Перейти к содержимому
  • Объявления

  • Последние новости


    Aqil M.Quliyev: “İnanmıram, elə bir qadın olsun ki, məni...” - FOTO

    Tanınmış rejissor Aqil M.Quliyev yataq səhnəsinə münasibətindən danışıb.
     
    Yenicag.az-a açıqlama verən rejissor bədən forması imkan verəcəyi təqdirdə, açıq-saçıq filmlərə çəkiləcəyini istisna etməyib:
    “Əgər yaxşı formada olsam, yataq səhnəsinə çəkilərəm. Çünki kadrda əgər bədən görünürsə, estetik tələblərə uyğun olmalıdır. Fərqi yoxdur, istər qadın olsun, istərsə də kişi. Mən o formada deyiləm. Buna görə də filmimdə baxımlı bir aktyoru belə bir obraza çəkərəm. Niyə də yox? Bu həyatımızın bir hissəsidir. Bizdə erotika yoxdur demək nadanlıqdır. Necə yəni yox, olmaz. Biz bəyəm ağacda bitirik?”
    Rejissor şəxsi həyatından da danışıb. Qadında səmimiyyət və sədaqəti qiymətləndirdiyini deyən M.Quliyev “Aqili yoldan edə biləcək qadın varmı?” sualını da cavablandırıb:
    “Qadında ən yüksək qiymətləndirdiyim keyfiyyət səmimiyyət və sədaqətdir. İnanmıram məni yoldan edən bir qadın olsun”.
    Cəvahir
    64

    Yemək yeyib kökəlməklə pula pul deməyən 25 yaşlı qız — FOTOLAR

    25 yaşlı Amanda Fey izləyicilərinin qarşısında yemək yeyərək pula pul demir. “Ölkə.Az” xəbər verir ki, Amanda yemək yeyərək İnstaqram fenomeninə çevrilib və bu işdən sərvət qazanır.
    Amanda qeyd edir ki, artıq çəkisinə görə təhqirlərə və lağlara məruz qalan milyonlarla insandan biridir:
    “Mənə balina, gombul inək deyirlər. Amma pozitiv insanam, bunları diqqətə almıram”. 
    Haqqında deyilən mənfi rəyləri vecinə almayan 25 yaşlı Fey internetdə pul qazanmağın maraqlı bir yolunu tapıb. Onun İnstaqram səhifəsində 50 mindən çox izləyicisi var və yemək yediyi üçün pul qazanır. Amanda gündə 4 min kalori qəbul edir və bunu 10 min kaloriyə qədər artıra biləcəyini qeyd edir.
      İzləyiciləri Amandanın yemək yediyi yerdə çəkilən foto və videolarına baxmaq üçün 10 dollar pul ödəyilər. “Snapchat”də bu rəqəm daha yüksəkdir.













     
    90

    Kimlərin maaşı artacaq? (SİYAHI)

    Prezient İlham Əliyevin sərəncamı ilə cari il martın 1-dən minimum əmək haqqının 38,5 faiz (50 manat) artırılaraq 180 manata çatdırılması dövlət büdcəsindən maliyyələşən təşkilatlarda və özəl sektorda çalışan azı 600 min işçinin əmək haqqının artmasına imkan verəcək.
     
    Bu barədə Qaynarinfo-ya Əmək və Əhalinin Sosial Müdafiəsi Nazirliyindən məlumat verilib. 
     
    Bildirilib ki, dövlət büdcəsindən maliyyələşən təşkilatlar üzrə bu artım əmək haqları Vahid Tarif Cədvəli (VTC) üzrə ödənilən 450 mindən çox işçiyə şamil olunacaq. Onların sırasında daxildir:
     
    - elm, səhiyyə, sosial təminat, mədəniyyət, gənclər və idman, kənd təsərrüfatı, ekologiya, mənzil-kommunal, nəqliyyat və rabitə, meliorasiya, su təsərrüfatı və balıqartırma müəssisələrində, dövlət ümumi təhsil və peşə təhsili müəssisələrində bilik və bacarıqlarının diaqnostik qiymətləndirilməsi aparılmış müəllimlər və digər təhsil işçiləri istisna olmaqla, təhsil müəssisələrində çalışan işçilər;
     
    - dövlət qulluğunun xüsusi növündə çalışan, əmək haqları Vahid Tarif Cədvəli üzrə ödənilən mülki işçilər;
     
