• Объявления

  • Последние новости


    Mişel Obama transseksualdır? - DÜNYA MEDİASI ŞOKDA - FOTO/

    ABŞ-ın sabiq prezidenti Barak Obamanın həyat yoldaşı Mişel Obamanın transseksual olduğu deyilir.
    Publika.az xəbər verir ki, bunu ilk dəfə ABŞ telekanallarından birində yayımlanan proqramda məşhur aparıcı Aleks Cons iddia edib. Onun sözlərinə görə, əlində iddiasını sübut edə biləcək dəlillər var.
    Aparıcı proqram ərzində bir neçə görüntü təqdim edir. Görüntülərdə xüsusilə Mişel Obamanın qasıq bölgəsi iri plana alınıb. Bir başqa görüntülərdə isə Barak Obama rəqs edən arvadını "O Maykl" deyə səsləyib.
    Aleks Cons onu da qeyd edib ki, belə olan halda onların övladları haqqında da bir çox fikirlər səsləndirmək olar.


    83

    Azərbaycanda 30 min manatlıq yas: VİP molla, bahalı menyu, ofisiantlar… –

    Azərbaycanda bir neçə il öncə dəbdəbəli yas mərasimlərinin qadağan edilməsi məsələsi gündəmə gəlmişdi. Hətta bir müddət yas mərasimlərinə yerli icra nümayəndələri müdaxilə edərək, ehsan süfrəsinə çay, xurma və halvadan başqa digər nemətlərin qoyulmasına qarşı çıxırdılar. Amma bu qadağa uzun sürmədi: israfçılığı dildə hamı pisləsə də, əməldə heç kim “qonşudan geri qalmamaq”, “camaat nə deyər” prinsipini üstün tutdu. Nəticədə, yas mərasimlərimizdəki dəbdəbə nəinki bərqərar oldu, hətta xərc arta-arta gedir. İndi yas menyusunu toydan yalnız spirtli içki ayırır…
    Yas dəbdəbəsinin əsas əlaməti isə bahalı VİP çadırlardır. Kondisionerli, biotualet daxil belə çadırlar restoranların toy salonlarını da geridə qoyur. İmkanlı şəxslər yas məclislərini məscidlərin mərasim zallarında və ya belə VİP çadırlarda, nisbətən imkansızlar isə adi çadırlarda təşkil edir. Hələ bunun mollası, cənazə maşını, qəbir daşı… Bəs Azərbaycanda ölmək neçəyə başa gəlir?
    “Bakıda ən ucuz yas menyusu 8 manatdan başlanır”
    Qiymətləri öyrənmək üçün şəhərin mərasim zalları və kirayə çadır xidmətlərində araşdırma apardıq. Məlum oldu ki, 300 nəfərlik kişi və qadın çadırının ən ucuz qiyməti gündəlik 2500 manatdır. Kirayə çadır biznesi ilə məşğul olan Azad deyir ki, burada adambaşına yer 8 manatdan hesablanır.
    “150 nəfərlik çadır qurulacaq. Səhər qadınlar, günortadan sonra isə kişilər üçün məclis olacaq. Qulluqlu, qabyuyanlı sizə 2500 manata təşkil edə bilərik. Stulun biri 8 manatdan hesablanır. Bu Bakıda ən ucuz qiymətdir, bundan ucuzunu axtarmayın. Çünki qiymətlər qaxıb, una, yağa, ətə iki dəfə artıq pul veririk, amma qiyməti qaldırmamışıq”, – deyə kirayə çadır biznesi ilə məşğul olan Azad deyir.
    Məlum olur ki, əgər yemək ev sahibinin özü tərəfindən hazırlansa, onda qiymət xeyli ucuz olar. Yəni ofisiant və qabyuyan xidməti daxil çadırın qiyməti 450 manatdır.
    Kirayə çadırların quraşdırılması və yas mərasimlərinin təşkili ilə məşğul olan Cavad Veysəlov isə deyir ki, çadırın qiyməti onun quraşdırıldığı ünvandan və xidmətlərdən asılıdır. Həmsöhbətimin sözlərinə görə, əgər Nərimanov rayonunda yerləşən kirayə çadır avtomobilini yaxın yerlərə sifariş edirlərsə, onda qiymət o qədər də baha olmur. Əgər şəhərin ucqar ünvanlarından sifariş gələrsə, onda təbii ki, yol xərci də üzərinə gəlinir.
