Перейти к содержимому
  • Объявления

  • Последние новости


    Gəncədə yaşayış binasında DƏHŞƏTLİ PARTLAYIŞ: ölən və yaralananlar var - FOTO

    Gəncə şəhərində yaşayış binasında baş verən partlayış zamanı ölənlərdən birinin meyiti dağıntılar altından çıxarılıb.
    Publika.az xəbər verir ki, hələlik şəxsiyyəti məlum olmayan gənc oğlanın meyiti dağıntılar altından çıxarılaraq adiyyəti üzrə təhvil verilib. İlkin məlumatlara bir neçə nəfər dağıntılar arasından xilasedicilər tərəfindən yaralı vəziyyətdə çıxarılılb.
    Hazırda ərazidə xilasetmə işləri davam etdirilir. (report)
    ***
    Gəncə şəhərində dördmərtəbəli binada partlayış olub.
    "Report" məlumatına görə, hadisə şəhərdə yerləşən "Füzuli" parkının yaxınlığında, Şahlar Hüseynov küçəsi, bina 13-də baş verib.
    Nəticədə 3-cü blokun bir hissəsi çöküb.
    İlkin məlumatlara görə, dağıntılar altında qalanlar var.
    Faktla bağlı araşdırma aparılır.
    92

    Bakıya yeni Maşın gəlib! – FOTO

    “Haval Azərbaycan” şirkəti yeni avtomobili üçün təqdimat mərasimi keçirib.
    Oxu.Az xəbər verir ki, məşhurların və iş adamlarının iştirakı ilə baş tutan gecədə “Haval” avtomobil markasının yeni “H6” modeli təqdim edilib.
    Tədbir zamanı çıxış edən “Haval Azərbaycan” şirkətinin direktoru Ağasadıq Sadıqov bildirib ki, 2 GDİ Turbo mühərrikinin sayəsində benzin sərfiyyatına 20 faizədək qənaət edə biləcəyiniz avtomobilin əsas xüsusiyyətlərindən biri avtoparkinq sisteminin olmasıdır.
      Ölü zonalarda məlumatlandırıcı siqnalla sizə informasiya verən maşında həmçinin, sükanı hansı tərəfə döndərməyinizdən asılı olmayaraq, duman işıqlarının həmin səmtə avtomatik dönməsi prosesi də baş verir.
    Rahatlığı ilə sizi məmnun edən “Haval” xüsusi zövqlə hazırlanmış modern tipli interyeri ilə aerokosmik maşına bənzəyir. Xüsusi keyfiyyətə malik dəri salonda, sükan və oturacaqlar isitmə sistemi ilə təmin olunub. Yuxulu vəziyyətdə maşın sürərkən tam təhlükəsizliyinizi təmin edəcək xəbərdar edici siqnallar, sizi zolağınızı dəyişdiyiniz zaman məlumatlandıraraq siqnallar verəcək.
    Xarici görünüşü ilə sizi valeh edən “Haval” qara, qırmızı, qəhvəyi və göy olmaqla, dörd rəngdə təqdim olunur. Tədbir zamanı “Light in Black” şirkətinin ərsəyə gətirdiyi kadrlarda da bu, öz əksini tapıb. 
    19 düymlük möhtəşəm diskləri ilə diqqət çəkən avtomobilə istehsalçı xüsusi olaraq, 100 min km. qədər kitabçada qeyd olunmuş hissələrə tam ödənişsiz servis təklif edir.
    Hər 5 min km-dən bir tələb olunan servis xərclərini “Haval” tam olaraq, avtomobilin 100 min km. sürülməsinə qədər öz üzərinə götürür.
    44 min 900 manat qiyməti olan avtomobilə 20% ilkin ödəniş və lizinq şərtləri ilə sahib olmaq mümkündür.
    5 il və ya 100 min km. zəmanəti olan “Haval” 187 at gücündədir.
    Ünvan: Babək pr. 22/69
    Telefon: (012) 514 10 78
    Instagram: @haval_azerbaijan
     
                               
    43

    “BMW”nin yeni elektrikli avtomobilinin məxfi şəkilləri yayıldı – FOTO

    BMW”nin yeni elektrikli krossoverinin şəkilləri yayılıb.
    Oxu.Az xəbər verir ki, fotolar “Autobahn” nəşri tərəfindən yayımlanıb.
    Bu avtomobil 2021-ci ildən istehsal olunmağa başlanacaq.
    “iNext” adı almış yeni avtomobil 2020-ci ildə satışa çıxarılacaq “iX3” modelini xatırladır. Qeyri-rəsmi məlumatlara görə, avtomobil 450 kilometrdən 700 kilometrədək məsafəni qət etmək qabiliyyətinə malikdir. 
    Elektrikli avtomobilin ən yaxşı versiyası 800 at gücündə olacaq. Bundan başqa, avtomobilə avtonom sürücü funksiyası da əlavə ediləcək. 
    “BMW iNext” avtomobilinin təqdimatı “Lufthansa” aviaşirkətinə məxsus “Boeing 777 °F” təyyarəsinin göyərtəsində baş tutacaq. Təyyarə Münhendən Nyu-Yorka, oradan isə San-Fransisko və Pekindən sonra Frankfurta uçacaq. 


    Ə.Ş.






    129

    Dünyanın ən sürətli yolsuzluq avtomobili “Lamborghini Urus” - FOTO

    Dizayn, istismar keyfiyyətləri, hərəkət dinamikası və həyəcanverici hərəkəti ilə “Lamborghini” genlərinin layiqli daşıyıcısıdır
    • Fərqli mühitlərdə gündəlik səfərlər üçün münasibdir
    • Ən yüksək istismar keyfiyyətlərinə nail olmaq üçün 650 a.g.-nə və 850 Nm fırlanma anına malik 4,0 litr həcmli V8 ikili turbo mühərrik
     