    - dövlət qulluğunun ümumi növündə yardımçı vəzifələrdə minimum əmək haqqından aşağı maaş alan dövlət qulluqçuları;
    - dövlət orqanlarında çalışan, lakin dövlət qulluqçusu hesab edilməyənlər (xadimə, dalandar, bağban, gözətçi, ocaqçı, ixtisas dərəcəsi olmayan fəhlə və s.);
     
    - dövlət büdcəsindən maliyyələşdirilən bir sıra təşkilatlarda (Nazirlər Kabinetinin 2018-ci il 14 mart tarixli 94 nömrəli qərarı ilə əmək haqları tənzimlənən təşkilatlar: Azərbaycan Milli Elmlər Akademiyası, "Azərbaycan Milli Ensiklopediyası” Elmi Mərkəzi, Azərbaycanda Atatürk Mərkəzi, Mədəniyyət və Turizm Nazirliyinin Milli Kulinariya Mərkəzi, İcra Hakimiyyəti orqanlarının nəzdindəki mərkəzləşdirilmiş mühasibatlıqlar, dövlət arxivləri, elmi mərkəzlər, Dövlət Film Fondu, Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyi və Məhkəmə Psixiatrik Ekspertiza Mərkəzi, Bakı Şəhər İcra Hakimiyyətinin tabeliyindəki Bakı Şəhər məktəbəqədər təhsil müəssisələri və uşaq evləri idarəsi, Təhsil Nazirliyinin Ərazi Maliyyə Hesablaşma Mərkəzi) aşağı əmək haqqı alan xidmətedici heyət işçiləri.
     
    Nazirliyin məlumatına görə, eyni zamanda, minimum əmək haqqı artımı özəl sektorda çalışan və əmək haqqı 180 manatdan az olan işçilərin (ilkin hesablamalara əsasən azı 150 min nəfər) əmək haqqının artmasına səbəb olacaq. Dövlət başçısının yeni sərəncamı ilə minimum əmək haqqının artırılması muzdla çalışanların azı 40%-nin əmək haqlarının artmasına imkan verəcək.
     
    Minimum əmək haqqının artırılması üçün dövlət büdcəsindən illik 400 milyon manat, 2019-cu ilin 10 ayı (mart-dekabr) 335 milyon manatadək əlavə vəsait ayrılacaqdır. 
    82

    Azərbaycanın “tanımadığımız” tanınmış modelləri - FOTO/VİDEO

    Fyodor Dostoyevski deyirdi ki, dünyanı gözəllik xilas edəcək. Baxmayaraq ki, yazıçı təkcə sözün müstəqim mənasını nəzərdə tutmamışdı, bu gün onun deyimi insanın gözü qarşısında füsunkar qadın silueti canlandırır.
    Ölkəmizdə xanımlar arasında tez-tez müxtəlif gözəllik və model yarışmaları keçirilir.
    Kimi bu müsabiqələrdə böyüyüb, uğur qazanaraq, ölkəmizi xaricdə təmsil edir, kimi isə uğursuzluğa düçar olub, modellik biznesi ilə həmişəlik vidalaşır.
      Azərbaycanı müxtəlif beynəlxalq gözəllik müsabiqələrində uğurla təmsil edən 47 yaşlı “Miss Milenium”, “The image of GLOBE Award” və “Miss Press” titullarına sahib olan Valida Abbasova uzun müddətdir ki, Azərbaycanda yaşamır. O, qızı Kamilla Məmmədzadə ilə birlikdə İsveçrəyə köçüb. Səbəb isə qızının orada təhsil almasıdır.


    Vаlidə Abbasova “Instagram” hesabında aktivlik nümayiş etdirərək, izləyicilərini paylaşımları ilə təəcübləndirir.

    Bir neçə gün əvvəl Validə sosial mediada Bakıya gəlməsi ilə bağlı paylaşımla gündəm yaradıb. O, atası və qızı Kamilla ilə bir araya gələrək həmin anları sosial şəbəkələrdə paylaşıb.

    Model olmaq üçün təkcə gözəllik yetərli deyil. Bunun üçün həm də bədən ölçüləri dünya modellik standartlarına uyğun olmalıdır. Model Nurida Əliyevanı görənlərin, bəlkə də, ağlına belə gəlməz ki, o, uzun illər artıq çəkidən əziyyət çəkib.

