Перейти к содержимому
  • Объявления

  • Последние новости


    Anar Süleymanov azadlığa çıxdı: Evlənəndə onu araşdırmamışdım

    Həyat yoldaşını döydüyü üçün həbs olunan qadın kikboksinq millimizin baş məşqçisi Anar Süleymanov azadlığa buraxılıb.
    Bu barədə Oxu.Az-a Süleymanovun özü məlumat verib. 
    O bildirib ki, fevralın 13-də Nəriman Rayon Məhkəməsinin qərarı ilə iyirmi günlük həbs cəzasının müddəti başa çatıb. 
    Anar Süleymanov əvvəlcə həyat yoldaşı Şamama Bayramova ilə münasibətlərindən danışıb:
    “Son günlər haqqımda yazılanlar sabiq həyat yoldaşımın mənə qurduğu tələlərdir. Məşhur biri olduğumu nəzərə alaraq, özünü mənim vasitəmlə gündəmə gətirmək istədi. Biz Avropada yox, Azərbaycanda yaşayırıq. 
    Hər kəs bilir ki, ailədə problemlər olur. Yəni, bunlar təbii haldır. Amma heç bir Azərbaycan xanımına yaraşmaz ki, xırda bir mübahisəyə görə bölmələrdə adı işverən kimi hallansın, üzə duranlıq etsin. 
    Mən ailə qurmazdan öncə onu araşdırmamışdım. Bu mənim səhvimdir. Evləndikdən sonra gördüm ki, sərbəst bir ailə imiş. Ən çox da özü daha sərbəst biri idi. Ona görə də qərara gəldim ki, həyat yolumuzu ayıraq. Ondan sonra özünə yalandan mənim əleyhimə sənədlər düzəltməyə, özünə xəsarət yetirərək bunu mənim etməyim kimi qələmə verməyə başladı.
    İki məhkəmə prosesində günahsız olduğum sübuta yetirilsə də, sonuncu prosesdə hakimin haqsız qərarı üzündən mənə iyirmi sutka həbs cəzası verildi. Onun vəkili də keçmiş arvadımla çox yaxındır, ayrıldıqdan sonra onları bir yerdə çox görmüşəm. 
    Sonuncu məhkəmədə hələ qərar çıxarılmamışdan qabaq, həmin vəkilin tapşırığı ilə artıq məni həbsxanaya aparmaq üçün maşın gətirilmişdi. Həbsdə olduğum müddətdə də Şamama saxta profillər açaraq ailəmi, dostlarımı dayanmadan təhqir edib. Özünün model şəkillərini paylaşmaqla hazırda özünü reklam etdirir”.
    Daha sonra Süleymanov Oxu.Az saytında onun haqqında gedən kikboksinq millimizin kapitanı Ramal Aslanovun fikirlərinə toxunub:
    “Həbsdə olduğum müddətdə Ramal haqqımda danışıb. Onu qeyd edim ki, mən budo döyüş növü üzrə üç dəfə dünya çempionu olmuşam, bir dəfə Dünya Kubokunu qazanmışam. Budo üzrə idman ustasıyam. Universal döyüş üzrə iki dəfə Avropa üçüncüsü, kunq-fu üzrə Avropa çempionu olmuşam. 
    Kikboksinqdə isə bir sıra peşəkar turnirlərin qalibiyəm. Yəni mən heç vaxt heç yerdə kikboksinq üzrə dünya çempionu olduğumu deməmişəm. O mənə kikboksçu kimi öz dəstəyini verməkdənsə, yıxılana balta vurmaqla keçdi o qız tərəfə. Halbuki onunla duz-çörək kəsmişdim. 
    Azərbaycan çempionatında ilk döyüşdən nokauta düşməyimə də aydınlıq gətirim. 2016-cı ildə 16 kq çəki salmışdım və ilk gün üç döyüşüm vardı. Birinci döyüşdə vaxtından əvvəl qalib gəldim, ikinci döyüşdə rəqibim rinqə çıxmadı. Üçüncüdə isə çəki saldığım üçün halım çox pis idi. İkinci raundda gözüm qaraldı, zərbələri görmürdüm. Amma heç bir nokdaunsuz döyüş dayandırıldı və mənə texniki məğlubiyyət verildi. 
    Ramal pis idmançı olmasa da, onun özünün də nokauta düşməyinin şahidi olmuşam. Məsələn, ötən il Naxçıvanda Heydər Əliyevin xatirəsinə həsr olunmuş peşəkar beynəlxalq turnirdə Ramaldan da təcrübəsiz türk idmançı Mükrəmin Gülər ikinci raundda onu biabırçı şəkildə məğlub etdi. Ondan bir il öncə isə Çeçenistanda ayağını tutub döyüşü dayandırdı və bu da federasiyanın qınağına səbəb oldu. Biz döyüşəndə Ramal hələ kiçik uşaq idi. Yəni onun mənim haqqımda fikir bildirməyi hələ tezdir”.
    Səbuhi MUSAYEV
    68