    • 3,6 saniyədə 100 km/saat sürət yığma və ən yüksək sürət - 305 km/saat
    • Fırlanma anının aktiv paylanması imkanına malik tam ötürücü sistem (4WD) və komfortlu idarəetmə üçün dördoxlu sükan çarxı
    • Karbon-keramik əyləclər, uyğunlaşan pnevmatik asqı və mükəmməl təhlükəsizlik və rahatlıq üçün əyilmə zamanı aktiv stabilləşmə
    • Altıya qədər fərqli idarəetmə rejimi + Tamburo idarəetmə rejimi seçimi vasitəsilə aktivləşdirilməsi mümkün olan EGO rejimi
    “Automobili Lamborghini” şirkəti ən sürətli yolsuzluq avtomobili olan üçüncü “Lamborghini Urus” modelini istismara buraxır və lüks avtomobil seqmentində etalon gücü, istismar keyfiyyətləri və hərəkət dinamikası, misilsiz dizaynı, dəbdəbəsi və gündəlik istifadəyə yararlılığı ilə seçilən yeni niş (seqment) yaradır.
    “Lamborghini Urus” modeli “Lamborghini” genlərini dünyanın ən universal avtomobilləri olan yolsuzluq avtomobilləri (SUV) ilə birləşdirmiş uzaqgörən yanaşmanın məhsuludur. “Urus” yolsuzluq avtomobillərini əvvəllər mümkün olmayan bir səviyyəyə – Super SUV səviyyəsinə qaldırır. 
    Bu, fərqli mühitlərdə gündəlik səfərlər üçün münasib olan, dizaynı, istismar keyfiyyətləri, hərəkət dinamikası və həyəcanverici hərəkəti ilə əsl “Lamborghini”dir”, - deyə “Automobili Lamborghini” şirkətinin prezidenti və baş direktoru Stefano Domenikali bildirir:
    “Urus” yüksək istismar keyfiyyətlərinə malik olan avtomobil kimi “Lamborghini” ailəsinin dəyərli üzvüdür. Bu, intensiv inkişaf və “yeni öküz cinsinin” yaradılması ustalığının kulminasiya nöqtəsidir. Bu super yolsuzluq avtomobili gözləntiləri aşaraq brendimiz və müştərilərimiz üçün yeni imkanların qapısını açır”.
    “Lamborghini Urus” fırlanma tezliyi maksimum 6 800 dövr/dəq olmaqla, 6 000 dövr/dəq-də 650 a.g.-nə (478 kVt) çatan və cəmi 2 250 dövr/dəq-də 850 Nm maksimal fırlanma anına nail olan 4,0 litr həcmli V8 ikili turbo mühərriklə hərəkətə gətirilir. 162,7 a.g./l xüsusi gücə malik olan “Urus” modeli sinfinin ən yüksək güc göstəricisinə və 3,38 kq/a.g. ilə ən yaxşı çəki-güc nisbətinə malikdir.
    “Urus” 3,6 saniyəyə 0-100 km/saat, 12,8 saniyəyə 0-200 km/saata qədər sürət yığa bilir. Maksimum sürəti 305 km/saat olan bu avtomobil mövcud olan ən sürətli yolsuzluq avtomobilidir. 
    “Urus”: çoxtərəfli xüsusiyyətlər
    “Lamborghini Urus” lüks yolsuzluq avtomobili olmaqla yanaşı, həm sürücüyə, həm də sərnişinlərə zövq verəcək idman avtomobili dinamikliyinə malik güclü avtomobildir.
    Onun aşağıya endirilmiş kupeyə bənzər kuzası və idarəetmə zamanı yola hakim olması rahat idarəetmə imkanı, yüksək yol-işıq məsafəsi, ən müasir texnologiyalara malik lüks məkanla bir araya gəlir. “Urus” avtomobili şəhərdə asan hərəkət, uzun səfərlər zamanı isə maksimum rahatlıq vəd edir. Avtomobilin yolda və şosedə super idman avtomobilinə xas olan möhtəşəm dinamikasına və fərqli mühitlərdə universal yolsuzluq imkanlarına heyran qalmamaq mümkün deyil.
    “Lamborghini Urus” ikili xüsusiyyətlərə malikdir: o, çoxtərəflidir. Bu avtomobil sahibinin istəyindən asılı olaraq həm idman, həm də eleqant lüks avtomobil kimi səciyyələndirilə bilər. O, həm gündəlik komfortlu səfərlər, həm də ürəkdöyündürən sürətli hərəkət üçün idealdır.
    Ad
    “Lamborghini” ənənələrinin davamı olaraq “Urus” adı da öküzlər dünyasından götürülüb.  Eyni zamanda, “Aurox” kimi adlanan “Urus” iribuynuzlu ev heyvanlarının böyük, vəhşi əcdadlarından biridir. Son 500 ildə yetişdirilmiş ispan döyüş öküzü görünüşünə görə Urus avtomobilinə çox yaxındır.
    Transmissiya və sürət qutusu
    Urus avtomobili çox qısa aşağı ötürmə nisbətini və daha uzun yüksək ötürmə nisbətini təmin etmək üçün sazlanmış avtomatik səkkiz-pilləli sürət qutusuna malikdir. 
    Lamborghini avtomobilinin tam ötürücülü (4WD) intiqalı və fırlanma anının paylanması sistemi: hərəkət dinamikasının optimallaşdırılması
    Lamborghini Urus modelinin tam ötürücülü (4WD) sistemi hər bir yolda və səthdə, istənilən hava şərtlərində təhlükəsiz, həssas hərəkət dinamikası təmin edir.  Torsen mərkəzi özübağlanan diferensialı bütün hərəkət rejimlərində, xüsusilə də yolsuzluq şərtlərində maksimal nəzarət və manevretmə qabiliyyətinə imkan verir. Fırlanma anı daha yüksək yerə sürtünmə ilə oxa yönəlmiş dartı qüvvəsini artıraraq ön/arxa intiqallara 40/60 nisbətində paylanır.
    Urus modeli arxa intiqal diferensialı vasitəsilə idarəetmə rejimi, idarəetmə üslubu və şinin yola ilişməsindən asılı olaraq hərəkətverici qüvvənin dartı qüvvəsini artırmaq üçün dərhal hər bir təkərə paylanmasını təmin edən fırlanma anının aktiv paylanması sisteminə malikdir. Fırlanma anının paylanması sistemi eyni zamanda sükanın gücləndirilməsini də artırır.
    Lamborghini Urus modeli Aventador S modelində istifadəyə verilmiş arxa təkərlərə intiqalı bütün sürət diapazonlarında daha mükəmməl stabillik və səfər rahatlığı, habelə optimal hərəkət dinamikası, manevretmə qabiliyyəti və azaldılmış dönmə çevrəsinə nail olmaq üçün istifadə edir.
    Lamborghini avtomobilinin həyəcanverici səsi və hissiyyatı
    Mühərrik, işlənmiş qazların ixracı sistemi və şassiyə hərtərəfli yanaşma avtomobilin gündəlik istifadəyə yararlığını və Lamborghini avtomobillərinin həyəcanverici hərəkət təcrübəsi və təkrarolunmaz səsinin saxlanılması ilə arzuedilməz mexaniki səslərin azaldılmasını təmin edir.
    Xüsusi olaraq hazırlanmış işlənmiş qazların ixracı sistemi mühərrikin sürətindən asılı olmayaraq səslərə fərdilik qazandırır. Belə ki, yüksək sürət yığma zamanı Urus daha gurultulu, idman avtomobilinə xas səslər çıxararaq şassinin vəziyyətindən xəbər verir.
    Tamburo – Lamborghini avtomobillərinin hərəkət dinamikasının idarəedilməsi
    Mərkəzi konsolda Tamburo idarəetmə rejimi seçimi avtomobilin bütün dinamik sistemlərini idarə edir və səthin vəziyyətinə, yaxud sürücünün istəyinə görə hərəkət dinamikasını seçməyə imkan verir. 
    Elektromexaniki əyilmə zamanı aktiv stabilləşmə sistemi Lamborghini avtomobillərində ilk dəfə istifadə edilir. Bu stabilləşmə sistemi çala-çuxurlu yollarda düzxətli hərəkət və dönmələr zamanı əyilmə bucağının maksimum azaldılmasını təmin edir. 
    Urus modelinin xüsusi olaraq sazlanmış dempferləmə sistemi davamlı şəkildə müxtəlif hərəkət vəziyyətlərinə uyğunlaşan yeni dempfer klapanlarını ehtiva edir: onlar dönmə zamanı bərk və düz xətli hərəkət zamanı yumşaq olur. Uyğunlaşan dempfer konsepsiyası avtomatik olaraq müxtəlif idarəetmə rejimlərinə uyğunlaşır. 
    Xarici dizayn
    Urus modeli LM002 modelinin, habelə Lamborghini irsi üçün vacib olan sürətli idman avtomobillərinin bir sıra xüsusiyyətlərini özündə birləşdirən əsl Lamborghini avtomobilidir. Urus Lamborghini sürətli idman avtomobillərinin üçdə ikisi korpus, üçdə biri pəncərədən ibarət olan korpus nisbətini mənimsəmiş möhtəşəm görünüşə malikdir.
