər iki üzünü terminala tanıdır. "Azpul.az" saytında yazılanlara görə aparatda heç bir insan amili yoxdur: "O, sizin icazəniz olmadan sənədlərinizin surətlərinə əsasən adınıza borc rəsmiləşdirmir. Sizin bütün şəxsi məlumatlarınız isə şirkətin qorunan serverlərində saxlanır və etibarlı şifrələmə alqoritmləri ilə qorunur"-deyə, saytda bildirilir.
    Şəxsiyyət vəsiqəsindən başqa borc alanın aparat tərəfindən barmaq izi götürülür, fotosu çəkilir. Minimum 5, maksimum isə 21 gün müddətinə borc pul verilir. 5 gün ərzində 20 manat və üstə gəl də 1 manat əlavə faizini qaytaran şəxs, bu dəfə 40 manat məbləğində borc ala bilir. Beləcə bu məbləğ 1000 manata qədər qalxır. Borcu götürən zaman bütün məlumatları daxil etdikdən sonra bir də mobil nömrənizi də yazırsınız. Nömrəyə xüsusi şifrə göndərilir və bundan sonra şifrəni yazıb, pulu çəkmək olur. Eyni nömrə, şəxsiyyət vəsiqəsi ilə borcu qaytarmadan növbətisini almaq mümkün deyil.
    Ekspertlər bildirirlər ki, əslində bu sistem olduqca təhlükəlidir. Çünki əməliyyatın kim tərəfindən aparılması, hansı serverdə saxlanılması məlum deyil. Ona görə də insanların şəxsi məlumatları kimlərinsə əlinə keçir. Ekspertlər hesab edirlər ki, bu, insanlar üçün əlavə problemlərə yol aça bilər. Bundan əlavə, söhbət etdiyimiz şəxslərin əksəriyyəti borcu qaytarmaq fikrində deyildilər. Növbədə dayanan şəxslərin çoxu işsiz olduqlarını bildirirdilər. Bu isə onu deməyə əsas verir ki, proses ölkədə borclu vətəndaşların sayını bir qədər də artıra bilər.
    Əldə etdiyimiz məlumata görə, məsələ ilə bağlı müvafiq qurumlar araşdırmaya başlayıblar və yaxın zamanlarda həmin qurumlar tərəfindən ictimaiyyətə açıqlama veriləcək.

    75

    Bu rayonlarımıza QAR YAĞIR

    tən gün axşam saatlardan başlayaraq Quba, Qusar və Xızı rayonlarının ərazisinə qar yağır. 
    Redaktor.az-ın verdiyi məlumata görə, Xızının Altıağac qəsəbəsində qarın hündürlüyü 12 santimetr, temperatur isə mənfi 3 dərəcədir. Qubanın Qırız və Xınalıq, həmçinin Qusarın Ləzə kəndlərində qarın hündürlüyü 8 sm-ə çatıb. Temperatur Xınalıq və Qrızda mənfi 9 dərəcə, Qusarın Ləzə kəndində isə -15 dərəcəyədək düşüb. 
    Şimal rayonlarında hazırda qar yağmaqda davam edir.//Apa.az
    54

    Bakıda 120 min manatlıq qara mərmərdən baş daşı qoyublar

    "Bu işin içində 200-300 manat başa düşüləndir. Biz ondan danışırıq ki, 20 min, 30 min, 50 min manatlıq, bir yerdə öyrənmişəm ki, 120 min manatlıq qara mərmərdən baş daşı qoyurlar".   Qaynarinfo xəbər verir ki, bu sözləri İTV-də yayımlanan "Sabaha saxlamayaq" verlişində etnoqraf Təvəkkül Səlimov bildirib.    O, həmçinin əvvələr insanları son mənzilə yola salarkən qonşuların, yaxınların təmənnasız köməyini və torpağın pulsuz olduğunu vurğulayıb:   "Elə bir mövzu qoyulub ki, illər əvvəl də bu aktual idi, indi də aktualdır, gələcəkdə də belə olıacaq. Xoş o insanın halına ki, ona qəbir evi qismət olur. Uzun illər əvvəl qəbiristanlıqlarda qəbirlər pulsuz olub. Bu savaş iş sayılıb. Qonşular, qohumlar və dostlar yığışardı, rəhmətə gedənin qəbrini qazar, əl tutardılar, daşını qoyardılar, hamısı da havayı olardı.    Əlbəttə 200-300 manat civarında rəhmətə gedənin qəbrini düzəltdirmək təbiidir və qəbulolunandır. Qəbiri düzəldən adam ustadır. O, da orda işləyir, daş alınır, sement istifadə olunur, usta bu yolla dolanır, balasına çörək aparır. Bu işin içində 200-300 manat başa düşüləndir. Biz ondan danışırıq ki, 20 min, 30 min, 50 min manatlıq, bir yerdə öyrənmişəm ki, 120 min manatlıq qara mərmərdən baş daşı qoyurlar. Biz bunun əleyhinəyik, bu meşşanlıqdan o yanadır".
    41