    Azərbaycanda kolbasa sexindən dəhşətli görüntülər

    Binəqədi rayonunun Biləcəri qəsəbəsində anti-sanitar şəraitdə ət məhsulları, yəni kolbasa istehsal edən müəssisə aşkarlanıb.
    REAL xəbər verir ki, Murad Muradova məxsus olan müəssisədə AQTA-nın apardığı araşdırmalar zamanı məlum olub ki, bura sanitariya qaydalarına riayət edilmədən fəaliyyət göstərir. İstehsal edilən məhsullar yararlılıq müddəti bitmiş məhsullarla birlikdə saxlanılır. Yararlılıq müddəti bitmiş məhsullar təkrar emal üçün istifadə olunur.
    Ət məhsulları “zadəgan” adı altında istehsal olunub
    64

    "Jaguar" və "Land Rover" brendləri yenidən Azərbaycanda

    Azforum.az-in məlumata görə, Mart ayın 1-də "Jaguar" və "Land Rover" brendlərin Azərbaycanda təqdimatı baş tutub.
    "Jaguar Land Rover" avtomobillərinin Azərbaycanda rəsmi dileri olan "Avtolüks Azərbaycan" MMC Bakıda yerli müştərilərə satış, texniki xidmət və satışsonrası xidmətlər göstərməyə hazır olan yeni mərkəzin açılışı ilə ölkədə olan fəaliyyətini genişləndirməyə davam edir.
    "Jaguar Land Rover" Yaxın Şərq və Şimali Afrika (MENA) pərakəndə satış (riteyl) şəbəkəsinin tərkib hissəsi olan "Avtolüks Azərbaycan" MMC hər iki brendin Azərbaycanda mövqeyinin möhkəmləndirilməsi və inkişafında mühüm rol oynayır və bazarda iştirakını daha da genişləndirməyə hazırlaşır. Bakıda, Aşıq Molla Cümə küçəsində yerləşən yeni mərkəz ölkənin ən iri şəhərinin mərkəzində "Jaguar" və "Land Rover" müştərilərinə yüksək səviyyəli xidmət göstərəcək.
    4960 kvadratmetr sahəsi olan müasir mərkəz "Jaguar Land Rover" brendinin bütün dünyada "Jaguar Land Rover" pərakəndə satış (riteyl) sahələrinə uyğun olan yeni korporativ üslubunu əks etdirən qlobal ARCH standartı əsasında inşa edilib. Bu standart müştərilərə ən yüksək səviyyəli müştəri təcrübələrinin yaşadılması üçün canlı və qonaqpərvər ab-havanı gözoxşayan memarlıq və heyrətamiz dizayn konsepsiya ilə bir araya gətirir.
    "Jaguar Land Rover" MENA-nın regional diler şəbəkəsinin inkişafı üzrə direktoru Justin Weaving yeni avtosalonun açılması haqqında fikirlərini bildirdi:
    "Yerli pərakəndə satış (riteyl) tərəfdaşımızın göstərdiyi böyük səylərin sayəsində "Jaguar Land Rover" brendi Azərbaycan bazarında yerini möhkəmləndirir. "Avtolüks Azərbaycan" MMC-nin  ölkədə bu cür möhtəşəm "Jaguar Land Rover ARCH" mərkəzini açması ilə qürur duyuruq. Bu mərkəz brendimizin illər boyunca hər zaman xidmət standartlarının mükəmməlliyinə doğru can atmasından xəbər verir".