    “Bizim qurduğumuz çadırın qiymətinə aş-qara, pomidor-xiyar, pendir, göyərti, dovğa, kişmiş, xurma, limon, meyvə, konfet, çay və su daxildir. Təzə bazarlıq eləmişəm, istəsəniz dadına da baxa bilərsiniz. Qulluğumuz da əladır, ofisiantlarımız təmiz, səliqəli uşaqlardır. Adətən 8 ofisiant aparırıq və onların da günlüyü 30 manatdan hesablanır. Qabyuyan isə ayrıdır, onun pulu da danışdığımız məbləğə daxildir”, – deyə C.Veysəlov deyir.
    Həmsöhbətimiz qeyd edir ki, əksər hallarda adi çadırları sifariş edənlər orta təbəqə olduğundan, qiymətdə endirim və güzəşt tələb edirlər. Belə hallarda kirayə çadır sahibi ya qəlyanaltıları, ya da ofisiantların sayını azaldır: “Çox vaxt müştərinin imkanı çatmır, məcbur olub qiyməti salırıq. Onda da süfrəyə verdiyimiz qəlyanaltıların sayını azaldırıq, ya da ofisiantların hamısını aparmırıq. Elə də olur ki, müştərinin imkanı olmur, deyir ki, ancaq çadırı qur, ofisiant lazım deyil. Amma qonaqlarının sayı çox olanda əlavə ofisiant tələb edənlər də olur. Bizə buradan demək olar ki, heç nə qalmır, pul qabyuyana, samovara baxana, ofisiantlara gedir”.
    20-30 min manatlıq çadırda yas “banket”i
    Kirayə çadır biznesi ilə məşğul olan şəxslərdən onu da öyrəndik ki, müştərinin istəyindən asılı olaraq çadıra döşəmə də vurula bilər. Bu isə daha çox yağışlı havalarda və palçıq ərazilərdə lazım olur: “Kim istəsə, çadıra döşəmə də əlavə edə bilərik. Bizim çadırlar çox keyfiyyətlidir, VİP çadır bizim çadırdan ancaq dəmir borularına görə fərqlənir ki, o da pərdənin arxasında qalır. Döşəmə ilə olan çadırı başqaları 1000 manata verirsə, biz 700 manata veririk. Amma yeriniz qurudusa, döşəməyə ehtiyac yoxdur. Onu adətən yağış yağanda, palçıq olanda istəyirlər”, – deyə həmsöhbətimiz bildirir.
    VİP çadır xidməti ilə məşğul olan Elnur İbrahimov deyir ki, bu çadırlar adilərdən azı 3-4 dəfə baha olur. Hətta Bakıda 7 günü bir ev qiymətinə başa gələn çadır sifarişçiləri də az deyil: “Biz VİP çadırlarla işləyirik, ən yaxşı çadırlar bizdədir. Elə adamlar var ki, bir həftə ehsan verir, belə bahalı çadırların 7 günü 20-30 min manata başa gəlir. İçərisində kondisioner, bahalı çilçıraqdan tutmuş, səyyar qadın-kişi ayaqyoluna qədər hər şey quraşdırılır. Qalan menyu da restorandakı kimidir, toy menyusundan fərqlənmir. Xidmətçilərin xüsusi səliqəli geyimləri var. Süfrədəki qab-qacaq, çəngəl-bıçaq dəsti xaricdən gətirilib, pərdələr də ən son dəbə uyğundur”, – deyə E.İbrahimov bildirir.
    Məscidlərin mərasim zallarında da qiymətlər təxminən bir-birinə yaxındır. Ən prestijli mərasim zalları “Heydər” məscidində və “Təzəpir” məscidindədir. “Təzəpir” məscidinin mərasim zalında 300 nəfərlik yas mərasimin keçirilməsi menyudan asılı olaraq dəyişir. Menyuya yalnız bir cür yemək daxil olarsa, stul adambaşına 11 manatdan hesablanır. Bura çay, xurma, halva, meyvə, pomidor-xiyar, pendir, göyərti və dovğa daxildir. Əgər yeməkdə aş-qara ilə yanaşı, səbzi də olarsa, onda menyu 15 manata başa gəlir.
    Şadlıq saraylarında olduğu kimi, burada da bahalı menyu sifariş vermək mümkündür. Məsələn, yas mərasimlərində toyuq və ya balıq ləvəngisi sifariş edənlərə rast gəlinir. Belə olan halda bir nəfərlik stul üçün 20 manat və daha çox xərcə düşənlər də olur.