    Urus modeli beşə qədər insan üçün lüks səyahət imkanları vəd edən avtomobildir. Avtomobilin qısa çıxıntıları onun qüvvəsindən, güclü tərəflərindən, dinamik özündən əmin xarakterindən və idarəetmə zamanı yola hakim olmasından xəbər verir.
    Urus modelinin gözəçarpan ön hissəsi yüksək kapotun altında mühərrikin yerləşməsini aydın şəkildə göstərərək Miura və Aventador modellərini xatırladır. Bunu kapotun ilk dəfə Countach modelində istifadə edilmiş diaqonal xətləri vurğulayır. Bütün bunlar avtomobilin bariz və dinamik Lamborghini xüsusiyyətləridir. Qürurlu, aşağıya endirilmiş qabaq hissə önə çıxan qabaq qanadları vurğulayır: altıbucaq formasında geniş hava yığanlar aşağıya endirilmiş qabaq spoylerlə birləşir və avtomobilin aerodinamik effektivliyi və müstəsna istismar keyfiyyətlərini daha da nəzərə çarpdırır. Lamborghini brendinə xas tanış Y formasında işıq diodları (LED) ilə vurğulanan yastı və nazik ön işıqlar idman üslubundadır və üfüqi vəziyyətdə yerləşdirilib.
    Avtomobilin fərqli silueti çərçivəsiz qapıların daha da vurğuladığı dinamik kupe üslublu cizgilərə malikdir və maşının Lamborghini avtomobillərinə xas olan konturlarını önə çıxarır. Arxa şüşə pəncərələrdən yuxarı doğru uzanan kəskin xətt avtomobilin ön və arxasını birləşdirir və tək hissədən ibarət möhtəşəm dizayn təəssüratını gücləndirir.
    Avtomobilin aşağı dam xətti və çərçivəsiz pəncərələrin mövqeyi maşının daxilində sürücü və sərnişin oturacaqlarının aşağıda yerləşməsini göstərir.  Kəskin cizgilərə malik ön şüşə və arxa dayağı əvəz edən itibucaqlı arxa pəncərələr Urus modelinin Lamborghini avtomobilləri arasında hətta Huracán modelindən belə daha təsirli görünməsini təmin edir və onun sürətli idman avtomobili siluetinə diqqət çəkir. Ön və arxada altıbucaq formalı təkərüstü oyuqlar LM002 və Countach modellərinin möhtəşəm dizaynından götürülüb və seqmentin ən böyük təkərlərinin – 21–23 düymlük təkərlərin qoyulmasına imkan verir.
    Aerodinamik optimallaşma
    Urus modelinin hər bir səthi avtomobilin aerodinamik imkanlarına və onun Lamborghini  sürətli idman avtomobili kimi xüsusiyyətlərinə töhfə verir.  Avtomobilin forması və funksiyası səciyyəvi Lamborghini dizaynı ilə birləşir: hər bir panel maşının ümumi müqavimət əmsalını artırır.
    Effektiv aerodinamika eyni zamanda Urus modelinin daxili akustikasına da müsbət təsir edir, səfər rahatlığını artırır, yanacaq istehlakını və tullantıların (emissiyaların) səviyyəsini azaldır, yüksək təzyiq qüvvəsi isə stabillik, təhlükəsizlik və hərəkət dinamikasını artırır.
    Şassi və asqı
    Urus super yolsuzluq avtomobilləri üçün yeni etalon və əsl Lamborghini-dir: o, sinfinin ən yaxşı yüngül çəkili texnologiyalarına və çəki-güc nisbətinə malikdir. Avtomobilin dizaynı və texniki detallarındakı innovasiyalar mümkün olan ən yaxşı hərəkət dinamikası və ümumi effektivliyi təmin edir.
    Uyğunlaşan pnevmatik asqı avtomobilin yola və hərəkət şərtlərinə müvafiq olaraq qaldırılması və aşağı düşməsinə imkan verir, bu zaman yol-işıq məsafəsi mərkəzi konsolda Urus üçün xüsusi olaraq hazırlanmış idarə elementinin sazlanması ilə sürücü tərəfindən dəyişdirilə bilər. 
    Urus modelinin standart Karbon-keramik əyləclərə (CCB) malik olan əyləc sistemi mövcud olan ən böyük və güclü sistemdir və öndə 440 x 40 mm, arxada 370 x 30 mm ölçüyə malikdir. Sistemdə əyləcin effektivliyinin azalmasının, demək olar ki, olmaması pedalın hiss edilməsini yaxşılaşdırır və nəticə etibarilə, bütün şərtlərdə və mühitlərdə istismar keyfiyyətləri və təhlükəsizliyə zəmanət verir.
    Təkər seçimləri 21 düymdən 23 düymə qədər dəyişir. Təkərlər Pirelli tərəfindən məxsusi olaraq Lamborghini Urus üçün hazırlanmışdır. Avtomobilin stabilliyi və sürətli hərəkətini təmin etmək üçün ön və arxa təkərlərin eni fərqlənir.
    Urus modelinin interyeri
    Urus modeli Lamborghini brendinin avtomobilin dizaynı, gücü və dinamik imkanlarının hər bir sürücünün özünü pilot kimi hiss etməsinə imkan verən prinsiplərinin bariz nümunəsidir. 
    Urus avtomobilində lüks italyan üslubu və ustalıq vəhdət təşkil edir. Avtomobilin erqonomik kabinəsi mükəmməl dəri, Alcantara üzlük materialı, alüminium, karbon-fiber və taxta kimi yüksək keyfiyyətli materiallardan hazırlanıb.
    Lamborghini İnfotainment sistemi III (LIS) və bağlantı
    Lamborghini Urus avtomobilinin İnfotainment sistemi (məlumat-əyləncə sistemi) onun lüks və gündəlik istifadəyə yararlığını əks etdirir və geniş bağlantı imkanlarına malikdir.  Standart komplektə Tamburo mərkəzinin üstündə Urus interyerinə mükəmməl şəkildə uyğunlaşdırılmış iki ekranlı, sensor panelli LIS məlumat-əyləncə displeyi daxildir. Yuxarıdakı ekran media, naviqasiya, telefon və maşının statusu haqqında məlumatlar üçün funksiyaların idarə edildiyi, əyləncə üçün əsas interfeysdir. Aşağıdakı ekran məlumatların daxil edilməsi və klimat-kontrol (iqlimə nəzarət sistemi) və oturacaqların qızdırılması kimi funksiyaların idarə edilməsi üçün klaviatura və əl yazısını dəstəkləyən ekrandan ibarətdir.
    LIS III quraşdırılmış innovativ səs nəzarəti sistemini ehtiva edir, habelə musiqi, telefon zəngləri və ya mətn ismarışlarının göndərilməsi kimi funksiyaları səs komandaları ilə idarə etməyə imkan verir. Standart komplektə simsiz enerji yükləyici və səs nəzarətinə malik telefon tutacağı; fərdi yaddaş profili, USB çıxış, Bluetooth multimedia axın yayımı, DVD-pleyer və səs sistemi daxildir.
    Digər əlavə funksiyalar arasında TV-tuner, DAB və CI kart oxuyucusu, proyeksiya displeyi, Lamborghini smartfon interfeysi və arxa oturacaqdakı sərnişinlərin əylənməsi üçün ağıllı displeyi qeyd etmək olar. Avtomobildə Lamborghini Connect də təklif edilir.
    Müasir Sürücü Yardım Sistemləri (ADAS)
    Lamborghini Urus avtomobilinin ADAS sistemi Avtomobil Mühəndisləri Cəmiyyətinin şkalasına görə 2-ci səviyyəli təhlükəsizlik, qorunma və sürücüyə yardım təmin edir. Uzaq-işıq köməkçi sistemi ön işıqları avtomatik olaraq uzaq-işıq rejiminə keçirir və bu rejimdən çıxarır; toqquşmanın qarşısını alan və ya yüngülləşdirən yenilikçi PreCognition sistemi, ön və arxa dayanacaq (parkinq) sensorları və kruiz-kontrol (iqlimə nəzarət sistemi) da standart komplektə daxildir. ADAS sisteminin əlavə funksiyaları yol hərəkətinin idarəedilməsi sistemləri, üst görünüş kamerası və yedək cihazı rejimini ehtiva edir.  
    Lamborghini Urus açar üstünüzdə olduğu halda, mərkəzi konsolda “Start” düyməsinin basılması ilə açarsız işəsalma funksiyasına malikdir. Avtomobilə ön və arxa qapılardakı sensor panellərə toxunaraq daxil olmaq mümkündür.   
     