    Ciddi pəhrizlər və idman zalında mütəmadi məşqlər sayəsində Nurida arıqlayaraq ideal çəkiyə və bədənə sahib olub.
    “Mənə saat 18:00-dan sonra milyard da versələr, yemək yemirəm”, - deyə Oxu.Az-a açıqlamasında deyib.

    Seksual bədən quruluşunu nümayış etdirən Nurida izləyicilərini ehtiraslı fotosessiyaları ilə mat qoyur.
    Hazırda o, modellik karyerası ilə yanaşı, psixologiya elmi ilə məşğul olur. Vaxtının çoxunu isə mütaliə və yoqa ilə keçirir.

    Sosial mediada qalmaqallı fotoları ilə gündəmin altını üstünə çevirən digər tanınmış model isə Səmra Hüseynovadır.


      Səmra “Miss Azerbaijan” və “Miss Eurovision” yarışmalarının qalibi olub. O, Bakı ilə İstanbulu su yoluna çevirərək, həm ölkəmizdə, həm də Türkiyənin döyünən ürəyi İstanbulda modellik fəaliyyəti ilə məşğul olur.

    Səmra “Instagram” səhifəsində bütün çərçivələri sındıraraq, hətta alt paltarsız fotolar çəkdirir. Model onu qınayanlara heç bir reaksiya vermir.

    Artıq uzun müddətdir Türkiyəyə köçüb orada fəaliyyət göstərən 33 yaşlı Günay Musayeva hazırda ən yüksək qonorar alan azərbaycanlı modellər sırasındadır. 

    Musayeva Bakı Dövlət Universitetinin jurnalistika fakültəsini bitirsə də, yollar onu modelliyə aparır və bu istiqamətdə böyük nailiyyətlər əldə edir.

    2011-ci ilin avqust ayının sonlarında Türkiyənin məşhur aktyorlarından olan Tolqa Karel ilə ailə qurub. 2015-ci ilin avqust ayında isə onlar qalmaqallı şəkildə boşanıb. Cütlüyün bu evlilikdən Cahangir adlı övladı var.

    Son günlər Günayın dünya şöhrətli azərbaycanlı dizayner Rüfət İsmayılla həm işləməsi, həm də vaxt keçirməsi şayiələrə yol açıb. Deyilənə görə, iki məşhur eşq yaşayır.



    Musayeva iştirak etdiyi dəb gecələrində geyindiyi açıq-saçıq libasları ilə gündəm yaratmağı bacarır.

      Elə bir model də var ki, o, həmkarlarından çəkisinə və vücuduna görə çox fərqlənir. Onu görənlər isə heyrətini gizlədə bilmirlər. Söhbət Rusiyada dünyaya göz açan azərbaycanlı fitnes-model Bahar Nəbiyevadan gedir. 
    Fitnes-model məşhurluğu əzələləri sayəsində qazanıb. B.Nəbiyeva sosial şəbəkələrdə Azərbaycan və Ukrayna əsilli olduğunu vurğulayır. Baharın “Instagram” hesabının 2,3 milyon izləyicisi var.
     
    Nəbiyeva sosial şəbəkədə videolarını paylaşmaqla rekord sayda izləyici qazanıb, bunun nəticəsində isə onun adı və şəkilləri yerli KİV-də peyda olub. 
    97

    Azərbaycanda bu şəxslərin maaşı 30 faizdən 70 faizə qədər artacaq

    "Ötən gün dövlət başçısının imzaladığı sərəncamla Azərbaycanda minimum əməkhaqqı 180 manat oldu"
    Oxu24.com  xəbər verir ki, bunu əmək və əhalinin sosial müdafiəsi naziri Sahil Babayev deyib. Nazir diqqətə çatdırıb ki, bu il ölkə üzrə orta yaşayış minimumu 180 manatdır. Onun sözlərinə görə, Azərbaycanda minimum əməkhaqqı yaşayış minimumuna çatıb. Bu da qarşıya qoyulan hədəflərdən biri idi.
    "50 manat ümumilikdə 38,5% artım deməkdir. Bu artım çox böyük əmək qabiliyyətli əhali kütləsini əhatə edəcək. Sırf dövlət büdcəsindən maliyyələşən sahələri götürsək, 450 min nəfəri əhatə edəcək. Onların əməkhaqqısı müxtəlif kateqoriyalar üzrə 30 faizdən 70 faizə qədər artacaq. Ümumi rəqəm götürdükdə isə 30 faiz artım olacaq. İlkin qiymətləndirməyə əsasən, artım özəl sektorda çalışan 150 min şəxsin əmək haqqısına da təsir edəcək. Bu, özəl sektorda əməkhaqqıların leqallaşmasına ciddi təsir edərək. Həmin şəxslərin əməkhaqqısı 180 manatdan aşağı idi. Ümumilikdə sərəncam 600 min insanı əhatə edəcək”. 
    Nazir qeyd edib ki, əməkhaqqı 30 faiz artdıqda, insanların sosial və işsizlikdən sığorta haqları da artacaq: “Bu da onların gələcəkdə daha yüksək pensiya almasına, işsiz qaldıqda isə daha yüksək işsizlikdən sığorta ödənişi almasına səbəb olacaq. Bununla həmin şəxslərin həm pensiya təminatı, həm də sosial müdafiəsi güclənir”. 
    128