    Adi molla 200 manat, VİP ondan baha…
    Bir neçə ay öncə rəhmətə getmiş yaxınına il mərasimi təşkil etmiş Mehparə Məmmədova deyir ki, “Əhmədli” metro stansiyasının yaxınlığında yerləşən mərasim evində 300 nəfərlik yas məclisi ona 3000 manata başa gəlib. Evi darısqal olduğundan mərasim evində məclis keçirən həmsöhbətimiz qiymətlərin bahalığından gileylənir: “İki iç-içə otaqdan ibarət evim var, məclis keçirmək mümkün deyil. Həyətimiz də yoxdur ki, çadır sifariş edək. Məcbur qalıb anamın yasını mərasim evində keçirməli oldum. 3 il əvvəl də hüzürümuz düşmüşdü, onda bu qədər xərc çəkməmişdik. 300 nəfərlik zal bizə 3000 manata başa gəldi. Mollaya 2-3 saatına görə 200 manat verdik. Hələ bu VİP molla deyildi, VİP mollalar daha bahadır. Mənə dedilər ki, istəsəniz, sizə ağıçılar da gətirə bilərik ki, məclisiniz gur keçsin. Bir ağıçının qiyməti isə 50 manatdır”, – deyə M.Məmmədova deyir.
    Dəfn mərasimi üçün çadır kirayəsinin bahalaşdığını Dövlət Statistika Komitəsi də təsdiqləyir. Komitədən verilən məlumata görə, bu ilin mart ayında əvvəlki ayla müqayisədə çadır kirayəsi 1% bahalaşıb. Qeyd edək ki, dəfn mərasimi üçün çadır kirayəsi istehlak səbətinə daxil olan 100 xidmətdən biridir. Rəsmi statistikaya əsasən, bir günlük çadır kirayəsinin orta aylıq qiyməti martda 93,10 manat təşkil edib. Orta aylıq qiymət yanvarda 90,61 manat, fevralda 91,78 manat olub ki, bu da yanvarda aylıq 3,3%, fevralda isə 1,4% bahalaşma deməkdir.
    Bu hələ yas mərasimi ilə bağlı xərcin bir hissəsidir. Məscidlərdə ölü yumanın qiyməti 50 manatdır. Xüsusi avtomobillə ölünün qəbiristanlığa aparılmasına gəlincə, bunun da qiyməti məsafədən asılı olaraq təxminən 100-120 manatdır. Ölənin kəfən pulu, dəfn yerinin alınması, qəbir daşı və digər xərcləri də nəzərə alsaq, bu rəqəm kəllə-çarxa çıxır…
    Zəngin ehsan süfrəsi başsağlığı ənənəsini də unutdurur…
    Xatırladaq ki, əksər ilahiyyatçılar dəbdəbəli yas mərasimlərinin və israfçılığın əleyhinə çıxış edir. İlahiyyatçı Şahin Həsənli mətbuata açıqlamasında zəngin ehsan süfrələrinin yaxınını itirən adama başsağlığı hissinin unudulmasına gətirib çıxardığını deyir:
    “Yas mərasimlərinin əsas mənası dünyadan köçmüş insanın ailəsinə başsağlığı verməkdir. Bu, həm də İslam dininin töhfəsidir ki, bir insanın ailəsinə müsibət üz verdiyi zaman onun görüşünə gedib başsağlığı vermək lazımdır. Çünki yaxınını itirmiş insanın gözü yaxınlarını, qohumlarını, dostlarını axtarır, onlardan başsağlığı, təsəlli gözləyir. Yas mərasimlərində zəngin ehsan süfrələrinin açılması başsağlığı vermək ənənəsini unutdurmağa doğru aparır. Bəzən borc götürüb ehsan verənlərə də rast gəlinir. Əslində, bu cür hallar yas mərasimlərinin mahiyyətinin təhrif olunmasına gətirib çıxarır. Dəbdəbəli yas süfrələrinin açılması həm də insanların kateqoriyalara bölünməsidir. Dəfn mərasimində iştirak etmək, başsağlığına qatılmaq böyük savabdır. Çünki mahiyyətində insanlıq dayanır. Bu da insanları biganə olmamağa çağırır. Ona görə də, başsağlığı vermək milli ənənəmiz olub. Yəni dünyasını dəyişənin ailəsini tək qoymuruq, yanında oluruq. Yaxşı olar ki, bu ənənələr yaşadılsın”. (virtualaz.org)
    58