    Массовое отравление студенток в Баку

    В общежитии № 2 Бакинского Государственного университета произошло отравление.
    Как сообщили АПА в Минздраве, информация о происшествии поступила в скорую помощь в 12.35, передает Day.Az. Прибывшая по адресу проспект Метбуат, 36 бригада медиков обнаружила в бессознательном состоянии трех студенток. По словам врачей, изо рта у них шла кровь. Одна девушка скончалась, другие в критическом состоянии были доставлены в ЦКМ. Их лечение продолжается.
    Как сообщил АПА главный токсиколог Азер Магсудов, по факту ведется расследование: "Причины происшествия  не известны". 
    43

    Plyonka qadağası ləğv olunmayıb – AÇIQLAMA

    Vəkil Cavid Sultanov örtük çəkilən avtomobillərlə bağlı cərimənin BDYPİ tərəfindən ləğv edilməsi barədə yayılan informasiyanı əsassız hesab edir. 
     
    E-huquq.az xəbər verir ki, bu barədə  C. Sultanov açıqlama yayıb. 
     
    Açıqlamada bildirilir: 

    "Son günlərdə sosial şəbəkələrdə BDYPİ-nin adından yazıldığı göstərilən müraciətin mətni yayılmışdır. Bununla bağlı aşağıdakıları bildirmək istəyirəm:
     
    Azərbaycan Respublikasının Standartlaşdırma, Metrologiya və Patent üzrə Dövlət Komitəsinin AZS 122-2004 "Yerüstü nəqliyyat vasitələrinin təhlükəsizlik şüşəsi. Ümumi texniki şərtlər" dövlət standartına əsasən nəqliyyat vasitələrində küləyə qarşı olmayan digər şüşələrin (arxadakı yan şüşələrin) işıq buraxma qabiliyyəti 70%-dən az olmamalıdır. Həmçinin Azərbaycan Respublikasının iqlim şəraitini nəzərə alaraq hər il 1 may tarixindən 15 noyabr tarixinədək həmin şüşələrdə sənaye üsulu ilə hazırlanan jalyüzlərin istifadəsinə icazə verilir.
     
    “Yol hərəkəti haqqında” Azərbaycan Respublikasının Qanuna 1 saylı Əlavənin 7-ci bəndinin Qeyd hissəsinə əsasən işığı buraxması dövlət standartlarının tələblərinə uyğun olan, sənaye üsulu ilə hazırlanan rəngli şüşələrin (güzgü-şüşələrdən başqa) tətbiqinə icazə verilir.
     
    İnzibati Xətalar Məcəlləsinin 342.2.4-cü maddəsinə əsasən nəqliyyat vasitəsinin ban şüşələrinə qanunla tətbiqinə icazə verilməyən örtüklərin çəkilməsinə görə yüz əlli manat məbləğində cərimə edilir.
     
    Göründüyü kimi, noyabrın 15-dən sonra qanunla tətbiqinə icazə verilməyən örtüklərin çəkilməsinə görə məsuliyyət müəyyən edildiyindən və hazırda həmin normalar qüvvədə olduğundan icra olunmalıdır".
    35

    Günay Musayeva Nyu-York küçələrini podiuma çevirdi - FOT0

    Günay Musayeva Nyu-York küçələrini podiuma çevirdi - FOTO
     
    Türkiyədə fəaliyyət göstərən azərbaycanlı model Günay Musayeva Nyu-York küçələrində bodidə görüntülənib.
    Model Azərbaycanlı modelyer Rüfət İsmayılın yeni kolleksiyası üçün fotokameralara poz verib. Fotoları türkiyəli fotoqraflar Selim Akar və Umut Kıran çəkib.
      Həftəsonu və tıxacın sıx olmasına baxmayaraq, çəkilişlər davam edib. İnsanlar gözlərini Günaydan ala bilməyib. Hətta bodi ilə Nyu-York küçələrində gəzən Günaya yaxınlaşıb şəkil belə çəkdirənlər olub.
     