    "Avtolüks Azərbaycan" şirkətinin baş direktoru Mark Pocock bildirdi ki, "Biz Azərbaycanın avtomobil sənayesinin nüfuzlu və etibarlı nümayəndəsiyik, çünki biz hər zaman tələbkar müştərilərimizə ən yüksək keyfiyyətli məhsul və xidmətlər təqdim etməyə çalışmışıq.
    Yeni açılmış mərkəzimiz "Jaguar Land Rover" xidmət keyfiyyəti standartlarını yeni zirvələrə qaldırır və bu brendi seçmiş sürücülərə lüks avtomobilə layiq olan təcrübə yaşadır. Mərkəzimizdə "Jaguar" və "Land Rover" avtomobillərini dərindən bilən və anlayan ekspert komandası satış və satışsonrası xidmətlərin tam çeşidini əhatə edən kompleks xidmətlər təqdim edir", - Pokok əlavə etdi.
    Yeni "Jaguar Land Rover" avtosalonu "Land Rover" brendinin Range Rover, Range Rover Sport, Range Rover Velar, Range Rover Evoque, Land Rover Discovery və Land Rover Discovery Sport və "Jaguar" brendinin XJ, XF, XE, F-PACE, E-PACE və F-TYPE avtomobilləri daxil olmaqla hər iki brendin ən yeni avtomobillərinin geniş çeşidini müştərilərinə təqdim edir.
    Yeni mərkəzdə hər iki brendin yaxşı vəziyyətdə olan ikinci əl avtomobillərinin ayrıca satış salonu, orijinal məhsullar və aksesuarların satışı üçün xüsusi sahə də fəaliyyət göstərəcək.
    "Avtolüks Azərbaycan" şirkətinin Bakıdakı yeni "Jaguar Land Rover" mərkəzi martın 1-dən fəaliyyətə başlayıb. Mərkəzdə avtomobillərin satışı bazar ertəsi - bazar günləri, saat 10:00-dan 19:00-ə kimi, satış sonrası xidmətlər və ehtiyat hissələrinin satışı isə bazar ertəsi - bazar günləri, saat 09:00-dan 18:00-ya kimi, həyata keçiriləcək.
    Hər hansı əlavə məlumat almaq üçün (+994 12) 983 nömrəsinə zəng edə və ya www.landrover-azerbaijan.com və www.jaguar-azerbaijan.com internet saytlarına nəzər sala bilərsiniz.
     










     
    116

    Xanım idmançıdan şok açıqlama: 'Tək gecəlik...' - FOTOLAR

    2016-cı ildə Rioda akeçirilən Yay Olimpiya Oyunlarında idmançı Pedro Qonçalveslə cinsi əlaqəyə girmək üçün Giovonna adlı otaq yoldaşını çölə çıxardığı iddia olunan braziliyalı üzgüçü İnqrid Oliveyra açıqlama verib.   Fanat.Az xəbər verir ki, 22 yaşlı idmançının olimpiya kəndində Qonçalveslə yatdığı və bu səbəbdən otaqdan çıxardığı otaq yoldaşı ilə dava etdiyi iddia edilir. Hadisənin yarışdan bir gün əvvəl baş verdiyi deyilir.   İnqrid Oliveyra olayla bağlı açıqlama verərək "Pedro gecəni mənimlə keçirmədi və heç kimi otaqdan çıxarmamışam" deyib.   O, daha sonra olduqca maraqlı açıqlaması ilə diqqət çəkib: "İnsanlar bilmir, amma olimpiadalarda tək gecəlik münasibətlər normaldı. Bu səbəbdən olimpiya kəndlərində çox sayda qoruyucu paylanır".    


