    Azərbaycanlı qadınları Türkiyəyə “satan” ana və qızına hökm oxundu

    Bakı Ağır Cinayətlər Məhkəməsi, insan alverində təqsirləndirilən paytaxt sakini Babayeva Sədaqət Mehar qızını 8 il müddətinə azadlıqdan məhrum edib. 
    Oxu.Az məlumatına görə, bu barədə Sputnik Azərbaycan-a hüquq-mühafizə orqanlarından bildirilib.
    Sədaqət Babayeva qadınların Azərbaycandan kənarda seksual istismarı ilə məşğul olan cinayətkar qruplaşmanın üzvü olub. Bundan əvvəl də eyni cinayət əməlinə görə məhkumluq həyatı yaşayan Babayeva, qadın və qızların Türkiyəyə aparılması və sonra orada seksual istismarı məqsədilə, bu dəfə öz qızı Babayeva Gülnarə Ramazan qızı və cinayətkar qruplaşmanın digər üzvləri ilə cinayətkar işbirliyinə girib.
    Yeri gəlmişkən, Gülnarə Babayeva da anası kimi 2007-ci ildə insan alverinə görə şərti azadlıqdan məhrumetmə cəzası alıb. 
    Azərbaycan Respublikası Daxili İşlər Nazirliyinin İnsan Alverinə Qarşı Mübarizə Baş İdarəsinin əməkdaşları tərəfindən aparılan operativ-axtarış tədbirləri nəticəsində beş nəfərdən ibarət cinayətkar qrup müəyyən edilib. Onların beşi də məhkəmə qarşısına çıxarılıb.
    Məlumdur ki, Babayevalar 2015-2016-cı illərdə Respublikanın regionlarından olan qadın və qızları yüksək məvacib müqabilində yaxşı iş vədi ilə aldadaraq, onları Türkiyənin Sivas şəhərinə aparıblar. Orada seksual istismar iki ünvanda həyata keçirilirmiş: evlərdə və mehmanxanalarda.
    İnsan alverçiləri Türkiyəyə gələn kimi qadınların pasportunu əllərindən alıb və onları müştərilərə intim xidmət göstərməyə məcbur ediblər. Bu zaman intim xidmət müqabilində verilən pulu özlərinə götürüblər.
    İstintaq, hələlik insan alverinin beş qurbanını müəyyən edib. Amma güman edilir ki, cinayətkar qruplaşmanın qurbanı olan qadınların sayı daha çoxdur.
    Onu da qeyd edək ki, Bakı Ağır Cinayətlər Məhkəməsi Gülnarə Babayevanın himayəsində azyaşlı uşaq olduğunu nəzərə alaraq, onun barəsində bu dəfə də azadlıqdan şərti məhrumetmə hökmü çıxarıb. 
    88