                Sevinc Yasinqızı  
    47

    Nazirdən şad xəbər: Bu məhsullar ƏDV-dən azad olunacaq

    Nazirdən şad xəbər: Bu məhsullar ƏDV-dən azad olunacaq
    İqtisadiyyat naziri Mikayıl Cabbarov Vergi Məcəlləsində dəyişikliklərin əsas istiqaməti və mahiyyəti barədə ətraflı danışıb.  
    Oxu.Az-ın məlumatına görə, M.Cabbarov noyabrın 7-də Milli Məclisin İqtisadi siyasət, sənaye və sahibkarlıq komitəsinin iclasında bildirib ki, dəyişikliklər yeddi əsas istiqaməti əhatə edir.
    “Yeniliklər, əsasən, ədalətli rəqabətin şərti olan bərabər və şəffaf mühitin təmin edilməsini nəzərdə tutur.
    Həmçinin, riskli vergi ödəyicilərinə nəzarətin, vergidən yayınma hallarına qarşı mübarizənin gücləndirilməsini, ƏDV inzibatçılığının təkmilləşdirilməsini, sahibkarların inzibatçılıq yükünün azaldılmasını özündə ehtiva edir.
    Sahibkarlıq fəaliyyətinin təşviq edilməsi, sosial xarakterli güzəştlər vasitəsilə əhalinin maliyyə (vergi) yükünün azaldılması, sahibkarlıq subyektlərinin vergi yükünün azaldılması, vergitutma bazasının genişləndirilməsi, beynəlxalq vergitutma və məlumat mübadiləsi üzrə öhdəliklərin yerinə yetirilməsi də dəyişikliklərdə öz əksini tapıb.
    Bildirək ki, Vergi Məcəlləsinə dəyişikliklər edilməsi haqqında qanun layihəsi 164 dəyişiklikdən ibarətdir.
    “Bu, əsasən, bina tikintisi fəaliyyəti ilə məşğul olan şəxslərin sadələşdirilmiş vergitutuma metodunun ləğv edilməsi və həmin şəxslərin vahid vergi rejimində fəaliyyət göstərməsinin təmin edilməsi (ƏDV və mənfəət vergisi metodu), Transmilli Şirkətlər Qrupu anlayışının müəyyən olunması ilə bağlıdır.
    Həmçinin, quş əti satışının ƏDV-dən azadolma müddətinin daha dörd il müddətinə uzadılması, habelə heyvan ətinin satışının dörd il ərzində ƏDV-dən azad edilməsi ilə bağlı müddəalardır”, - deyə M.Cabbarov əlavə edib.
    Dəyişikliyin məqsədi ölkənin davamlı iqtisadi inkişafı, şəffaflığın artırılması, sahibkarlığın inkişafını təmin etmək, eyni zamanda, vergi ödənişində uçot-qeydiyyat sisteminin sadələşdirilməsinə şərait yaradılmasıdır.
    Mikayıl Cabbarov qeyd edib ki, ölkədə dövlət orqanları ilə vergi ödəyiciləri arasında ünsiyyətin minimuma endirilməsi planlaşdırılır.
    “Dövlət orqanları ilə elektron məlumat mübadiləsinin genişləndirilməsi ölkədə iqtisadi səmərənin daha da artırılmasında və sui-istifadə hallarının azaldılmasında faydalı olacaq. Ölkədə sərbəst biznes mühitinin təkmilləşdirilməsi hər zaman diqqət mərkəzindədir”.
    Nazir atılacaq addımların fayda verəcəyinə və şəffaflığın artırılması sayəsində vergitutma bazasının genişlənəcəyinə inamını ifadə edib.
    Ətraflı müzakirələrdən sonra qanun layihəsi Milli Məclisin plenar iclasına tövsiyə olunub. 
    53
  • Яндекс.Погода
  •  Valyuta məzənnəsi

  • FreeCurrencyRates.com



















×