                www.oxu.az
    90

    Avtomobillərin gömrük pulu artırılır

    Vergilər Məcəlləsinə xeyli dəyişikliklər nəzərdə tutulub. "Azforum.az" xəbər verir ki, 2019-cu ildən etibarən ölkəyə idxal olunan avtomobillərin aksiz vergisi artırılır.
    Məlumat üçün bildirək ki, hazırda ölkəyə gətirilən avtomobillərdən bir neçə vergi rüsum tutulur.
    Belə ki, avtomobilin gömrük dəyərinə (yəni xaricdən alındığı qiymət və onu ölkəyə gətirmək üçün xərclənən məbləğin cəmi) ƏDV hesablanır. 
    Bundan başqa, avtomobilin mühərrik həcmi, istehsal tarixi və ölkəsindən aılı olaraq gömrük rüsumu tətbiq edilir
    Nəhayət, avtomobilin mühərrik həcmindən asıl olaraq ona aksiz vergsi də hesablanır. Müşahidələr də göstərir ki, bu gün xaricdən  gətirilən avtomobillər üçün göükdə ödənilən vəsaitlərin böyük hisəsi məhz aksiz vergisinə sərf edilir.
     
    Gələn ildən isə aksizlər daha da artırılacaq Vergi Məcəlləsinə ediləcək dəyişikliyə əsasən, aksiz vergisinin dərəcəsinin bütün avtomobillər üzrə artırılması nəzərdə tutulur. 
    Ən aşağı aksiz dərəcəsi mühərrikinin həcmi 2 litrə qədər olan avtomobillərdədir. Bu göstərici 1 kubsantimetr üçün 20 qəpikdən 30 qəpiyə qaldırılıb. Ən yüksək aksiz dərəcəsi isə mühərrikinin həcmi 5 litrdən artıq olanlardadır. Belə avtomobillərdə 1 kubsantimetr üçün vergi 40 manatdan 70 manata qaldırılıb. Dəyişikliklər daha ətraflı aşağıdakı cədvəldə göstərilib:
    Aksiz məbləği
    Minik avtomobillərinin mühərrikinin həcmi:
    Hazırda
     2019-dan
    2000 sm3-dək olduqda
    hər 1 sm3 - 0,20 manat
    hər 1 sm3 - 0,30 manat
     
    3000 sm3-dək olduqda
    400 manat + 2001-3000 sm3 hissəsi üçün hər 1 sm3 görə - 3 manat
    600 manat + 2001-3000 sm3 hissəsi üçün hər 1 sm3 görə - 5 manat
    4000 sm3-dək olduqda
    3400 manat + 3001-4000 sm3 hissəsi üçün hər 1 sm3 görə - 8 manat
    5600 manat + 3001-4000 sm3 hissəsi üçün hər 1 sm3 görə -13 manat
    5000 sm3-dək olduqda
    11400 manat + 4001-5000 sm3 hissəsi üçün hər 1 sm3 görə - 20 manat
    18600 manat + 4001-5000 sm3 hissəsi üçün hər 1 sm3 görə - 35 manat
    5000 sm3-dən çox olduqda
    31400 manat + 5000 sm3 - dən çox hissəsi üçün hər sm3 görə - 40 manat
    53600 manat + 5000 sm3 - dən çox hissəsi üçün hər sm3 görə - 70 manat
     
    Bu dəyişikliklər ölkəyə gətirilən avtomobillərə görə ödənilən aksiz vergisinin məbləğinin kəskn yüksəlməsinə səbəb olacaq. Mühərriki kiçik avtomobillərlə bu fərq nisbətən kiçik olsa da, daha böyük mühərrik həcminə malik avtomobillər üçün aksiz vergisinin məbləği 10 minlərlə manat artacaq. Bu isə son nəticədə xaricdən gətirilən avtomobillərin bahalaşası ilə nəticələnəcək.
     
    Qeyd edilən dəyişikliklər qəbul edilsə minik avtomobilləri üçün aksiz vergisi belə dəyişəcək:
    Mühərrik həcmi
    Hazırda (manatla)
    2019-dan (manatla)
    2.0 litr
    400
    600
    2.2 litr
    1000
    1600
    2.5 litr
    1900
    3100
    3.0 litr
    3400
    5600
    3.5 litr
    7400
    12100
    4.0 litr
    11400
    18600
    4.5 litr
    21400
    36100
    5.0 litr
    31400
    53600
    5.5 litr
    51400
    88600
    5.7 litr
    59400
    102600
     
     












    66

    Массовая драка между армянами и азербайджанцами в Москве

    В Москве во время турнира по смешанным единоборствам (ММА) ACB 90 произошла драка между азербайджанцами и армянами.
    Потасовка началась из-за традиционной провокации армянских болельщиков, которые вывесили на арене так называемый флаг непризнанной «Нагорно-Карабахской Республики». Находившимся в зале азербайджанским любителям смешанных единоборств это, естественно, не понравилось. Они обратились к представителям правопорядка с просьбой убрать кусок материи не признанного никем территориального образования. Те пообещали это сделать, но так и не выполнили свое обещание. В результате азербайджанские болельщики вынуждены были проследовать в сектор, где сидели армяне, чтобы самостоятельно снять "знамя".
    Что было дальше, подробно рассказывается на странице ММА Azerbaijan. Приводим вашему вниманию фрагменты этого рассказа с небольшим редактированием использованных в нем выражений.
    «Чтобы все понимали: войдя на армянскую трибуну, мы заходили через узкую дверь, и поэтому всем вместе зайти не удавалось, - говорится в тексте. – Мы были окружены с трех сторон армянами, которые просто стояли и смотрели с высоты своих мест на нас. Первым пошел один из наших, он пролез в сидячие места к армянам, выхватил флаг-тетрис (так автор называет «флаг НКР» из-за изображенной на нем фигуры белого цвета, напоминающей фигуру из известной компьютерной игры «Тетрис» - haqqin.az). В этот момент они схватились за другие флагштоки и уже толпой сверху начали его бить».
    После этого в драку включился второй азербайджанец. Один из армян пнул его сзади, за что немедленно получил ногой по лицу.
    «После этого наш брат продолжил его месить. Его, конечно же, окружили армяне с четырех сторон и били. Потому наш брат просто стащил этого пацана вниз к перилам и, взяв на удушающий, стал его усыплять, держа на себе дабы получать меньше ударов. Когда армянин уже начал вырубаться, один из армян в панике крикнул «Ара, хватит».
    Еще один наш земляк залез в толпу армян, чтобы защитить своих друзей.
    «Он просто устроил там зарубу. Человек просто зашел к ним и начал рубиться с толпой. Так как он парень подготовленный, его удары были очень чувствительными. Первому же нос разбил. При этом с нашей стороны травм особо не было. Все по очень простой причине: армяне не удостоились даже спуститься со своих мест вниз к нам. Все двигались назад еще выше своих мест и пытались как-то нанести урон всякими выкриками и пинками с высоты. То есть никто из них оставаться за пределами своей толпы и драться не рисковал. Хотя нет, был у них один жирдяй, который решил, что умеет летать, воодушевившись, скорее всего, Хабибом Нурмагомедовым. Он прыгнул с пятого ряда на первый вниз, приземлился на перила, упал, и, естественно, его начали топтать, пока собратья не оттащили его.
    Еще один забавный момент. Когда одного армянина стащили вниз, один наш брат взял его за шкирку и начал бить по его лысой голове. Армянин, взявшись за голову, пытался всунуться в свою толпу, где его приняли за нашего и нанесли три-четыре удара.
    Все остальные его земляки двигались назад к своей толпе, никто из них один внизу оставаться не осмеливался. Все именно в толпу лезли. Это были самые яркие эпизоды. Все остальное было из разряда обмена ударами с толпы в толпу. В итоге единственным, кого более-менее травмировали, оказался наш брат, который самым первым полез на трибуну армян, чтобы сорвать их флажок. Ему просто несколько раз из толпы попали флагштоком по голове. Остальные отделались только порванной рубашкой и мокрым потом.
    После этого туда ворвался отряд ОМОН, нас просто оттуда выпихивали люди в шлемах и с дубинками. Они заперли двери на трибуну армян. Мы заявили, что не уйдем оттуда, пока они не уберут этот флаг. И стояли ждали, пока сотрудник полиции не вышел с их флагом, положив его в карман. Мы своего добились и уже хотели идти обратно на свои места. Но случился очень неприятный инцидент, который просто весь вечер перевернул на 180 градусов. 
    Кто-то из наших молодых пошел на трибуны армян с азербайджанским флагом, хотя мы говорили, что идем туда драться, потому никаких флагов с собой не брать. Потому что на деле это кусок ткани, который в замесе толпы у тебя утащить легче легкого. Зато по факту это символ нашей страны, который ну никак нельзя терять. Этот момент просто испортил все наши старания.
    Мы не уходили, пытаясь забрать обратно наш флаг, но уже отряд ОМОН был слишком большой, и мы были очень далеко от их сектора, чтобы пробиваться через ОМОН».
    При этом у одного из азербайджанцев в руках оказался телефон, оставленный кем-то из армян.
    «Наш брат решил поступить по совести: через ОМОН, подозвав армян, вернул им телефон их земляка, сказав, что, если вы мужчины, то вы вернете нам наш флаг. Это была вторая самая большая ошибка. Потому что армянин со словами «Конешна, брат джян» взял телефон, но флаг, как вы знаете, никто не вернул. Таким образом, этот пацан, которого звали Артур, если не ошибаюсь, обозначил всех своих земляков как «не мужчин».
    Это не первая наша потасовка с ними. Был эпизод такой же на турнире АСВ 71, опять же в Москве. Сценарий тот же. Вытащили флаг, мы пришли толпой на их сектор, там никто из них даже не кричал в нашу сторону, все подальше от перил отходили, чтобы мы не могли их достать. Справедливости ради, в тот раз их было поменьше, хотя все равно больше, чем нас. Они особо не буянили и убрали флаг. Ни один армянский «паблик» про это не писал, потому что стыдно было. Мы не писали, потому что это не должно быть чем-то фантастическим, а должно быть нормой для наших».
    Предлагаем посмотреть видео (смотрите с 50-й секунды), на котором запечатлена драка и то, как армяне приводят в чувство своего нокаутированного земляка.
    Отметим, что в этот день было неспокойно и около ринга. После боя между Тимуром Нагибином и Георгием Караханяном у ринга возникла потасовка с участием армянских болельщиков.
    72