    Xalq artistinin oğurlanmış qızıllarının görüntüləri yayıldı – FOTO

    Xalq artisti Nazpəri Dostəliyevanın evindən oğurluq edən şəxslərlə bağlı rəsmi məlumat yayılıb.
    Daxili İşlər Nazirliyinin mətbuat xidmətindən Oxu.Az-a verilən məlumata görə, həyata keçirilən ardıcıl istintaq və əməliyyat-axtarış tədbirləri nəticəsində paytaxt və Sumqayıt şəhəri ərazisində 10-a yaxın dövlət müəssisəsi və özəl şirkətlərdən silsilə seyf oğurluqları törətməkdə şübhəli bilinən, əvvəllər məhkum olunmuş Rafiq Məmmədov, Qadir Əliyev, Rauf İbrahimov və Abşeron rayon sakini Amil Cavadov saxlanılıblar. Araşdırmalar zamanı bu şəxslərin Bakı və Sumqayıt şəhərlərində oğurladıqları seyflərdən külli miqdarda maddi vəsait götürdükləri keçirilmiş əməliyyat-axtarış tədbirləri nəticəsində  məlum olub.
    Göstərilən faktlarla əlaqədar Cinayət Məcəlləsinin müvafiq maddələri ilə cinayət işləri başlanılıb. Hazırda həmin işlər üzrə intensiv istintaq tədbirləri davam etdirilir. Zərərçəkənə külli miqdarda ziyan vurmaqla törədilən sonuncu belə oğurluq hadisələrindən biri Nərimanov rayonu ərazisində baş verib. Belə ki, 19 avqust 2017-ci il tarixində naməlum şəxs və ya şəxslər Bakı şəhəri Nərimanov rayonunda yaşayan Nazpəri Dostəliyevanın mənzilinə açarseçmə üsulu ilə qanunsuz daxil olaraq, içərisindən külli miqdarda qızıl-zinət əşyaları və pul olan dəmir seyf oğurlayıblar. Polis əməkdaşları tərəfindən isti izlərlə və yüksək peşəkarlıqla həyata keçirilən istintaq-əməliyyat tədbirləri nəticəsində qeyd edilən cinayət hadisəsinin Sumqayıt şəhər sakinləri əvvəllər məhkum olunmuş Ruslan Verdiyev, Yunis Hüseynli və Asif Həmidov tərəfindən törədildiyi müəyyən edilib. Əməliyyat-istintaq tədbirlərinin davamı olaraq dəstə üzvlərindən R.Verdiyev, Y.Hüseynli və A. Həmidov saxlanılıblar. Dəstə üzvləri seyfin içindən götürülən pulu və qızıl-zinyət əşyalarının satışından əldə olunan maddi vəsaiti öz aralarında bölüblər.
    Həmçinin müəyyən edilib ki, həmin şəxslər seyfi bir gün sonra Sumqayıt şəhəri ərazisindən keçən kanala atıblar. Baxış zamanı seyf qeyd edilən kanaldan aşkar olunaraq götürülüb. Əlavə tədbirlərlə dəstə üzvü A.Həmidovun avtomobilindən, Y.Hüseynli və R. Verdiyevin yaşadıqları ünvanlardan narkotik vasitə olan heroin götürülüb.
    Qeyd edilən faktla bağlı Nərimanov RPİ-nin İstintaq Şöbəsində Cinayət Məcəlləsinin müvafiq maddələri ilə cinayət işləri başlanılıb.
    Hazırda cinayətin törədilməsində iştirak edən dəstənin digər üzvlərinin tutularaq istintaqa cəlb olunmaları, habelə maddi sübutların aşkar edilərək götürülməsi istiqamətində zəruri istintaq hərəkətləri, eləcə də, təxirəsalınmaz əməliyyat-axtarış tədbirləri davam etdirilir.
     
                         
    70

    Hər gün istifadə etdiyimiz bu ərzaq narkotik maddəymiş

    ABŞ-ın Ürək xəstəlikləri institutunun əməkdaşları şəkərin narkotik vasitə olduğu qənaətinə gəlib.

    Unikal.org-un məlumatına görə, aparılan təcrübələr nəticəsində məlum olub ki, şəkər əhval-ruhiyyəni dəyişir, zövq verir və insanı şirniyyat axtarmağa məcbur edir.
    Mütəxəssislərin fikrincə, karbohidratlar alkaloidlərdən daha çox asılılıq yaratmaq gücünə malikdir.
    78

    Xalqlar Dostluğunda ağac qeyri-adi "məhsul" verdi - FOTO

    Küləklər şəhəri olan Bakıda sellofan paketlərin uçuşaraq ağaclara ilişməsinin və heç də xoş görüntü yaratmamasının çox şahidi olmuşuq. Amma bu dəfə qeydə alınan görüntü daha iyrənc olub.