    ŞAD XƏBƏR - Azərbaycanda yeni avtomobil istehsalı zavodunun təməli qoyuldu - Xəbərdə yaşıl işıq

    Bu gün Hacıqabul Sənaye Məhəlləsində Azərbaycanın “Azərmaş” şirkətinin Rusiyanın “Qorki Avtomobil Zavodu” (QAZ Qrup) şirkəti ilə birgə həyata keçirdiyi layihə üzrə kommersiya və xüsusi təyinatlı avtomobillərin istehsalı zavodunun təməlqoyma mərasimi keçirilib.
    Azforum.Az xəbər verir ki, Azərbaycanın iqtisadiyyat naziri Şahin Mustafayev və Rusiyanın iqtisadi inkişaf naziri Maksim Oreşkin tədbirdə iştirak ediblər.
    İqtisadiyyat nazirinin müavini Niyazi Səfərov bildirib ki, zavodun dəyəri 14 mln. manatdır: “Zavod tam olaraq “Azərmaş” şirkətinə məxsusdur. Burada ildə, təxminən, 1 000 ədəd “QAZ” markalı, müxtəlif təyinatlı avtomobil yığılacaq. Zavodda 100 nəfərin işlə təminatı nəzərdə tutulur”.
    Zavodun inşasının 2020-ci ildə yekunlaşması nəzərdə tutulur.
    Qeyd edək ki, 2018-ci ilin aprel ayında “QAZ” markalı avtomobillərin Azərbaycanda yığımına dair əməkdaşlıq haqqında memorandum imzalanıb. Memarandumuna əsasən, Rusiya tərəfi azərbaycanlı tərəfdaşlarını lazımi qədər maşın hissəsi ilə təmin edəcək və Hacıqabulda yığım həyata keçiriləcək. Söhbət yüngül kommersiya maşınları – “QAZel Next”, “QAZel Biznes”, eləcə də orta tonnajlı yük maşını – “QAZon next”dən gedir. Bundan başqa, təcili tibbi yardım və məktəb maşınları üçün avadanlıqların istehsalı da nəzərdə tutulur. İstehsal prosesində Azərbaycanda hazırlanmış komponentlərdən istifadə edilməsi də planlaşdırılır.
    66

    4 gün yağış, qar yağacaq - Nazirlikdən xəbərdarlıq

    Ekologiya və Təbii Sərvətlər Nazirliyinin Milli Hidrometeorologiya Departamentindən AZXEBER.COM-a verilən məlumata görə, sabah Bakıda və Abşeron yarımadasında buludlu hava şəraiti üstünlük təşkil edəcək. Bəzi yerlərdə yağış yağacağı, gündüz tədricən kəsiləcəyi gözlənilir. Mülayim şimal-qərb küləyi gecə və səhər arabir güclənəcək.
     
    Havanın temperaturu Abşeron yarımadasında gecə 3 dərəcəyə yaxın isti, gündüz 5-8 dərəcə isti, Bakıda gecə 3 dərəcəyə yaxın isti, gündüz 6-8 dərəcə isti təşkil edəcək.
     
    Atmosfer təzyiqi normadan yüksək 764 mm civə sütunundan 768 mm civə sütununa yüksələcək. Nisbi rütubət 70-80 faiz olacaq.
     
    Azərbaycanın rayonlarında fevralın 9-da arabir yağış yağacağı gözlənilir. Ayrı-ayrı yerlərdə intensiv olacağı, dağlıq və dağətəyi rayonlarda qar yağacağı ehtimalı var. Bəzi yerlərdə duman olacaq. Qərb küləyi gecə və səhər ayrı-ayrı yerlərdə arabir güclənəcək.
     