    Azərbaycanlı şair: Mən qadın da, kişi də sevmişəm - MÜSAHİBƏ

    Şair, dramaturq və aktyor Orxan Bahadırsoyun Oxu.Az-a müsahibəsi:
    – Orxan, sizi tanımayan təbəqə üçün özünüzü təqdim edərdiniz...
    – 25 yaşım var. Lerik rayonunun Hamarmeşə kəndində anadan olmuşam. İbtidai təhsili rayonda, orta təhsili isə Bakıya köçdüyümüz üçün müxtəlif qəsəbələrdə almışam. Neft Akademiyasına qəbul olmuşam, sonra oranı yarımçıq qoyub, Azərbaycan Dövlət Mədəniyyət və İncəsənət Universitetinin “Kino və Dram Teatrı aktyorluğu” ixtisasında təhsilimi davam etdirmişəm.
    – Azərbaycan Dövlət Neft və Sənaye Universitetində “Biotibbi Texnologiyalar mühəndisliyi” ixtisasını niyə yarımçıq qoydunuz?
    – İstəmədiyim sahə idi. Həmişə qəribə bir paradoks var idi. Mən kimya, fizikanı sevirdim, lakin onları, sadəcə, krossvord hesab edirdim. Məsələlər həll etmək, tənliklər çözmək asudə vaxtımı əyləncəli keçirmək üçün bir vasitə idi. Ədəbiyyata isə peşə kimi yanaşırdım. Bunu nə müəllimlərimə, nə də valideynlərimə izah edə bilirdim.
    Onlar deyirdi ki, bu cür fizika və kimya beyni gərək humanitar fənlərə getməsin. Məhz bu səbəbdən həmin ixtisasa qəbul olundum. Lakin çox çəkmədi, birinci kursun sonlarında dərslərdən qaçıb, teatra getməyə başladım. Mənə qaib yazılırdı. Ərizəmi yazıb imtina etdim və evdən ayrıldım.
    – Belə baxıram ki, universiteti atmağınız evdə etirazla qarşılanıb.
    – Bəli, atam çox istəyirdi ki, bu sahələr üzrə ixtisaslaşım. Başa düşürəm, valideynlər övladlarını özlərinə layihə sayırlar, mən bunu daha sonra anladım. Bununla bağlı çox mübahisələrimiz olurdu. Bir də yaradıcılıq prosesim o qədər qəribə gedir ki, onlarla bir evdə qala bilmərəm. Bir əsər yazanda özüm üçün elə şərait yaradıram ki, bunu onların gözü qarşısına etməyi bacarmaram.
    Hətta bunu ayrı bir otaqda da edə bilmərəm. Çünki bəzən qışqırıram, tamamilə soyunuram. Ətrafım dağınıq, pinti olur, çevrəmi külqabılar, siqaretlər bürüyür. Ona görə də yeddi ildir tək yaşayıram. Bunları nəzərə alıb, onlardan ayrıldım.
    – Yaşınız az idi, evdən ayrılmaq, ev tapmaq çətin olmadı?
    – Hətta ev tapmamışdım, dostlarımın evində qalırdım, bəzən skamyada yatırdım. Yetər ki, evə getməyim. Səhər skamyada oyanıb ağrı çəkəndə daha yaxşı şeir yazırdım. Bu cür həzzi itirə bilməzdim, rahatlığa dəyişə bilməzdim. Yetər ki, xəstələnəydim, amma o şeiri yazaydım. O, mənə həzz verirdi deyə, bütün növ fəlakətləri yaşamağa hazır idim. Bıçaqlanmağa da, üstümdəki hər şeyin oğurlanmağına da.
    Həmin ərəfələrdə hər şeyə razı idim, elə indi də razıyam. Bütün növ faciələri yaşamağa hazıram. Hətta bir ay özümü xoşbəxt hiss etsəm, narahat olaram. Hərçənd deyirlər ki, bu, maddiyyatla bağlıdır. Amma belə bir sıxıntım yoxdur. Özümü xoşbəxt hiss etmirəm, bunu istəmirəm. Mənə belə xoşdur. Bu, uşaqlıqdan da belə idi.
    – Sizdəki bu güc haradandır belə?
    – Əgər Tanrı varsa, onun böyük bir ideologiyası da var – “Heç bir bəndəmə daşıya bilməyəcəyi yükü vermərəm”. O, arxayın olub ki, daşıya bilərəm, ona görə də verib (gülür).
    Bəzi məsələlər var, onları danışa bilmərəm. Ömrümün sonunadək də danışmayacağam. Həyatımın elə bir anı yoxdur ki, deyim, kaş ki bunu yaşamayayadım. Nə yaxşı ki, yaşamışam. Əksinə, xoşbəxt və boş keçən anlarıma peşman olmuşam, ancaq heç bir ağrıma görə peşmanlıq çəkməmişəm. Bilə-bilə fəlakətə getmişəm, əsla peşman deyiləm. Bu gün olsa, yenə edərdim.
    – Şeirlərinizdəki təsvirləriniz çox fərqlidir. Bu, tək kitab oxumaqla meydana gələn bir şey deyil. Düşünürdüm ki, bu adam içində nələr yaşayır ki, belə təsvirlər edir.
    – Deməli, yaşadıqlarım işə yarayırmış. Həmin an heç kimin ağlına gəlməyəcək bir fikir yazdığımın fərqində olmuram. Sonra o əsərə ədəbiyyatşünas kimi yanaşanda görürəm ki, fərqlidir. Pisdirsə, yayımlamıram. Özüm bilirəm, hansı şeirim güclüdür, hansı deyil.
    – “Saçını satan aktrisa” pyesi ilə Almaniyada keçirilən “Next Stage Europe 3” festivalına qatılan ilk azərbaycanlı dramaturqsunuz və əsəriniz Potsdam şəhərində yerləşən “Hans Otto” teatrında səhnələşdirilib. Bundan danışmağınızı istərdim...
    – Dramaturgiya festivalı bir neçə dəfə keçirilmişdi. Onlar Azərbaycandan dəvət etmək üçün dramaturq tapmamışdılar. Həmin dövrlərdə mətbuatda mənim “Niyə Azərbaycanda dramaturq yoxdur?”, “Niyə teatrlar dramaturqlarla işləmirlər?” tipli yazılarım çıxmışdı. Araşdırıblar və “Azadlıq” radiosunda çalışan Namiq Hüseynov məni məsləhət görmüşdü.
    Dedilər ki, pyesinizi göndərin. İki ay xəbər çıxmadı. Sonra xəbər gəldi ki, bu, sizin dəvətnaməniz, biletləriniz və s. 2017-ci ildə Almaniyaya getdim. Orada çox gözəl sənət mühiti var idi. Gedirdik Brextin evinə, (Bertolt Brext – 20-ci əsrin ən tanınmış alman şairi, dramaturq – red.) hansısa kafedə yazılmışdı ki, “Bu masada bir zamanlar Brext oturub”. Adam özünü başqa cür hiss edirdi. Evə girdik, vitrindəki fincanın üstünə yazılmışdı ki, “Bu fincanda Henrix Von Kleys (almaniyalı dramaturq – red.) çay içib”.
    Gəlin, görək, bizdə Cəfər Cabbarlının çay içdiyi fincanı tapa bilərik? Cəfər Cabbarlı heç də Henrixdən zəif dramaturq deyildi. Əksinə, ona dramaturgiya öyrədərdi. Amma biz onun bir fincanı nədir, heç ev muzeyini belə yaxşı qurmamışıq. Bunları görəndən sonra ölkədəki sənət mühitinə fikrim dəyişdi. Əvvəllər teatrlara tez-tez gedirdim, indi yalnız sənətini sevdiyim aktyor dostlarım dəvət edəndə baş çəkirəm.
    – Niyə ədəbi mühitin kənarında gəzirsiniz?
    – İki-üç müasir Azərbaycan yazıçısı ilə tanışlığım var. Heç vaxt axınla getmək xarakterim olmayıb. Ailəmə, doğulduğum kəndə qarşı çıxmışam, universitetə getmişəm, görmüşəm mənə uyğunlaşmırlar, özüm çıxıb getmişəm.
    Bugünkü ədəbi hadisələr mənlik deyil. Bəlkə, mən onlardan aşağıyam, istedadsızam. Bu, başqa məsələdir. Əsla, müqayisəyə girişmirəm. Demək istədiyim xarakter və davranış məsələləridir. Adamlar bir müddət hər şeyi tənqid edirlər, sonra bir millət vəkili onlara iş verəndə, hər şey tərsinə dəyişir. Mən heç vaxt belə ola bilmərəm.
    Bu peşəyə nələri qurban vermişəm, bu gün nələrəsə nail olmuşamsa, onun sayəsindədir. Belə qurbanlar verib, indi peşəmə ikiüzlülük edən adamla görüşə, bir səhnəni bölüşə bilmərəm. Peşə əxlaqı deyə bir şey var. Bu, mənim üçün əxlaqsızlıq olar.
    – Şeir gecələrində də sizi az-az görürük...