     
     
     
    Xalqlar Dostluğun (Katv-in aşağı hıssəsində,ATS ilə üzbəyüz olan binanin girişində) yaxınlığındakı ağaclardan birində cox sayılı sellofan paketdə zibilər asılıb.
    Bu cür faktın baş verməsi təbii ki, xoşagəlməz haldır, hətta ikrah hissi doğurur.
    Məsələ ondadır ki, bu ağacın üstünə yuxarıda yaşıyan qonşu zibiləri atır.(Adını hal hazırda açıqlamaq istəmirəm ) Başa düşürəm yuxarı mərtəbədən zibil atmak daha asandır. Bu qonşu yaqin ki fəxr edir ki, 7 mərtəbədən zibil atan qəhramandır və övladlarına bir nümayış qöstərir.Ama unutmamak lazımdır ki,siz dağda yaşamırsız.Siz bu cür hallarla paytaxtımızın gözəlliyinə, ölkəmizin adına xələl gətirirsiz.  
    Məqsədim odur ki, hər kəsə bəyan edim ki, gəlin öz zibilimizi zibil qabına ataq, nəinki camaatın üstünə və yaxud da qapısına. Qəribədir, ayaqlarına zəhmət verib beş addımlıq maşın yolunu keçib zibillərini atmırlar, sonra xəstəlikdən, mikrobdan beş-altı dayanacaq o tərəfə olan xəstəxanalara ayaq döyməyə canlarında taqət olur. Xəstəxanaların, həkimlərin (bəzilərinin) də, özlərinin zibili “N” qədər. Axı bizim milli problemimizdir bu. Məlum məsələdir ki, belə olan halda qapısında səhər tezdən zibil görən adamlar da, “qəşəng-qəşəng” sözlər yazırlar “bura zibil atan..”lara. Bu da, öz yerində.
    Hamı gözəl bilir ki, xarici ölkələrdə küçəyə zibil atanları cərimələyirlər. Təsəvvür edin ki, Fransada küçədə hamburqer yeyə-yeyə gedirsən, yeyib qurtardıqdan sonra da kağızını tullayırsan küçəyə. Bir az əvvəl o kağız sənə lazım idi, neməti onun içində saxlamışdın və nəhayət ağzının mayonezini, ketçupunu, yağını sildikdən sonra artıq, o, zibil oldu və onu atdın. Məmur görən kimi, səni çağırıb qəşəngcənə cərimələyir. Bir də qələt edib, küçələri zibilləmirsən. Bu da bir növ mədəniyyət nümunəsi hesab edilir. Amma nədənsə, bizlər bu cür mədəniyyət nümunələrini deyil də, bu cür mədəniyyətə sahib olan Avropanın, Amerikanın digər mədəniyyətdən, əxlaqdan yetim qalmış əməllərinə mədəniyyət nümunəsi kimi baxırıq.
     

    Bizim binamızın  ətrafında yaşayan da bir insandır və ora da Vətənin bir parçasıdır. Düşünün ki, bir kimsə ordan gəlib sizin evinizin qapısına, məhəllənizə zibil atsa, necə olar? Onu öz yerinizə, özünüzü onun yerinə qoyun. Özünüzə rəva görmədiyinizi, başqasına da rəva görməyin. Əlimizdə olan torpaqları zibilləməyək, təmiz saxlayaq ki, işğalda olan torpaqlarımızı da, zalım zibillərdən təmizləyə bilək!

    95

    Bakı-Quba yolunda nəqliyyatın hərəkəti bərpa olunub – FOTO YENİLƏNİB

    Müdafiə Nazirliyinin “N” saylı hərbi hissəsinin silah-sursat anbarında baş vermiş partlayışla əlaqədar bağlanan Bakı-Quba yolu açılıb. 
    Oxu.Az Report-a istinadən xəbər verir ki, yolda yaranan avtomobil sıxlığı tədricən aradan qalxıb.
    Xızı rayonu ərazisində yaranmış təhlükə ilə əlaqədar Bakı-Quba avtomobil yolunun 28-ci km-dən, eləcə də həmin yolun Qubadan paytaxt istiqamətində 78-ci km-dən nəqliyyat vasitələrinin hərəkəti müvəqqəti olaraq tam məhdudlaşdırılmışdı. 
    DİN BDYPİ qeyd olunanları nəzərə alaraq, sürücülərdən həmin istiqamətlərdə səfərlərini müvəqqəti olaraq təxirə salmalarını xahiş etmişdi.