    82

    Bakıda kütləvi dava - 3 tələbə bıçaqlandı, biri döyüldü

    Gecə saatlarında paytaxtın Binəqədi rayonu, Aydınbəyov küçəsində kütləvi dava olub.
    AZXEBER.COM "Baku.tv”yə istinadən xəbər verir ki, bir qrup gənc arasında düşən mübahisə sonda dava ilə nəticələnib. 
    Dava zamanı 1999-cu il təvəllüdlü 3 nəfər - Vəlizadə Möhübbət, Zeynalov Abbas və Əliyev Zili bədənin müxtəlif nahiyələrindən bıçaq xəsarətləri alıblar. 2000-ci il təvəllüdlü Rzayev Əhmədiyyə isə döyülüb. 
    Yaralılar 1 saylı Klinik Tibbi Mərkəzə çatdırılıb. Yaralıların vəziyyətinin qənaətbəxş olduğu bildirilir. 
    Qeyd edək ki, həmin gənclər Memarlıq və İnşaat Universitetinin tələbələridir. 
    Faktla bağlı araşdırma aparılır. 
    73

    SON DƏQİQƏ: Pakistan hücuma cavab verdi, Hindistan qırıcıları məhv edildi və... - Dəhşətli MÜHARİBƏ

    Nüvə silahına malik iki ölkə - Pakistan və Hindistan arasındakı gərginlik hər keçən gün artmaqdadır.
    Publika.az xarici mediaya istinadən xəbər verir ki, Pakistan Hindistan Hərbi Hava Qüvvələrinin iki təyyarəsinin məhv edildiyini açıqlayıb.
    Pakistan Silahlı Qüvvələrinin sözçüsü, general Asif Gafurun tvitter səhifəsində yazdığına görə, təyyarələr çərşənbə günü Pakistanın hava məkanında ölkələr arasında nəzarət xəttinin üzərində vurulub.
    Onun sözlərinə görə, Pakistan hərbçiləri pilotlardan birini tutublar.
    "The Times of India" nəşri isə Hindistan ordusunun ölkənin hava məkanını pozan "F-16" Pakistan hərbi təyyarəsini vurduğunu açıqlayıb. Qeyd edilir ki, pilot tullanmağa və paraşütü açmağa vaxt tapıb, ancaq onun vəziyyəti və olduğu yer haqqında məlumat yoxdur.
    Hindistan və Pakistan arasında gərginlik yenidən artıb.
    Xatırladaq ki, Asif Gafur ötən gün verdiyi açıqlamasında da Hindistanın döyüş təyyarələri Kəşmirdəki nəzarət xəttində yerləşən Muzafferabad bölgəsindən Pakistan hava məkanını pozduğunu bildirmişdi.
    Onun sözlərinə görə, sərhəddən 5-6 kilometr Pakistanın hava məkanına daxil olan təyyarələr bu ölkənin qırıcılarının müdaxiləsindən sonra geri çəkiliblər. Hava məkanının pozuntusunda ümumilikdə 12 ədəd “Miraj 2000” qırıcısı iştirak edib.
    Onlardan birinin tələsik şəkildə Pakistan tərəfinə bomba atdığı bildirilir.
    Hindistan qırıcıları Pakistanı BOMBARDMAN ETDİ - Dünya dəhşətli nüvə müharibəsinə doğru
    Qeyd edək ki, hər iki dövlət nüvə silahına malikdir. Analitiklər hesab edir ki, ölkələr arasında genişmiqyaslı hərbi qarşıdurma faciəli nəticələr doğura bilər.
    Cammu və Kəşmirin ştatlarında müstəqillik və ya Pakistana birləşməni dəstəkləyən separatçılar aktiv fəaliyyət göstərirlər. Nyu-Dehli İslamabadı silahlı separatçılara dəstək verməkdə ittiham edir. İslamabad isə bu ittihamları rədd edir və bildirir ki, Kəşmir sakinləri öz hüquqları uğrunda müstəqil mübarizə aparırlar.
    Hindistan və Pakistan arasında müsəlman əhalinin üstünlük təşkil etdiyi Kəşmir üzərində aparılan mübarizədə bu günə qədər 70 min insan həlak olub.