    – Çağırırlar ki, şeir gecəsi var, üç şair gələcək, siz də gəlin, getmirəm. Demişəm, dəvət etməyin, tək olsam, gedərəm. Əsla, eqoistlik deyil. Heç kimin öz peşəsinə mənim qədər fədakar yanaşdığına inanmıram. Bu mühitdə ikiüzlülük, maddi təmənnalar görürəm. Bu, məni sarsıdır. Mən öz peşəmə Allah kimi sitayiş edirəm.
    Mənim üçün dindən də, ailəmdən də artıqdır. Həmişə demişəm anamı da, atamı da, qardaşımı, bacımı da sənətimə qurban verərəm. Sənətim üçün üstündən xətt çəkə bilməyəcəyim heç nə yoxdur. Sənətim yoxdursa, mən də yoxam. Bunu heç kimlə bölüşə bilmərəm. 
    – Şeirlərinizdəki “o adam” kimdir?
    – Əslində, “o adam” deyə adam yoxdur. Müxtəlif adamlar ola bilər, təbii ki (gülür). Yaxud uydurduğum adam da ola bilər. Mənim üçün sevmədiyim anda belə sevgi şeirini yazmaq çox asandır, aktyorluğumdan istifadə edib yaza bilərəm. Dram əsərlərimi də belə yazıram. Şeirlərimdə mən də varam, heç vaxt görmədiyim xarakterlər də var. Orada yalanç da var. Ola bilər şeirimdə “Sənin üçün ölərəm” deyim, amma fərd olaraq heç kim üçün ölmərəm, nə qədər sevsəm də, sənətdən artıq heç kim yoxdur.
    – Ən çox ağrı çəkdiyiniz hansı şeiriniz olub?
    – “Yağış yağdıran” şeirim. Heç bir şeirdə o qədər sancı çəkməmişəm, ən sevdiyim şeirimdir.
    – Aktyor olmaq istəyi əvvəldən var idi, ya yazarlıqdan sonra bu istək baş qaldırdı?
    – Əvvəldən var idi, indi də oynayıram. Teatra getmək üçün nələrdən keçirdim. Sonralar bunu dramaturgiya öyrənmək üçün bir vasitəyə çevirdim. Yazarın dram yazması üçün məktəb görməsi mütləqdir. Gərək bilsin ki, işıq nədir, səhnəyə giriş-çıxış nədir. Bunları öyrəndim və dram əsərlərimi yazdım. Mənə ən çox uğuru da məhz dram əsərlərim gətirib. Aktyor sənətinin nəzəriyyələrini əzbər bilirəm, bu gün də çıxıb oynaya bilərəm, hansısa resenziyanı yazmağa hüququm var. 
    – Ailədən yeni ayrıldığınız vaxtlarda sizə kim dəstək oldu?
    – Həmişə mənə nənələrim dəstək olub. Atamın anası müəllimdir, mənə kiçik yaşlarımdan yazmağı öyrədib. Üçüncü sinifdə artıq imla yazırdım. Anamın anası isə mənə maddi dəstək olub. Nənələrim mənə atamdan, anamdan da artıqdır. Valideynlərimə daha çox bacı-qardaş kimi yanaşıram. Nənələrimi çox istəyirəm, amma sənətdən artıq deyillər.
    – Bu fikirləriniz yaxınlarınızın xətrinə dəymir?
    – Bunu özlərinə də deyirəm. Deməsəm, ikiüzlülük olar. Demişəm ki, bu gün sənət mənim əlimdən tutub harasa aparsa, bu, intihar belə olsa, siz ağrımayın. Evdə məndən başqa uşaqlar var, onlarla başlarını qatsınlar. Məni sənətə versinlər. Çünki mən çox pərakəndə tale yaşayıram. Nə onların ətəyində qala bilərəm, nə də istəmirəm mənə aludə olsunlar.
    Düzdür, başlarından bir tük əskik olanda, canım ağrıyır. Həmçinin, onların da. Bu bağlılığın bir itki olduğunda sarsıdıcı hala gəlməsini istəmirəm. Mən sarsılım, bu, problem deyil. Hisslərim oynasın yerindən və nə isə yazım. Amma onlar sarsılmasın, çünki bunda təmənnaları yoxdur.
    Hər dəfə deyirəm, məndən uzaq durun. Çünki hər dəqiqə sizi atıb gedə bilərəm. Bu, inziva da, Afrika cəngəllikləri də, intihar da ola bilər. Ona görə də ailəmə, dostlarıma bağlı deyiləm. Həyatımın daxili hissəsində heç kim yoxdur, yalnız çevrəsindədirlər. Qapını bağlayıb, evimə girdikdən sonra orada tamam başqa adamam, oraya heç kəsi buraxmıram. Bəzən deyirlər, sevgili hamısını keçir. Bu, əsla, belə deyil.
    – Bir dəfə Lerik və teatr tamaşaçıları barədə bir məsələ olmuşdu və sizin üstünüzə qalxmışdılar.
    – Mən Leriki sevirəm, dünyanın harasında gedirəmsə-gedim, Lerikə getmədimsə, özümü istirahət etmiş saymıram. Havası da, suyu da, mətbəxi də, dəyərlidir. O baxımdan, tipik talışam. Azərbaycanın bütün coğrafiyası mənim üçün belədir, amma Lerik, Astara, Lənkəran və Masallı həddindən artıq geridə qalıb. Mən bunu hamısının içində, tribunada da deyə bilərəm, daş-qalaqdan qorxan adam deyiləm. Bunu sevdiyim üçün deyirəm.
    Bir adam ki, hələ də artistə “mütrüb” deyirsə, Aygün Kazımova onlar üçün sənətkar deyilsə, pozğundursa, bu insanlara mən necə hörmət edim? Siz deyin. Bukovskinin bir əsərini qarşılarına qoysam, onlar orada, sadəcə, erotika görsələr, sevimmi bu insanları? Bunu deyəndə də oluram düşmən. Ay balam, oxuyun da! Şərait yoxdur, kitabxana ki, var. Oxuyun, təkmilləşin!
    Lənkəranda bir teatr var, oraya ildə bir adam gedir. Çox yaxşı insandırlar, evlərinə gedin, sizə ürəklərinin yağını yedirərlər. Amma bir qadına desən ki, niyə hələ də həyat yoldaşın səni döyür? Deyəcək ki, kişidir də, döyməlidir. Bunun səbəbi teatrsızlıq, məktəbi, universiteti oxumamaqdır. İnsanın özü bir otağın içində belə kamilləşə bilər. Qız, ümumiyyətlə, oxumamalıdır. Doqquzuncu sinifdə oxuyursansa, ərə getməlisən. Mən onların inkişaf etməklərini istəyirəm, geridə qalmaqlarını yox.
    – İlyas və Mövlanın sevgisini qələmə almağı niyə istədiniz?
    – Yetərincə səs-küylü əsər idi. Mən o zaman, həmişəki kimi, əxlaqsız elan edilmişdim. Əslində, ondan öncə “Fahişə mələklər”, “Kimsəsizlər sığınacağı”, “Yalançı akasiya” kimi əsərləri yazdım. Tabu mövzularda yazmağı sevirəm. Ər arvadına xəyanət etdi, qız bakirə çıxmadı kimi mövzular mənlik deyil. Dünya bu problemləri artıq geridə qoyub. Sabah robotların taleyindən əsər yazacağıq, biz hələ qalmışıq ki, kimsə bakirə çıxmayıb. 
    İsa Şahmarlının intiharı baş vermişdi. O hadisə məni sarsıtmışdı. Bundan əvvəl erməni oğlanla azərbaycanlı oğlanın sevgisindən bəhs edən “Artuş və Zaur” yazılmışdı, amma bu, siyasi xarakter daşıyırdı. Lakin mən maarifləndirici yöndə olan “Günahdır səni sevmək” romanımı yazdım. Düzdür, əsərlərimi roman adlandırmıram. Mən roman yazmamışam.
    Əgər bu gün 20 nəfər mənə yazırsa ki, bundan əvvəl homoseksuallara başqa cür baxırdım, fikrim dəyişdi. Bu, artıq mənim üçün uğurdur. Bu, hansısa ehtiyacdan irəli gəlmir. Bir əsəri yazanda üç şey nəzərə alınır. Aktualdırmı, maraqlıdırmı və nəticəsi olacaqmı? Nəticəsi də oldu. Amma tarixi vitrinə qoyulası bir roman deyil. Əhəmiyyətli əsər deyil, hələ belə əsərlərim çıxmayıb.
    – Şeirlərinizi kimin ifasında sevirsiniz?
    – Qiraətçilərin heç biri məndən inciməsin, Tural Əhməd mənim üçün başqa aləmdir. Səhər yuxudan ayılanda fikirləşirəm ki, görəsən, Tural mənim hansısa şeirimi səsləndirib? Turalla Vüsalə Əyyubqızı birgə “Gedək, asaq özümüzü” adlı şeirimə klip çəkdiriblər. Bunu görəndə çox sevindim. Zemfira Əbdülsəmədovanın da ifasını sevirəm.
    – Azərbaycanda niyə teatrlara biganəlik var. Səbəbi internetdir?