    12:25
    Xızı rayonu ərazisində yaranmış təhlükə ilə əlaqədar Bakı-Quba avtomobil yolunun 28-ci km-dən, eləcə də həmin yolun Qubadan paytaxt istiqamətinə 78-ci km-dən nəqliyyat vasitələrinin hərəkəti müvəqqəti olaraq tam məhdudlaşdırılıb. 
    Bu barədə Oxu.Az-a Baş Dövlət Yol Polisi İdarəsinin ictimaiyyətlə əlaqələr şöbəsindən məlumat verilib.
    Sürücülərdən xahiş olunur ki, həmin istiqamətlərdə səfərlərini müvəqqəti olaraq təxirə salsınlar.
    11:45
    Azərbaycanın strateji yollarından sayılan Bakı-Quba-Rusiya avtomagistralının Xızı rayonu ərazisindən keçən hissəsində nəqliyyatın hərəkəti məhdudlaşdırılıb.
    Oxu.Az in hadisə yerində olan müxbirinin verdiyi məlumata görə, buna Xızı rayonu, Giləzi qəsəbəsi ərazisində olan hərbi hissənin silah anbarında baş verən partlayiş səbəb olub. 
    Avtomagistral yalnız yanğınsöndürən və təcili tibbi yardım briqadaları üçün açıqdır.
    Qeyd olunanları nəzərə alaraq Baş Dövlət Yol Polisi sürücülərdən xahiş edir ki, həmin istiqamətlərdə səfərlərini müvəqqəti olaraq təxirə salsınlar.
    Xatırladaq ki, hadisə bu gün səhər saatlarında Müdafiə Nazirliyinin N saylı hərbi hissəsində qeydə alınıb. 
    İndiyə olan məlumata görə həlak olan və xəsarət alan yoxdur.
    İnsidentin baş vermə səbəbləri araşdırılır. 

    85

    Reyd zamanı gərginlik: Əlimdə işim var

    Respublika ərazisində atmosferi çirkləndirən sürücülərə qarşı tədbirlər davam etdirilir. 
    Oxu.Az ARB TV-yə xəbər verir ki, növbəti reyd ucqar dağ rayonu olan Gədəbəydə keçirilib. Yoxlamalar zamanı 10-dan çox avtomobildə texniki nasazlıq aşkarlanıb.
    Gədəbəy rayon Dövlət Yol Polisi Bölməsinin əməkdaşları “Təmiz hava" aylığı çərçivəsində rayonun müxtəlif ərazilərində, reydlər keçiriblər. Bir neçə saat davam edən reyd zamanı göstəriciləri normativlərə uyğun gəlməyən nəqliyyat vasitələrinin sahibləri müvafiq qaydada cərimələniblər. Avtomobilləri texniki tələblərə cavab verməyən sürücülər yazılan 50 manatlıq cərimə protokolunu birmənalı qarşılamayıblar.
    Etirazlara baxmayaraq sürücülərə qanunun tələbləri izah olunmaqla barələrində müvafiq tədbir görülüb.
    Ümumilikdə gün ərzində 30-a yaxın avtomobil yoxlanılıb. 12 avtomobilin havanı çirkləndirdiyi müəyyən edilib.
    “Qoy gedək işimizi görək. Əlimdə işim var. Xarabdır deyə aparıb qapıya ataq?”, - sürücülərdən biri deyib.
    Dövlət Yol Polisi Bölməsinin əməkdaşları texniki cəhətdən saz vəziyyətdə olmayan avtomobil sürücülərinə bir daha xəbərdarlıq edərək onları qaydalara əməl etməyə çağırırlar. Reydlər avqustun sonunadək davam edəcək.

    76

    Aygün Kazımova qalmaqalı fotodakı oğlandan danışdı – FOTO

    Xalq artisti Aygün Kazımova sosial şəbəkədə yaydığı yataq fotoşəkli ilə gündəmə gəlib.
    Oxu.Az xəbər verir ki, müğənni bununla bağlı “Instagram” hesabında şərh yazıb.
    “Canlarım, eşitdim ki, şəkildəki oğlanla yaman maraqlanırsınız. Nə məsələdir? Yoxsa gözü düşən var? Buyurun... Adını da deyə bilərəm - Nugo”, - deyə o qeyd edib.
    Qeyd edək ki, həmin fotoşəkillər ifaçının bu yaxınlarda təqdim ediləcək yeni klipindəndir.

    170
  • Яндекс.Погода
  •  Valyuta məzənnəsi

  • FreeCurrencyRates.com