    Havanın temperaturu gecə 1-5, gündüz 6-10 dərəcə isti, dağlarda gecə 3 dərəcə şaxtadan 2 dərəcəyədək isti, gündüz 3-6 dərəcə isti təşkil edəcək.
     
    Nazirlik xəbərdarlıq edir ki, fevralın 8-i axşamdan 12-dək ölkə ərazisində hava şəraitinin qeyri-sabit keçəcəyi, fasilələrlə yağış yağacağı gözlənilir. Ayrı-ayrı yerlərdə intensiv olacağı, dağlıq və dağətəyi rayonlarda qar yağacağı ehtimalı var.
    125

    Benzinin ən baha olduğu 10 ölkənin siyahısı

    “Globalpetrolprices” portalı dünyada benzin qiymətlərinə dair yeni məlumatlar yayımlayıb.
    Azforum.az Ölkə.Az-a istinadən xəbər verir ki, dünya üzrə orta hesabla benzinin bir litri 1.09 dollara satılır.
    Dünyada ən bahalı benzin Zimbabvedə satılır. Bu Afrika ölkəsində bir litr benzin 3.31 dollardır. Sizə dünyanın ən baha benzin satan ölkələrinin siyahısını təqdim edirik:
    Zimbabve -1 litr benzinin qiyməti 3.31 dollar
    Honkonq – 1 litr benzinin qiyməti 2.06 dollar
    Monako – 1 litr benzinin qiyməti 1.98 dollar
    Uollis və Futuna adaları – 1 litr benzinin qiyməti 1.80 dollar
    Norveç – 1 litr benzinin qiyməti 1.85 dollar
    Barbados – 1 litr benzinin qiyməti 1.80 dollar
    Hollandiya – 1 litr benzinin qiyməti 1.76 dollar
    İslandiya – 1 litr benzinin qiyməti 1.76 dollar
    Zambiya – 1 litr benzinin qiyməti 1.71 dollar
    Danimarka – 1 litr benzinin qiyməti 1.7 dollar
    103

    Rusiya müharibəyə hazırlaşır

    İsveçin müharibə tədqiqatları institutu (FOI) həyəcan təbili çalır. İnstitutun hesabatına görə, Rusiya müharibəyə hazırlaşır.
    Bizimyol.info xəbər verir ki, Rusiya ordusu hərbi hazırlığı xeyli artırıb. İnstitutun hesabatında da bu amil xüsusi qabardılıb. Rusiya ordusu hər il bir dəfə dörd istiqamətdə böyükmiqyaslı hərbi təlimlər keçirir. Hərbi təlimlərin əsas mahiyyəti qitənin böyük hissəsində müharibə qabiliyyətini yoxlamaqdır.
    Rusiya əvvəllər hərbi sahədə yeniliklərə, lokal münaqişələrin həllinə daha çox diqqət ayırırdı. İndi isə strateji hərbi təlimlərin miqyası xeyli artıb.
    İsveçli analitiklər son iki ildəki təlimləri nümunə göstərirlər. Qərbi əhatə edən “Zapad-2017” təlimində cəmi 5,5 min hərbçi iştirak edirdisə, keçən il miqyas həddindən çox artdı. “Vostok-2018” təliminə 300 min hərbçi cəlb olunmuşdu.
    Tədqiqat rəhbəri Yuhan Nurberq deyir: “Rusiya regional, eyni zamanda Çin və ya NATO ölçüsündə tərəfə qarşı müharibəyə hazırlaşır”.
    Analitiklər hesab edir ki, prosesi birbaşa prezident Vladimir Putin idarə edir. Məhz o, genişmiqyaslı hərbi təlimlərdə maraqlıdır.
    Axırıncı dəfə Rusiya ərazisində belə təlimlər 1981-ci ildə olmuşdu. Onda SSRİ üçün Əfqanıstan müharibəsinə hazırlıq çox vacib idi.
    “Vostok-2018” təlimində 1000-dən çox təyyarə, vertolyot, 80 hərbi gəmi, 36 min tank və başqa zirehli maşınlar iştirak etmişdi.
    90
  • Яндекс.Погода
  •  Valyuta məzənnəsi

  • FreeCurrencyRates.com



















×