    – İnternetin inkişafı teatra mane olur. Əgər desək ki, cəmiyyət mədəniyyəti sevmir, bunların genetikası belədir, onda niyə sovet dövründə teatrlara bilet tapmaq olmurdu? Nəsibə Zeynalovanın adını afişada görəndə tamaşaya üç gün qalmış bilet tapılmırdı. Camaat gəlib yerdə otururdu. O dövrün şəkillərində, videolarında görürəm. Bunun müxtəlif səbəblərini özüm üçün analiz edirəm.
    Baxıram ki, müharibədən çıxandan sonra bizim üçün hər şey dəyişib. Baş can dərdinə, mal-mülk itkisinə, övlad itkisinə qarışdı. İnsanların teatrlara getməyə həvəsi olmadı. Nə qədər inkişaf olsa da, sənətə, teatra qayğı o qədər də ürəkaçan deyil. Bu da sənətçilərin öz işinə soyuq yanaşmasına gətirib çıxardı. Hərçənd ki, bu, düz çıxmır. Mənə bu gün pul verməsələr də, yazaram. İnsanın öz işinə sevgisi olmalıdır.
    Reallıqları da danışaq, nə qədər peşəkar aktyor olursan ol, biləndə ki, ay sonu 180 manat maaş alacağam, buradan çıxıb, toya, xınaya özümü çatdırmalıyam ki, pul qazanım. Bu adam teatrda nə performans sərgiləyə bilər ki? Azərbaycan tamaşaçısında fikir yaranır ki, bizdə aktyor yoxdur. Halbuki var. Hollivud və Türkiyə aktyorlarını da istedadı və nəzəri bilikləri ilə çökdürəcək aktyorlar var.
    Bu aktyorlar necə görməzdən gəlinə bilər? Deyirlər ki, sonuncu üç komediya aktyorumuz Yaşar Nuri, Nəsibə Zeynalova və Siyavuş Aslanidi. Vallah, bu gün Yaşar Nuridən istedadlı aktyorlarımız var. Yaşar bu gün sağ olsaydı, onlardan öyrənərdi. Bizim sonuncu dram artistlərimiz Leyla Bədəlbəyli, Həsənağa Turabov və Həsən Məmmədov idi. Onlardan da güclü aktyorlarımız var və bundan sonra da olacaq. Sovet nə karə idi ki, aktyor yetişdirsin? Sovet doğmadı Həsənağa Turabovu, ona kinematoqrafiya məktəbi verdi. Bizə elə məktəb lazımdır. 
    Cəmiyyətimiz rəvac yaradıb ki, hər yoldan keçəni 10-15 manata, yaxud şöhrət xətrinə filmə, seriala çəksinlər. Hara baxır Televiziya Şurası, telekanal rəhbərliyi? Nə ilə məşğuldurlar? “Azərbaycanfilm” Kinostudiyası hara baxır? Min ildir sənədlərdə adı var. Nə iş görüb? Bu xalq nə vaxt çıxıb studiyanın qabağına, dedi ki, ay studiya, neçə ildir buradan maaş alırsan, nə kino verdin mənə? Nə qədər daş atdılar həmin binaya?
    İndi hansı haqla kino, teatr tələb edirlər? Getsinlər, barbar şəkildə yaşayıb, məsud olsunlar. Çox danışanda əsəbiləşirəm, əsəbləşəndə də əlim əsir. Hər yerdə də danışa bilmirəm, sizin müsahibələri, işinizə olan hörməti bəyənirəm. Çox məsuliyyətli yanaşırsınız. Bir dəfə sizin bir yazı çıxdı qarşıma, girdim şəkillərin ardıcıllığından tutmuş, yarımbaşlıqlara qədər dedim ki, artıq yaxşı jurnalistlərimiz yetişir. Neçə müddət idi buna həsrət idik. Ona görə sizə məmnuniyyətlə danışa bilirəm, məni anlayırsınız.
    – Minnətdaram, çox sağ olun. Bayaq dediniz ki, xoşbəxt olanda darıxırsınız. Bəs nə ilə xoşbəxt olursunuz?
    – Məni xoşbəxt etmək asandır, bir-iki kəlmə tərif desəniz, xoşbəxt olacam (gülür).
    – Şair, bunu hər yerdə deyirəm, siz Yeni Azərbaycan Ədəbiyyatının günəşisiniz!
    – Çox sağ olun, xoşbəxt oldum (gülür). Çox şeydə gözü olan deyiləm, ev, maşın kimi arzum yoxdur. Alman teatrında öz əsərimə müəllif kimi tamaşa edəndə o qədər xoşbəxt olmuşdum ki, bundan sonra heç nə onun yerini verə bilməz. Əslində, xoşbəxt olmaq istəmirəm. Deyirlər, bir şeyin adını çox çəkəndə gəlir (gülür). Adını çox çəkməyim ki, gəlməsin. Həmişə arzulamadığım şeyləri yaşamaq istəmişəm. Çünki mənfəət xor varlıqdır.
    Arzuladığın şeylər sənin rahatlığın üçündür. Mən rahat olanda narahat oluram ki, niyə mən rahatam? Beş ildir nevrozam, bir dəfə həkimə getməmişəm, əlim titrəyir, onun da müalicəsi var, amma getmirəm. Qoy titrəsin, o titrəyəndə əlimdən bir stəkan düşür, əsəbiləşirəm və oradan bir şeir yaranır. Bu, mənə bəs edir.
    – Sizin içinizdə bir Yıldız Tilbe yatır.
    – Onu mən özüm də deyirəm (gülür). 
    – Qarşınıza özünüz kimi adam çıxıb?
    – Yox, çıxmayıb.
    – Çıxsa, nə baş verər?
    – İki qoçun başı bir qazanda qaynamaz. Mən ona paxıllıq edərəm, ilk fürsətdə özümdən uzaqlaşdıraram. Gərək, sənəti mənim qədər sevsin, mən qısqanaram axı (gülür).
    – Dediniz ki, atanızdan, ananızdan sənət görə imtina edərsiniz. Bəlkə, onların yoxluğunu hiss etməmisiniz, buna görə rahat danışırsınız...
    – Yeddi ildə onları 7-8 dəfə görmüşəm. Sənətdən başqa heç kim və heç nə üçün darıxmıram.
    – Siz sevəndə nə baş verir? 
    – Bütün sevgililərimdən sənətimə görə ayrılmışam.
    – Qadın sevgisi güclü bir şeydir axı...
    – Birincisi, sevgini cinsə bölməyək. Mən qadın da, kişi də sevmişəm. Ən maraqlı şairlərdən biri sevgilim olub, Azərbaycanda heç tanınmayan, sevgimə layiq olmayan bir adamı da sevmişəm ki, bu, kişi olub. Bahardan başqa bütün sevgililərimdən sənətə görə ayrılmışam. 
    Birinə dedim ki, mən getməliyəm Rusiyaya, səfil həyatı sürəcəyəm, istəyirsən, sən də gəl. Dedi ki, mən getmirəm, sən də getmirsən. Mən isə gedəcəyimi dedim. Söylədi ki, məni atıb gedirsən? Dedim ki, səni nədir, ailəmi atıb gedirəm. Onlar səndən artıqdırlar (gülür). 
    Və çıxdım getdim. 20 gün səfil həyatı sürdüm. Orada öyrəndiklərimdən maraqlı şeirlər yazdım.Bu hadisə sonralar da baş verdi. Türkiyədə, Gürcüstanda, Azərbaycanın rayonlarında bir neçə günlük yoxa çıxmışam, heç kim məndən xəbər ala bilməyib. Bunlar tez-tez yaşanır və yaşanacaq da. Təkliyi yaşamaq isətəyəndə evə girib, qapını bağlayıram. O zaman evə heç kim girə bilməz. 
    – Bu “vəhy” hansı aralıqlarda gəlir?
    – İldə 12-20 dəfə o şeyi yaşayıram. Çox nadir hallarda 3-4 günlük sosiallaşıram. Psixoloji analizlər aparıram. Bir dəliyə saatlarla baxıram, sərxoşu saatlarla izləyirəm. Heç dilini anlamadığım Rusiyada ağacların arxasında gizlənib, iki nəfərin danışmasına fikir verirdim ki, hansı intonasiya ilə danışırlar, hansı aksentdən istifadə edirlər. Nə cür hərəkət edirlər. Gözümün qarşısında narkotik alveri gedib. Onları müşahidə edirdim, dillərini başa düşmədiyim üçün o qədər özümə əsəbiləşirdim ki... Amma emosiyaları diqqətlə izləyirdim. Orada tutula da, döyülə də, öldürülə də bilərdim. Bu gün olsa, yenə edərəm. Ona risk kimi baxmaram. 
    – Müsahibə zamanı hey intihardan söz açırsınız. Uzunömürlü olmaq istəmirsiniz?
    – 70-80 il yaşamaq istəmirəm. Bəlkə də, o yaşa çatanda belə düşünməyəcəyəm.
    – Bəlkə, yarımçıq əsəriniz qalar, bir az yaşayıb tamamlamaq istəyərsiniz?
    – Yox, 70 yaşlı insan nə yaza bilər ki? Bugünkülər nə yazır? Nə qədər modernləşə bilərəm, bilmirəm, mən o dövrün Anarı, Fikrət Qocası olaramsa, gərək onda yaşamayım. Niyə boş yerə dünyada yer tutum? (gülür)