    71

    Qardaşı oğlu icra başçısının kreslosunu 'ələ keçirdi' (FOTOLAR)

    Adı tez-tez mətbuatda qalmaqallı xəbərlərlə hallanan Göyçay rayon İcra Hakimiyyətinin başçısı Mehdi Səlimzadə yenidən gündəmə gəlib. Amma bu dəfə hansısa qanunsuz əməli ilə yox, kreslosu ilə diqqət mərkəzindədir.
    Belə ki, başçının xidməti otağındakı kreslosu onun qardaşı oğlu və sürücüsü Toğrul Səlim oğlu Səlimzadə tərəfindən sözün əsl mənasında işğal olunub. Ərköyün qardaş oğlu dövlət məmurununun kreslosundan müxtəlif pozalarda şəkil çəkdirərək, özünü icra başçısı kimi aparır. Görünür bu səlahiyyəti ona rayonu "Burda mənəm, Bağdadda kor xəlifə" prinsipi ilə idarə edən, Göyçayı şəxsi mülkünə çevirən sevimli əmisi verib. 
    Qaynarinfo veteninfo.com-a istinadən sözügedən fotoları təqdim edir.


    66

    Milli Şuranın 2 mart mitinqi ilə bağlı QƏRAR VERİLDİ - RƏSMİ

    Bakı şəhər İcra Hakimiyyəti Milli Şuranın martın 2-də keçmiş "Məhsul" stadionunda mitinq keçirmək müraciətinə cavab verib.
    Publika.az xəbər verir ki, Milli Şuranın nümayəndələri Vidadi Məhərrəmov və İlham Hüseyn BŞİH-ə dəvət edilib və onlara imtina məktubu təqdim edilib.
    Mitinqə “yox” cavabı verilməsinin səbəbi yanvarın 19-da icazə verilmiş mitinqdən sonra baş verən asayiş pozuntuları, o cümlədən sözügedən mitinqdən sonra 200-dən artıq ayrı-ayrı təşkilat və vətəndaşların mitinqə icazə verilməməsi üçün etdiyi müraciətlər, habelə Bakı şəhər Baş Polis İdarəsinin eyni məzmunlu xahişi olub.
    80

    SON DƏQİQƏ: Bakıda çoxmərtəbəli bina yanır

    Bakıda tikilməkdə olan çoxmərtəbəli binada yanğın başlayıb.
    Publika.az Fövqəladə Hallar Nazirliyinin saytına istinadən xəbər verir ki, "112" qaynar telefon xəttinə Bakı şəhəri, Yasamal rayonu, Şəfaət Mehdiyev küçəsində çoxmərtəbəli yaşayış binasında yanğın olması barədə məlumat daxil olub. Fövqəladə Hallar Nazirliyinin Dövlət Yanğından Mühafizə Xidmətinin və Xüsusi Riskli Xilasetmə Xidmətinin xilasediciləri çağırış ünvanına cəlb olunub, digər aidiyyəti dövlət qurumları məlumatlandırılıb.
    Əlavə məlumat veriləcək.
    85
  • Яндекс.Погода
  •  Valyuta məzənnəsi

  • FreeCurrencyRates.com



















×