    55

    Bu qadınla sevgili olana 134 milyon manat veriləcək - BİR ŞƏRTİ VAR

    İngiltərənin ən gənc milyonçusu Ceyn Park özünə qəribə üsulla sevgili axtarır.
    AZFORUM.AZ xəbər verir ki, 23 yaşlı milyonçu onunla sevgili olan şəxsə 60 milyon funt-sterlinq (134 milyon manat) verəcəyini açıqlayıb.
    Milyonçu olduqdan sonra xoşbəxt yaşaya bilmədiyini deyən Ceyn onu həqiqətən sevəcək kişiyə sərvətindən pay verməyə hazır olduğunu deyib. “Deyli Mirror” qəzetinə müsahibə verən 23 yaşlı sərvət sahibi bu payın qarşılığında sadəcə sədaqət tələb edir.
    Qeyd edək ki, Ceyn Park 17 yaşında ikən lotereyanın şanslı qalibi olub. O, televiziya ulduzu Sam Callahan ilə sevgi münasibətləri yaşayıb. Lakin Sam onu aldadıb və buna görə cütlük ayrılıb.
    Sədaqətin puldan daha dəyərli olduğunu bildirən Ceyn bir internet səhifəsi vasitəsilə ona elçi düşən şəxslərlə tanış olub kiminlə evlənəcəyinə qərar verəcək.
    52

    ŞAD XƏBƏR: Xərclədiyiniz pulun 15%-i geri qaytarılaca

    İldən-ilə ölkəmizdə vergidən yayınma hallarının qarşısını almaq, eləcə də nağdsız ödənişləri genişləndirmək üçün müxtəlif tədbirlər həyata keçirilir.
    Azforum.az “Xəzər Xəbər”ə istinadla bildirir ki, Vergi Məcəlləsinə ediləcək dəyişikliklər onlardan biridir. Belə ki, ticarət və iaşə obyektlərinə ödəniləcək məbləğin əlavə dəyər vergisinin bir hissəsi vətəndaşa qaytarılacaq.
    Qaytarılan məbləğ nağdsız ödəmələr üzrə 15 faiz, nağd ödənişlər üzrə isə 10 faiz təşkil edəcək.
    İqtisadçı ekspert Rəşad Həsənov bildirib ki, ödənilmiş ƏDV-nin müəyyən olunmuş hissəsinin qaytarılması üçün alış-verişin qəbzi tələb edilməlidir. İqtisadçının sözlərinə görə, geriödəmələrin hansı formada reallaşdırılacağı ilə bağlı müxtəlif mexanizmlər nəzərdən keçirilə bilər.
    Rəşad Həsənov deyir ki, dəyişikliklərin ticarət və ictimai iaşə obyektlərinə ciddi təsiri olmayacaq. Çünki geriödəmələrin dövlət büdcəsi vəsaiti hesabına həyata keçiriləcəyi proqnozlaşdırılır.
    40
  • Яндекс.Погода
  •  Valyuta məzənnəsi

  • FreeCurrencyRates.com



















×